Abidiyi 1:7 - Kafa Linguistics Project

⁷ Ne yeshechinaꞌo bulli neen dachemminaꞌone; ne showoochee neen yoohi kichemminaꞌone; ne shunechinaꞌo neen koyi wochemminaꞌone; ne maayoon maatinaꞌo neech olloon ollemminaꞌone; boonoshiyoo neen, ‘Bi ariyoo aaye?’ gettemminaꞌone.

Abidiyi 1:7 ပူးပေါင်းရင်းမြစ်များ

Shoddo 41:10

Doono Yeero, taach ariqqebe; ta etteenaꞌoyich kaalloon ta wochemmoyich, biiyoochee taan wodiibe.

Shoddo 41:9

Ta gibeneti ta katini xiboo ta koshon taanna tookkii maato, ta toommooch tiyiye.

Isiyaasi 27:11

Michi ateenaꞌo boonoshi shuuꞌiyooba tiisheheete; maacheenaꞌo qaaqqooch shookka maciyeete; shalligaalli asheenaꞌo boonoshi tunetoyich, boonoshin Hallito boonoshich ariqqeyaachemmone; boonoshin Hallito boonoshin gaawe aafoona ciinaachemmone.

Erimiyaasi 20:10

Meetinaꞌo shaashikkoona “Bulli xaaꞌooch hukkoo beetone; biin taggebote; biin taggebone” ii boonoshi shaashikkee beetaa waayehoye; ta xiboo tunetinaꞌo bulliyoo ta dihoon quyoona “Dawusheyoo qayaachemmone; aroocheenoo biin xoobiyoon hakkemmo noone; nichoon kichemmo noone” iyeete.

Erimiyaasi 30:14

Ne shunechinaꞌo bulla neen battetinaꞌone; neech giddaaneenaꞌone; ettoon yexoommon neen yexxoye; maacmanjoochoommon neen sheeriyoye; ebiyoo ne xuꞌo oogeto, ne axaaxoo woddoo bi tunetoyichiye.

Erimiyaasi 38:22

Yihudee taatee kexooch echeti maacheenaꞌo bulla Baabloonee taatoochi ginee iraasheenaꞌo waan yeshaa hammemminaꞌone; ebi maacheenaꞌoo: ‘Gibeneeti ne nuucheenaꞌo neen muriciitinaꞌone; ne toommoochoo sharii yittiitinaꞌone; ne baateenaꞌo dengoona yechetinaꞌone; ne nuucheenaꞌoo ne waanee gubb wottetinaꞌone’ gettemminaꞌone.

Erimiyaasi 4:30

Hini aallooch beddeti Yerusaaleme! Amooniye ne tunaabeeto? Ceelle tahoon ne taho, aachee tahoona ne cocoo, ne aafooch huutoon ne huuto, ne achoonoo ne shiimo duuboone. Ne shunechinaꞌo neen hoxetinaꞌone; ne kashoonoo qaawii beetinaꞌone.

Erimiyaasi 49:7

Edoomichon Beshe Mawe Doono Yeeri ishichiye: “Temaani katemooch ariyoo aalloone? Shalligechinaꞌo waanee ciico aalletone? Boonoshi ariyoo ciiretone?

Shoosho 1:19

“Ta shunechinaꞌon ceeggehoye; tunebaani boonoshi taan dawushiyeete; ta qeesheenaꞌonaa showee geeneenaꞌona kashoona beemoyich, maayoon qaawiibee katemoochaa qitiyeete.

Hosee'i 13:13

Maaxoo manjeti ureechoommon xuuxo biich woyemmone. Tunebaani bi, ariyoo biich aalli bushoone. Bi shiijjemmi aabo shagiyooba bi indee maacoochee keyon qaawaani bushoommone.

Hosee'i 7:11

Efreemi mullaalli, cikkii dacheebeeti uggeen tunetone. Gaachoo danoyich Gibitseenaꞌon ceeggiyeete; Asooreenaꞌo waanoo gaꞌeheete.

Yowannisi 13:18

“Ittoshi bullichon toonoone ta gettaabeeto; ta kaacceti asheenaꞌon ariibeeto taane. Tunebaani Yaafe Macaafoochaa ‘Taanna tookkii geecheꞌi maabeeto taan kocha tiyiye’ iibeeti qaaro ceeno qaawiihe.