Amootsi 1:3 - Kafa Linguistics Project

³ Doono Yeeri ishichiye: “Damaasiqi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo asho maayi buchi qiicoona maayoon bi bushoommon Gilaadee asheenaꞌon boonoshi buchitoyichiye.

Amootsi 1:3 ပူးပေါင်းရင်းမြစ်များ

1 Taateenaꞌo 19:17

Hazaheelichi goraadoochee muricciton Yehi wuxemmone. Yehichi goraadoochee muricciton Elisayi wuxemmone.

2 Taateenaꞌo 13:3

Doono Yeeri kaaro Israꞌeeleenaꞌo toommooch cufiye; ebich Sooriyee taatoo Hazaheelinaa bi bushoo Been Hadaadinochi kishooch meeti yemeenoon boonoshin beshiiꞌi immiye.

2 Taateenaꞌo 13:7

Sooriyee taatoo boonoshin yiikkee aalliiꞌi, maayi buchi xaaꞌeexi quttoommon bi tuniitoyich, Yoꞌakaazich aache hareshechinaꞌo, aashire gaarinaa aashire hume baatechinaꞌonoyee besh echeti ginee naayo aalloone.

2 Taateenaꞌo 16:9

Asooree taatoo bi qolloon waayeꞌi, Damaasiqin kochii yechiye. Areexi asheenaꞌonoo kecciꞌi, Qiiri katemooch daammiye; Sooriyee taatoo Resininoo wuxiye.

2 Taateenaꞌo 8:12

Hazaheeliyoo, “Ta doonocho, amoyichiye ne eeppaabeeto?” iye. Elisayiyoo, “Israꞌeeleenaꞌo toommooch ne shuunemmi gonde mooyon ta ariitoyichiye. Boonoshi mishigoon qaaqqoona michemmo neene; boonoshi gurimaasheenaꞌonoo goraadoona wuxemmo neene; boonoshi bushiisheenaꞌon ceqqe wuxemmo neene; yeqqefechi boonoshi gennoonoo gohemmo neene” iye.

Iyoobi 19:3

Aashire wottoon taan naaggiyote; yeelleyaanoon taan xuqqiyote.

Iyoobi 5:19

Shiritte gonde mooyoochee neen wodiyemmone; shabaattoochaa amolla ne achooch shagaachemmone.

Shaahiyoo 6:16

Doono Yeeri shixxiibeeti shiritte mooyo beete; shabaatte mooyonoo oogichiꞌi ciigehe; eboshiyoo,

Dojjecho 11:2

Showee toommooch gonde mooyo amo tunemmo gaata, ariyaano ne tunetoyich, ne gijjoon shabaatte beera woyee shimitte beera qoodibe!

Isiyaasi 28:27

Aaꞌaafo maayi buchi qiicoona bucheyaache; kamuuno gaarichi gengoona kacheyaache; tunebaani aaꞌaafo quddoona, kamuunoo gumboona buchehe.

Isiyaasi 41:15

Ebiyoche, ta neen andire, aci gashechi, maayi buchi qiicoommon tuniyemmo taane; guudinaꞌon bushi yiikkemmo neene; geppeenaꞌon maayi maaxxoommon tuniyemmo neene.

Isiyaasi 7:16

Tunebaani nallefoo gondoon shixo, deꞌoon shuno bi hakkoyee shiichiree ne shatteti gutte taateenaꞌo showoo ashaallo tunemmone.

Isiyaasi 7:8

Sooriyeenaꞌochi shimbo Damaasiqine; Damaasiqi shimbo Resinine; Efreemiyoo shichaa uuche nati daggooch tiishemmone; ebiyee bekk aagetee showoo tuneyaachemmone.

Isiyaasi 8:4

Bushoo ‘Taabbo, taande!’ geton bi hakkoyee shiichi, Damaasiqee gaannoonaa Shamaaree kecoonon Asooree taatoo keci daammemmone” iye.

Amootsi 1:11

Doono Yeeri ishichiye: “Edoomee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo goraadoon yechiꞌi boonoshi maneenaꞌon boonoshi yookkii dabbitoyichiye. Boonoshichoo ariqqemmon qajjitinaꞌone. Boonoshi toommooch ippeechii wotteyaache iitinaꞌone.

Amootsi 1:13

Doono Yeeri ishichiye: “Amoonee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo boonoshi showee danoon gamichoyich koyaabee, Gilaad beeti yeqqefechi maacheenaꞌochi maacoon boonoshi gohii kichitoyichiye.

Amootsi 1:6

Doono Yeeri ishichiye: “Gaazi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo asheenaꞌo bullin keccii daammiꞌi Edoomee showooch boonoshi kemmitoyichiye.

Amootsi 1:9

Doono Yeeri ishichiye: “Xiroosi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo manaamanittinee wogoon biichiꞌi, kecceti asho bullin Edoomee showooch boonoshi kemmitoyichiye.

Amootsi 2:1

Doono Yeeri ishichiye: “Moꞌabee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo Edoomee taatoochi shaawushoon michiꞌi tulloo boonoshi tuniitoyichiye.

Amootsi 2:4

Doono Yeeri ishichiye: “Yihudee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo ta sheeroon boonoshi qallayitoyich, ta qociyoonoo quyo boonoshi qajjitoyichiye. Boonoshi qaabbechinaꞌo goyinnee maddeti nuggisheenaꞌo boonoshin muriciitinaꞌone.

Amootsi 2:6

Doono Yeeri ishichiye: “Israꞌeeleenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo cadiqe asheenaꞌon boonoshi hiishoyich, girechinaꞌonoo caammoyicha iꞌi, guuchittinooch boonoshi kemmitoyichiye.

Zakaariyaasi 9:1

Ebi Doono Yeeri gettiti wochoone: Doono Yeeri Israꞌeelee yoodeenaꞌon, asheenaꞌo bullinoo ciinnii beetone. Doono Yeeri Hadiraakee showoonaa Damaasiqi katemoonochi toommooch nallemmone.

Zakaariyaasi 9:2

Ebi nalloo Hadiraaki danooch beeti Hamaati katemee toommooch, wotta ariyechi asheenaꞌochi katemeenaꞌo tuneti Xiroosinaa Sidooninochi toommoochoo kindemmone.