Abidiyi 1:18 - Kafa Linguistics Project

¹⁸ Yaaqobichi kechi asheenaꞌo qaaqqoon, Yooseefichi kechi asheenaꞌo qaaqqee aaxxoon tunemminaꞌone. Esayichi kechi asheenaꞌo galloon tunemminaꞌone; galloon michoommon boonoshin michi aalliyemminaꞌone. Esayichi kechi asheenaꞌo daggoochee murici wodemmo daneyaachemmone” itone Doono Yeeri.

Abidiyi 1:18 ပူးပေါင်းရင်းမြစ်များ

2 Saameeli 19:20

Ne guuno ta, axaaxoon shuuneto ta tunoon ariibeeto taane; and ebiyoche, Yooseefi kechi asheenaꞌo daggoochee, shiichoo tunaꞌa taatoo ta doono neenna daneya ta waato ebichiye” iye.

Keyo 5:12

Ebich asheenaꞌo maayi tulloon qaawi deeba Gibitsee showoo bulliich shaceheete.

Isiyaasi 10:17

Israꞌeeleenaꞌochi bekko tuneti Yeeri boonoshich qaaqqoon tunemmone; Israꞌeelee Yaafoo Yeeri qaaqqee aaxxoon tuneree, ikke areddoon angixonaa guccinonon michi aalliyemmone.

Isiyaasi 31:9

Boonoshi mishigo keqqoona dihemmone; boonoshi ginee iraasheenaꞌo baanderoon beegiichi keqqoona aallemminaꞌone” iye bi qaaqqoo Tsiyoon, bi qaaqqee sheelloo Yerusaalem beeti Doono Yeeri.

Isiyaasi 47:14

Boonoshi galloomminaꞌone; qaaqqoo boonoshin michemmone; qaaqqee aaxxoochee boonoshin wodiyoon hakkaacheete; ebiyoo asho kachiibeeti gachoommo woyee asho bi aafooch koteebeeti qaaqqoommo toonoone.

Isiyaasi 5:24

Beshe Mawe Doono Yeerichi sheeroon boonoshi hoxetoyich, Israꞌeelee yaafoo gettitonoo boonoshi qallayitoyich, guudoon qaaqqoo mamoommon, galloon qaaqqee aaxxo michii aalliyoommon, boonoshi xeppho oqqemmone; boonoshi bungoo shuuꞌiree quttoochoommon kaama quttemmone.

Isiyaasi 9:18

Gonde shuunoo, guccinonaa angixonon michiibeeti qaaqqoommone; manje shaaroo micaa tuqii kaama kechiibeeti cufoommone.

Isiyaasi 9:19

Beshe Mawe Doono Yeeri kaaroona showoo miccemmone; ashoo qaaqqooch shookkeebeeti mixoommon tunemmone; koniyoona bi manoyich aaxxiyaachemmone.

Erimiyaasi 11:23

boonoshi naxeyemmi natooba, Anaatooti katemee asheenaꞌo toommooch gonde mooyon deebemmo ta tunetoyich, boonoshiichee koniyoona echeyaachemmone” iye.

Hiziqeeli 37:16

“Ashi bushoocho, ikke gumboon daamiree bi toommooch ‘Yihudinaa biinna tookkii guuphiti Israꞌeelee maccoona’ geti kooribe; bare gumboon daamiree bi toommooch ‘Yooseefichi ebi geto, Efreeminaa biinna tookkii guuphiti Israꞌeelee maccoo bullina’ geti kooribe.

Hiziqeeli 37:19

ne, Nuggishoo Doono Yeeri ishichiye: ‘Efreemi kishooch beeti Yooseefichi gumboon, biinna tookkii guuphiti Israꞌeelichi gumboon daamiree Yihudichi gumboona tookki xaaqqemmo taane; boonoshiyoo ta kishoochaa ikke gumboon tunemminaꞌone’ itone gete.

Yoꞌeeli 2:5

Gaarinaꞌochi qaaroommi qaaroon waayiibee, guudi toommona capheheete; galloon yechiti qaaqqoo tatoommon, tatiyeete; giidechi ginee naayinaꞌo koyoyich qanniꞌi yaaroona keyoommon, kechiyeete.

Amootsi 1:8

Ashidoodi taatoon, Ashiqeloonee taatee gumbo yechiton, aalliyemmo taane. Eqirooni toommooch ta mochoon tiijjemmo taane; Filsixeemee cureenaꞌoo qiti ciiremminaꞌone” iye Nuggishoo Doono Yeeri.

Amootsi 5:15

Gonde mooyon shixote; deꞌe mooyon shunote; nallee gabberoochaa dayinneto dabaachemmoyich tuniibote; diqqich Beshe Mawe Nuggishoo Doono Yeeri curo tuneꞌi echeti Israꞌeelee asheenaꞌoyich ariqqo qayaachemmone.

Amootsi 6:6

koofoona woyinee uyoon yiifeebeeti, gaawe cinnechi shittoon huuteebeeti, tunebaani Israꞌeeleenaꞌochi aalloyich aaxxiyaani ittoshich woowo!

Abidiyi 1:16

Yaafeeti ta guudi toommoochaa, ta asheenaꞌo xuuxee xoofoochee uyoommon, guudoona beeti aageteenaꞌo bulli aaboon uchemminaꞌone; uchemminaꞌone; yiifemminaꞌone; aroocheenoo ciroona aallemminaꞌone.

Mikiyaasi 5:8

Aageteenaꞌo daggooch curo tuneꞌi echeti ebi Israꞌeeleenaꞌo, kubbi cooxinaꞌo daggooch giyiti daaheroommon, bageenaꞌo daggooch giyiꞌi neexxii yangixxiibeeti, bi kishoochee koniyoona dichoon hakkaani more daaheroommon tunemminaꞌone.

Naahoomi 1:10

Biinnaa biinna wutireeti angixonaa maayi tulloonochoommon, qaaqqoo ittoshin michi aalliyemmone.

Zakaariyaasi 12:6

“Ebiyooba Yihudichi iraasheenaꞌon michi gutee daggooch beeti qaaqqee bunoommon, wotta maayi qiree daggooch conjiibeeti qaaqqee aaxxoommon tuniyemmo taane. Yoochinaa qanninooch guudiree boonoshi guudoona beeti aageteenaꞌo bullin aalliyemminaꞌone. Ebiyee gubb, Yerusaalemi asheenaꞌo diggoona boonoshi xaaꞌooch beeyemminaꞌone.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

1 Qorontoosi 3:12

Illa koniyoona ebi are baashee toommooch birewoona woyee aachoona woyee malletechi aaxxe xaqqoona woyee mixona woyee sheekkoona woyee qumberoona bi hagi gaata,