2 Yowannisi 1:10 - Kafa Linguistics Project

¹⁰ Ittoshi waan waammo koniyoona bi tunegaata, ebiyoommi doyoon yechiꞌi bi womo qayigaata, ittoshi kexooch giijjiyaahote; biin diggiyaahote.

2 Yowannisi 1:10 ပူးပေါင်းရင်းမြစ်များ

Halloo 24:12

Aroochee uro ishichii corootiye: “Ta doono Abrahami Nuggishoo, Doono Yeero, hanaach ta gommon kaachibe. Ta doono Abrahamich ne shoodoon bekkiibe.

1 Taateenaꞌo 13:16

Yeer asho ishichiꞌi biich wochiye: “Neenna tookki wotteree hamaache. Hini xaaꞌoochaanoo koshon neenna tookkiree maataache; aaconoo uyaache.

Shoddo 129:8

Aroona beshee beetinaꞌo “Doono Yeeri diiroo ittoshi toommooch tunebe; Doono Yeeri shigoona ittoshin diiriyone” gettaayeete.

Mishiraachechinaꞌo 15:23

Kooreeti koorichoon boonoshi kishoona daachiiheete; are koorichooch kooreeto ishichii beetone: “Mishiraachechonaa kittinnee guuphi geenoona tuneti ittoshi manoo no, Antsook, Sooriyee showoonaa Kiliqee showoonooch beeti Aagetee asho tuneti kittinnee maneenaꞌon diggoo ii beeto noone.

1 Qorontoosi 16:22

Doono Yesuusin shunaano koniyoona bi beegaata, aroo uppeto tunebe! No Doonocho, kaate wotteree wobe!

1 Qorontoosi 5:11

Tunebaani “Kittinnee maneenaꞌo getteetinaꞌo daggoochee ikkoo shunimaayo woyee hiriggecho woyee shahalloyich goyinnecho woyee naagecho woyee mashecho woyee boggecho bi tunegaata, biinna tookki ikkotteyaahote. Ebiyoommi ashoona tookkiree maayoonolla maayaahote” iyaꞌaniye ta koorito.

2 Tasaloonqi 3:14

Hini wochooch kooraꞌa no daachiiti qaaroyich deꞌa getaani ashoon ariibote; bi yeellemmoyich biinna tookki ikkotteyaahote.

2 Tasaloonqi 3:6

No maneenaꞌote! Shuuna biisheenaꞌonaa ittoshich no dojjiti doyoona hamaani maneenaꞌona waanee ittoshi wokkemmoyich, no Doono Yesuus Kiristoosichi yakkirecho tunaꞌa ittoshich gettaabeeto noone.

Titoosi 3:10

Barbarittinoon halliibeeti ashoon ikke wottoon woyee gutte wottoon ne ittibatetaa bi mawigaata, biyee wohe.

2 Yowannisi 1:11

Ebiyoo, biin diggiibeeto are gondoon shuunee beetona tookkii ikkottee bi beetoyichiye.

3 Yowannisi 1:10

Ebich, ittoshi waan ta waahooba, noon oonniibee no toommooch bi shuuneebeeti gonde shuunoon ittoshich bekkiyemmo taane. Ebi ikkeeto baach toonoone. Aroo bi qelloona kittinnee maneenaꞌon iibbiyaache; iibbii beetinaꞌon bajjiꞌi kittinnee guuphi daggoochee kichii yookkiye.