Abidiyi 1:21 - Kafa Linguistics Project

²¹ Esayichi guudon hajjoyich, kochii wochechinaꞌo tuneti asheenaꞌo Tsiyooni guudi toommooch kechemminaꞌone; taatittinoo Doono Yeericho tunemmone.

Abidiyi 1:21 ပူးပေါင်းရင်းမြစ်များ

Halloo 25:23

Doono Yeeriyoo biich ishichiye: “Ne maacoochee shiijjemmi, gutte aageteenaꞌo tunemmi bushiisheenaꞌo gubb boonoshinaa boonoshina shixemmi aageteenaꞌon tunemminaꞌone; ikkoo baroyee beshe giidecho tunemmone; qaabboo guuchoyich hajjeyemmone” iye.

2 Taateenaꞌo 13:5

Israꞌeeleenaꞌon wodiyemmi ashoon boonoshich immiye. Ebina boonoshiyoo Sooriyeenaꞌo kishoochee wodiyeete. Israꞌeeleenaꞌoo aafichoommon diggoona boonoshi kexi kexooch koteheete.

Nehimi 9:27

Ebich boonoshi etteenaꞌo kishooch boonoshin beshiyaꞌa immehine; boonoshi etteenaꞌo boonoshin iritiiheete. Boonoshi iritee aabooba, ne waan cookiyeete. Shimaayoochaa boonoshi cookoon waayehine; ne ariqqee woddoommona boonoshi etteenaꞌo kishoochee boonoshin wodiyemmi wodiyechinaꞌon tiijjihine.

Shoddo 102:15

Aageteenaꞌo Doono Yeerichi shigoon, showee toommeexi taateenaꞌo bulliyoo bi oogee yiiroon, shattiyeete.

Shoddo 22:28

Ebiyoo taatittino Doono Yeericho bi tunetoyich, aageteenaꞌonoo qeejjiibeeto bi, tunetoyichiye.

Shoddo 22:29

Showee toommooch beeti michitinaꞌo bulli biich goyinnemminaꞌone; maash hammechinaꞌo, kashoona beemoyich hakkoo muccetinaꞌo bi aafooch goyinnemminaꞌone.

Shoddo 47:7

Yeeri showoo bulliich Taatoo bi tunetoyich, shoddoona biin galletebote.

Shoddo 67:4

Macceenaꞌoyich kaachaa ne nallaa beetonaa aageteenaꞌon showee toommoochaa ne yaabaa beetonoyich, aageteenaꞌo emiribeete; ililishoo geteete.

Isiyaasi 19:20

Ebiyoo Gibitsee showooch Beshe Mawe Doono Yeerich malletoonaa miixoona tunemmone; asheenaꞌo boonoshin xuuxii beetinaꞌochi naboona Doono Yeer waan boonoshi cookaa, wodiyechonaa gaachoonon boonoshich deejjemmone; biyoo boonoshin wodiyemmone.

Isiyaasi 24:23

Beshe Mawe Doono Yeeri Tsiyooni guudonaa Yerusaaleminoochaa taatemmo bi tunetoyich, agene manderemmine; aabeyoo aaxxeyaachemmine; bi asheenaꞌochi ukkireenaꞌo aafooch bi oogoon bekkiyemmone.

Daaneeli 12:3

Yiiteenaꞌo gumeexi bekkoochoommon (acacoochoommon), meeti asheenaꞌon gonde gommoochee kaame gommooch wochii beetinaꞌo xojjenoochoommon, bulli yemeenoon aaxxemminaꞌone.

Daaneeli 2:35

Bekkech xuuroo, nuuqqoo, gooshoo, birewoonaa aachoona, eboshi bulli buriceheete; maayo bucheebeeti xaaꞌooch beeti maaxxoochoommon tuneheete. Yongo amoonolla echiyaanoon hidii daammiye. Tunebaani misiloon yexxiti xaqqo dicciꞌi ooge guudon tunehe; showoo bulliichoo ceenniye.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Daaneeli 7:14

Biichoo hakkoo, oogoonaa taatittinoona ichetoyich, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bulli biich goyinneheete. Bi taatemmo, bulli yemeenooniye; bi taatittinoo besheyaachemmi taatittinoone.

Daaneeli 7:27

Taatittino, hakkoonaa shimaayoyee desh beeti taatittineenaꞌochi oogoona Beshoo Yeerichi asheenaꞌo tuneti yaafeenaꞌoyich ichemmone. Bi taatittino bulli yemeenoon beeyemmi taatittinoone; showee toommooch beeti iraasheenaꞌo biich deꞌa getiree hajjeyemminaꞌone” iye.

Yoꞌeeli 2:32

Doono Yeerichi shigoon ceeggiibeeto bulli wodemmone. Doono Yeeri gettitoommon Tsiyooni guudonaa Yerusaaleminoochaa wodoo danemmone; Doono Yeeri gettitoommon, ebi woditinaꞌo bi ceeggitinaꞌone” iye.

Mikiyaasi 4:7

Baata sheqeenaꞌon curo tuneꞌi echetinaꞌo, xukkeꞌi bare showooch hammitinaꞌonoo aricheti aagetoo tuniyemmo taane. Aroobee aaboochee tiijjiree bulli yemeenoon, Tsiyooni guudi toommoochaa boonoshi toommooch taatemmo taane” iye.

Zakaariyaasi 14:9

Doono Yeeri showoo bulli toommooch taatemmone. Ebiyooba Nuggishoo, Doono Yeeri baach, ceekkemmoo, bi shigo baach tunemmone.

Maatiyoosi 6:10

Ne taatittino bulli toommooch bede; shimaayooch beetinaꞌo ne getoon boonoshi waayoommon, ebiyoommon showooch beetinaꞌo waayebeete.

Maatiyoosi 6:13

Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

1 Ximootiyoosi 4:16

Ne kittinnittinee qocoyich, ne dojjaabeeti doyoyichoo ne qelloon ariibe. Eboshi bullin tuniyoyich kupphebe. Ebin ne tuniigaata, neennaa ne waanee waayee beetinaꞌonon wodiyemmo neene.

Yaaqobi 5:20

axaaxechon muriccii bi hammiti gommoochee wochiibeeto, bi kashoon qitoochee wodiibeeto bi tunoon, wotta bi shuuneti wodde axaaxoyich maaroon bi daniyoon ariibe.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.

Yaaꞌoo 19:6

Wochinnoon dofee asheenaꞌochi qaaroommi qaaro, ogooge aacinaꞌochi qaaroommi qaaro, giidechi xeeyee qaaroommi qaaroo ishichiꞌi bi getaa waayeho. “Haleluya! Beshe Hakkechi no Nuggishoo Doono Yeeri taatetone.

Yaaꞌoo 20:4

Aroochee daakkaꞌa taatee qeeninaꞌon beeggeho. Aree toommooch kotetinaꞌoyich nallee hakkoo ichehe; Yesuusi miixeti iberoonaa Yeerichi qaaroonon boonoshi gettitoyich boonoshi qettoon kucheti asheenaꞌochi kashoon beeggeho. Cooxonaa bi shahalloonoyich goyinneyaaneenaꞌone; cooxochi malletoon boonoshi barooch woyee boonoshi kishooch gedaaneenaꞌone. Boonoshiyoo kashecho tuneꞌi Kiristoosina tookkii hume naton taateheete.

Woraaferasheenaꞌo 2:16

Arooba Doono Yeeri woraaferasheenaꞌon tiijjaa, boggiibeeti bokkeenaꞌo kishoochee boonoshin wodiiheete.

Woraaferasheenaꞌo 3:9

Aroochee Israꞌeeleenaꞌo Doono Yeer waan cookaa, boonoshin wodiyemmi, Kaaleebichi guuche manoo Qenaazi bushoo Otineelin tiijjiye.