Abidiyi 1:19 - Kafa Linguistics Project

¹⁹ Negeebee asheenaꞌo Esayichi guudinaꞌon, Shefeeli worebe showeexinaꞌoo Filsixeemee showoon yechemminaꞌone; Efreemee showoonaa Shamaaree showoonon yechemminaꞌone; Biiniyaamee asheenaꞌoo Gilaadee showoon yechemminaꞌone.

Abidiyi 1:19 ပူးပေါင်းရင်းမြစ်များ

2 Taateenaꞌo 17:24

Asooree taatoo asheenaꞌon Baablooni, Kutaahi, Awi, Hamaatinaa Sefariwayimina getteebeeti katemoochee deebiꞌi, keccii bi daammiti Israꞌeeleenaꞌochi keroon Shamaaree showeexi katemeenaꞌooch kotiihe. Boonoshiyoo Shamaaree showoon hajjiꞌi, are katemeenaꞌooch koteheete.

1 Kiinoo 5:26

Ebich Israꞌeelee Nuggishoo Asooree taatoo Fuulichi (Biyoo wotta Tigilaat Fileseeri getteehe.) mulloon shuurikkiye. Biyoo waaꞌi Roobeelinaa Gaadinoch yoodeenaꞌonaa Minaasi yoodoochee qatinaꞌonon keccii daammiꞌi, and beddaahaa Halaahee showooch, Habooree showooch, Haraahee showoonaa Gozaani aachi gaꞌoonooch boonoshi kotemmoyich tuniihe.

Iziri 4:17

Taatoo Arta Yekisesiyoo wochiꞌi ishichiibeeti wochoon daachiihe: “Iraashoo Rehuumich, koorechi Shimishayich, Shamaaree showoonaa Efiraaxisee beqachi woraafoonooch koteti, echeti boonoshiyoommi iraasheenaꞌoyich, diggoo ittoshich tunebe.

Iziri 4:2

Zerubabeelinaa yaree ukkireenaꞌona waan waaꞌi, “Hiniich noon deebiti, Asooree taatoo Asiradooni taatee yemeenoochee tiijjiꞌi, ittoshichoommon ittoshi Nuggishoyich goyinnaabeeto noone; biichoo deejjoon giddiyaabeeto noone; ebich ittoshina tookkiree kexon hagone” iyeete.

Shoddo 69:35

Ebiyoo, Yeeri Tsiyoonin wodiyemmo bi tunetoyich, Yihudee katemeenaꞌon wochi shuunemmo bi tunetoyichiye. Bi asheenaꞌoo arooch kotemminaꞌone; showoonoo hajjemminaꞌone.

Erimiyaasi 32:44

Boonoshi keceenaꞌon wochemmo ta tunetoyich, Biiniyaamee showooch, Yerusaalemi guudooch beeti xaaꞌeenaꞌooch, Yihudee katemeenaꞌooch, geppe showeexi katemeenaꞌooch, geppee gaadeexi katemeenaꞌooch, Negeebi katemeenaꞌooch, asheenaꞌo goyee budon birewoona kememminaꞌone; qaaroo kooreeti woraqatooch dukkeetaa miixoo beetoochaa nasheyemmone” iye Doono Yeeri.

Erimiyaasi 49:1

Amoonee asheenaꞌon ciinnii beetona Doono Yeeri ishichiye: “Israꞌeelich anaami bushiishoo aalloone? Woyee woraasho aalloone? Amoyich Milikoomich goyinneebeeti asheenaꞌo Gaadi yoodeenaꞌon yookkiꞌi bi katemeenaꞌon woraashiyeete?

Hiziqeeli 25:16

ebich Nuggishoo Doono Yeeri ishichiye: Filsixeemeenaꞌochi toommooch ta mochoon tiijjemmo taane; Kereeteenaꞌonoo aalliyemmo taane; baharee gashooch echetinaꞌonoo aalliyemmo taane.

Hiziqeeli 36:28

Ittoshi qaabbechinaꞌoyich ta immeti showooch beeyemmo ittoshine; ta ashoon tunemmo ittoshine; tawoo ittoshi Nuggishoo tunemmo taane.

Amootsi 1:13

Doono Yeeri ishichiye: “Amoonee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo boonoshi showee danoon gamichoyich koyaabee, Gilaad beeti yeqqefechi maacheenaꞌochi maacoon boonoshi gohii kichitoyichiye.

Amootsi 1:8

Ashidoodi taatoon, Ashiqeloonee taatee gumbo yechiton, aalliyemmo taane. Eqirooni toommooch ta mochoon tiijjemmo taane; Filsixeemee cureenaꞌoo qiti ciiremminaꞌone” iye Nuggishoo Doono Yeeri.

Amootsi 9:12

Ebina, echeti Edoomee showoonaa ebiyee aaf taacho tuneti bare showoo bullinon koyi yechemminaꞌone” iye ebin tuniyemmi Doono Yeeri.

Mikiyaasi 7:14

Doono Yeero, boonoshi ikkeeto kubbi daggooch koteti, bechee mixinaꞌo daggooch beeti ne asheenaꞌon, qiddoo bi gumboona bi gijjoon quyoommon, ne hajjee asheenaꞌon quyebe; wonnee yemeenooch bi tunetoommon, gaaweto tuneti Bashaanee showoonaa Gilaadee showoonooch hamiree boonoshi beeyemmoyich tuniibe.

Haddoo 1:32

Yooseefi bushiishoochee, Efreemi yoodoochee, hiye natonaa ebiyee damboona tuneti, ginooch hamoyich bedditi anaamo bulli, bi shiijjeri shiijjeroona, bi gumbi gumboona, bi qaabbechinaꞌo yari yaroona, bi shigi shigoona kooreehe.

Yaasi 13:25

Boonoshi showoo, Yazeeri katemoonaa Gilaadee showooch beeti katemeenaꞌo bullina, Raabi katemoochaa aabi-keyo waan beeti, Aroꞌeeri katemooch beddaahaa beeti Amooneenaꞌo showee qato,

Yaasi 13:31

Wotta Gilaadee showee qato, Bashaanee taatoo Oogichi beeyi katemeenaꞌo tuneti, Ashitarootinaa Edireyinane. Eboshin Minaasi bushoo Makiri shiijjereenaꞌoochee qatinaꞌo boonoshi yari yaroona qoodeetinaꞌone.

Yaasi 15:21

Boonoshich icheti, deshi-waan wokkiꞌi beeti, Edoomee showee daaro waan beeti hiyaa yiixiye katemeenaꞌo: Kabizeeli, Edeeri, Yaguuri, Qinaahi, Dimonaahi, Adadahi, Qedeeshi, Hatsoori, Itinaani, Ziifi, Xeleemi, Beꞌalooti, Hatsoor Hadaati, Qiriyoot Hetsirooni getteeti Hatsoori, Amaami, Shemayi, Molaadi, Hatsaar Gadaahi, Heshimooni, Beet Phaleexi, Hatsaar Shuwaali, Beershaabi, Biziyotayi, Baali, Iyimi, Eseemi, Elitolaadi, Kesiili, Horimi, Tsiqilaagi, Madimaani, Sansaani, Lebaꞌooti, Shilihiimi, Ayininaa Rimooninane. Ebi katemeenaꞌo bullichi guudoona gafeenaꞌo beetinaꞌone.

Yaasi 15:33

Worebooch beeti aaraa awudde katemeenaꞌo: Eshitaꞌooli, Tsoriꞌi, Ashinaahi, Zanoohi, En Ganiimi, Taphuuhi, Enaami, Yarimuuti, Adulaami, Sokoohi, Azeqi, Shaꞌarayimi, Aditayimi, Gedeerinaa Gederotayiminane. Ebi katemeenaꞌo bullichi guudoona gafeenaꞌo beetinaꞌone.