2 Ximootiyoosi 4:3 - Kafa Linguistics Project

³ Ebin ta gettaabeeto, asho hini gaawe kittinnittinee doyoon qajje bi gettemmi yemeeno woyemmo bi tunetoyichiye. Baribare ariyoon waayeya waamon qaacheree boonoshi qaatoon ceechemmi dofee dojjechinaꞌon boonoshi waan ceegi kicemminaꞌone

2 Ximootiyoosi 4:3 ပူးပေါင်းရင်းမြစ်များ

1 Taateenaꞌo 18:22

Aroochee Eliyaasi asheenaꞌoyich, “Doono Yeerichi keemechinaꞌo daggoochee ta baach echeto taane. Tunebaani Baꞌaalee keemechinaꞌo awudde ballaa aacheenaꞌone.

1 Taateenaꞌo 22:18

Yoshafaaxich Israꞌeelee taatoo, “Gondoonani, deꞌe mooyon taach kemaachemmo bi tunoon getaano taane?” iye.

1 Taateenaꞌo 22:8

Yoshafaaxich Israꞌeelee taatoo, “Biinna Doono Yeerin no echaabeeti ikke uro beetone; biyoo Imilaahi bushoo Mikiyaasine. Tunebaani taach bi keemmiibeeto gondoonani, deꞌoon tuno bi qajjitoyich, biin shixxoye” iye. Yoshafaaxiyoo, “Taatoo ishichaaye” iye.

Keyo 32:33

Doono Yeeriyoo Muusich ishichiꞌi wochiye: “Taan xuqqitinaꞌoniye ta macaafoochee ta hidemmo.

Isiyaasi 28:12

Biyoo boonoshich, “Hini tooqqii kashoone; maraateton kashiibote; hini kashee xaaꞌoone” iye; tunebaani boonoshi waayemmon qajjiyeete.

Isiyaasi 30:10

Boonoshiyoo yaaꞌee beeggechinaꞌon “Yaaꞌoon beeggaahote” iyeete; keemechinaꞌonoo “Ibere mooyon nooch keemmaahote; kootolla bi tunetaa, noon emirikkiibeeti mooyon baach nooch getote.

Erimiyaasi 18:18

Boonoshiyoo “Sheeroo qeeshoo waan, ciico ariyechinaꞌo waan, qaaro keemechinaꞌo waan aalleyaachemmo bi tunetoyich, ittoshi waataa Erimiyaasi toommooch koceebone; ittoshi waataa heciyoona biin yexone; bi qaaroonoo waayaayone” itinaꞌone.

Erimiyaasi 27:9

Ebich “Baabloonee taatoyich hajjeyaachemmo ittoshine” ii beeti ittoshi keemechinaꞌon, kaayechinaꞌon, gumon maaccechinaꞌon, qaaxechinaꞌonaa mareccee maaccechinaꞌonon waayeyaahote.

Erimiyaasi 29:8

Ebich Israꞌeelee Nuggishoo Beshe Mawe Doono Yeeri ishichiye: “Ittoshi daggooch beeti keemechinaꞌonaa kaayechinaꞌona ittoshin dawushaayeete; boonoshi gummiibeeti gumonoo waayeyaahote;

Erimiyaasi 5:31

Keemechinaꞌo kootoon keemmiyeete; qeesheenaꞌoo keemechinaꞌo kocoona qeejjiyeete; ta asheenaꞌoo ebiyoommi mooyon shunniyeete; tunebaani ebi moochi ciirooba amooniye boonoshi tunemmo?” iye.

Mikiyaasi 2:11

“Kootoonaa dachechona tuneti asho waaꞌi, ‘Woyinoonaa mashiibeeti uyoona showoochee ittoshich xuupphemmone’ iꞌi bi keemigaata, hini asheenaꞌo shunniibeeti keemecho tunemmo biine.

Luqaasi 20:19

Qeeshee ukkireenaꞌonaa Muusichi Sheeree dojjechinaꞌona “Ebi shaahiyoona noonalli bi gettiibeeto” iꞌi, areegaata Yesuusin yecha qaawiyeete; tunetaa dofee asheenaꞌon shattiꞌi qajjiyeete.

Luqaasi 6:26

Asho bulli ittoshin gaawichiꞌi yibbaatetinaꞌote, boonoshi qaabbechinaꞌo ebiyoommon koote keemechinaꞌon gaawichiꞌi yibbaatetinaꞌone. Ebich ittoshich woowo!” iye.

Yowannisi 8:45

Tunetaa ta iberoon gettaabeeto ta tunetoyich, taan iberiyaachote.

Mishiraachechinaꞌo 17:21

Ebin boonoshi echeti naboo Ateeni katemeexi asheenaꞌo bullinaa iibbittinoona waaꞌi arooch beeti bare asheenaꞌona andire mooyon yibbaateebee, waayeebeenoo boonoshi heechii beetoyichiye.

1 Qorontoosi 2:1

Ta maneenaꞌote! Ittoshi waan ta waahooba, Doono Yeerichi maacee mooyon ittoshich ta getteto, yibbaatee beshoona woyee shalligee beshoona toonoone.

1 Qorontoosi 2:4

Ta yibbaatoonaa ta awaajjaabeeti awaajjoona ta tuniito, Yaafe Ayaanee giidoon bekkiyoonalli, ashi shalligoonaa dachee yibbaatoona toonoone.

Galaati 4:16

Illa and iberoon ittoshich ta gettetoyich ittoshich etto tunehote?

2 Ximootiyoosi 1:13

Kiristoos Yesuusina daneebeeti mullee tooꞌiyoonaa shunoona manjiree beebe. Ta waanee ne waayeti gaawe qaaroon tachiꞌi getonaa dojjoona taan shaahibe.

Yihudi 1:18

Boonoshiyoo ittoshich “Yemeenee ciirooba boonoshi hajjee gonde qaatoon dabbemmi cooqqirechinaꞌo woyemminaꞌone” itinaꞌone.