Abidiyi 1:3 - Kafa Linguistics Project

³ Ne geecoo neen dawushitone. Ne inde katemoo manje xaqqoona uxereetone; ne beeyi xaaꞌoo guudi cullullooch shuuneetone; ebich newoo ne mulloona ‘Hiniichee taan geechi kindiyemmo konine?’ ii gabiibeeto neene.

Abidiyi 1:3 ပူးပေါင်းရင်းမြစ်များ

Halloo 36:8

Ebich Edoomi getteeti Esayi bi beemi xaaꞌoon Seyiree geppe showooch tuniihe.

2 Taateenaꞌo 14:7

Biyoo Kiikki bamboo gettee beetoochaa aashire hume Edoomee asheenaꞌon wuxiye. Selaahi katemoon kochii yechiꞌi, bi shigoon Yoqiteeli iꞌi shigiihe. Hanaach beddaahaa ebi shigoona ceekkee beetone.

2 Kiinoo 25:11

Amasiyaasiyoo kuppheꞌi, bi ginee naayinaꞌon yechiꞌi, Kiikki bambooch hammiye. Aroochaanoo aashire hume Edoomee ginee naayinaꞌon wuxiyeete.

2 Kiinoo 25:12

Yihudee ginee naayinaꞌo aashire hume asheenaꞌon kecciyeete. Qaaꞌee toommooch daammiꞌi, aroochee dugilla awureheete. Asheenaꞌo bulliyoo xaqqooch kindii ceqqee qitiyeete.

Iyoobi 20:6

Bi neexo shimaayooch bi shaggitaa, bi shimboo shimaajji gumooch bi tuggetaa,

Shaahiyoo 16:18

Geecoo aallooch bechiye; bi qelloon yeephoo dihooch yaabiye.

Shaahiyoo 18:12

Asho bi dihoyee shiichiꞌi bi mulloona geeciye; tunebaani qellee giishiyoo oogoyee shiichoone.

Shaahiyoo 29:23

Ashoon bi geecoo giishiihe; tunebaani bi qelloon giishiibeeto, oogoon danemmone.

Isiyaasi 16:6

Yihudee asheenaꞌo ishichemminaꞌone: “Moꞌabeenaꞌo am shaahe geecechinaꞌo gaata, boonoshi geecii cunnennoon, boonoshi coodonoo waayeto noone; boonoshi kokkoroo duuboone” gettemminaꞌone.

Erimiyaasi 21:13

Bambee tookk koteti Yerusaaleme, gaddee toommeexi shiishe xaqqeene! Ne toommooch tiyeto taane, iye Doono Yeeri. Newoo “Koni waaree taan kindiiyehe? Koni ta gafooch giyehe?” ii beeti neene.

Erimiyaasi 37:9

“Doono Yeeri ishichiye: ‘Baabloonee ginee naayinaꞌo noon qayi hammemminaꞌone’ geti ittoshi qelloon dawushiyaahote; wotta hamaachemminaꞌone.

Erimiyaasi 48:28

“Moꞌabee showooch kotetinaꞌote, katemeenaꞌon qayiree xaqqee guudooch kotebote; bambee noonooch bi kexon haggaabeeti daabbicheyoommon tunebote.

Erimiyaasi 49:16

Manje xaqqee daggooch kotetocho, guudi cilloon yechetocho, ne shattiyoonaa ne mullee geecoona neen dawushitone. Booyochoommon ne kexon ne hashakkaayiteenona, aroochee neen kindiyemmo taane” iye Doono Yeeri.

Erimiyaasi 49:4

‘Taan kocha ta waan woyemmo konine?’ iyaꞌa ne gaannoon gibenaabeeti hini gibeneyaanoocho, ne bamboona, maayo ceenniti ne bamboona ne yebeneebeeto amoyichiye?

Hiziqeeli 28:16

Ne giixee woddoochee tiyitona xuꞌoona ceennehine; axaaxoonoo shuunehine. Ebich eeꞌe mooyochoommon Yeeri ta guudoochee neen yookkehoye; quyechi kiruuboocho, qaaqqee aaxxoommon aaxxeebeeti aaxxe xaqqeenaꞌochi daggoochee neen duppehoye.

Milikiyaasi 1:4

Edoomee asheenaꞌo diqqich “No katemeenaꞌo boonoshi happeetaanona wochi shuunemmo noone” gettemminaꞌone. Tunebaani Beshe Mawe Doono Yeeri ishichiye: “Shuunemminaꞌone; tunebaani ta happemmo taane. Asheenaꞌo boonoshi showoon ‘Xuꞌee showoo’ boonoshinoo ‘Doono Yeeri bulli yemeenoon kaareti asheenaꞌo’ gettemminaꞌone” iye.