2 Ximootiyoosi 4:1 - Kafa Linguistics Project

¹ Kiristoos Yesuusi hini showooch wotteree taatemmo bi tunetoyich, Yeeri aafoochaa, kashechinaꞌonaa qititinaꞌonochi toommooch nallemmi Doono Yesuus Kiristoosi aafoochaanoo hini mooyon neech adereto taane:

2 Ximootiyoosi 4:1 ပူးပေါင်းရင်းမြစ်များ

Shoddo 50:6

Yeeri bi qelloona nallecho bi tunetoyich, shimaayeenaꞌo bi cadiqoon awaajjiyeete.

Shoddo 98:9

Showee toommooch nalliya woyemmo bi tunetoyich, Doono Yeeri aafooch shoddebote; biyoo hini alemooch cadiqittinoona, macceenaꞌo toommoochoo iberittinoona, nallemmone.

Maatiyoosi 16:27

Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

Luqaasi 19:12

Ishichiinoo iye: “Taatee yaroo tuneti ikke uro bi showee toommooch taatittinoon deꞌiree wotteya iꞌi wohi showooch hamma tiyiye.

Luqaasi 19:15

“Tunetaa taatoo biin taatiitaa, aroochee taatittinoon deqqiꞌi wottee waahe. Ebichi hillooch balli balle xure birewoon bi immiti bi wochee bushiisheenaꞌo giixeꞌi ambichoon boonoshi shiijjito gaata ariiya iꞌi ceekkiihe.

Luqaasi 23:42

Aree hillooch Yesuusin “Yesuuso, ne taatittineech ne giyiyooba, taan batteyaahine” iye.

Mishiraachechinaꞌo 10:42

‘Kashechinaꞌonaa qiteenaꞌonochi toommooch nallibe’ iꞌi Yeeri biin ukkiriyoon no gettemmonaa no miixemmonoyich nooch gettitone.

Mishiraachechinaꞌo 17:31

Ishichii Yeeri ito, bi kaacciti ashoona alemo bullin tachiree bi nallemmi aaboon bi taajjetoyichiye. Ebi bullin bi xiishito, aroon qitoochee bi tiijjoonane” iye.

Roomi 2:16

Ebiyoo tunemmo, mishiraachoona ta arichiitoommon Yeeri Kiristoos Yesuus waanaa ashi mullooch aacheeti gabee toommooch bi nallemmi aaboobane.

Qolaasiyaasi 3:4

Ittoshi kasho tuneti Kiristoosi bekkemmi aabooba, arooba ittoshi wotta biinna tookki oogee yiiroona bekkemmo ittoshine.

2 Tasaloonqi 2:8

Aroyee gubb, Doono Yesuusi bi waahooba bi kookkeexi hiinnoona hidemmi, bi oogee yiiree waccoonoo bi aalliyemmi hukkechi uro bekkemmone.

1 Ximootiyoosi 5:21

“Hini ta getteti mooyinaꞌo daggoochee ikke mooyonona ikke badd dabiyaanoon, tachi nallibee quyebe” iyaꞌa Yeeri aafoochaa, Doono Kiristoos Yesuusinaa Yeeri kaacciti maraakeenaꞌonochi aafoochaanoo hini mooyon neech adereto taane.

2 Ximootiyoosi 1:10

Andoo hini wojjoo, noon Wodiyechi Kiristoos Yesuusi hini showee toommooch bi womona bekketone. Biyoo qitee giidoon aalliitone; bulli yemeenoon kashoona no beeyemmi gommonoo mishiraachee qaaroona gaxxii xalliiꞌi bekkiitone.

2 Ximootiyoosi 2:14

Ebi mooyinaꞌon shalligichoon qajjaahine; qaareenaꞌochi naboona boonoshi hayeyaachemmoyich, Yeeri aafoochaa boyebe; ebi waayee beetinaꞌon aalliishalli bi gettemmo, amoonolla gaacaachemmone.

2 Ximootiyoosi 4:18

Doono Yesuus Kiristoosi gonde mooyo bulliichee taan echiyemmone; wodiiree shimaajji bi taatittineech taan giijjemmone; bulli yemeenoon oogee yiiroo biich tunebe. Ameena.

2 Ximootiyoosi 4:8

Illa echeto, Yeeri taach wojjiya bi qanniiti cadiqee gubbichoone; aroonoo kaachii nallechi Doono Yesuus Kiristoosi nallee aabooba taach immemmone; bi immemmo, ta ikkeetoyich baach toonoone; bi womon sharaatee beetinaꞌo bullichiye.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.

1 Pheexiroosi 1:7

Aallemmi aacholla qaaqqooch bi geddeebeeto, amoommo gaata bi tunoon xiishoyichiye; ebiyoommon wotta aachoyee beshe oogeti aaxxoo tuneti, Kiristoosi toommooch ittoshich beeti mullee tooꞌiyoo xuuxee daggoona bi besheebeeto, iberoo bi tuno xiisheyemmoyichiye. Wotta Yesuus Kiristoosi bekkehooba, galleto, oogee yiiroonaa naadoonon ittoshi danemmoyichiye.

1 Pheexiroosi 4:5

tunebaani kashoona beetinaꞌonaa qititinaꞌonochi toommooch nalloyich qannito aafooch neexeree boonoshi shuuneti shuunoyich echeyemminaꞌone.

1 Pheexiroosi 5:4

Ebi mooyinaꞌon ittoshi tuniigaata, Qiddeenaꞌochi Qiddoo bi waammi aabooba, aalleyaani oogee yiiree gubbichoon ittoshich immemmone.

2 Pheexiroosi 1:11

Ebina no Doononaa noon Wodiyechonon tuneti Yesuus Kiristoosichi bulli yemeenee taatittineech gimi hakkoo ittoshich ichemmone.

2 Pheexiroosi 1:17

Worganikkiti shimaajji oogee yiirechi, damba Yeer waanee “Biinna ta emiriti, ta shuni Bushoo hinine” ii beeti qaaro biich waahooba, Nihoo Yeeri biin oogiihe; oogee yiiroonoo biich immiye.

1 Yowannisi 2:28

Andoo ta shuni bushiisheenaꞌote! Kiristoosin no beegiyooba no shataachemmoyich, bi waahooba bi aafooch no yeelleyaachemmoyich, biinna tookkii ittoshich beeti ikkittinoona manjiree beebote.

Yaaꞌoo 1:7

Ebiyoche, quboona woyemmone; asho bulli, biin kochitinaꞌooch beddaahaa, biin beeggemminaꞌone; showee toommooch beeti yoodeenaꞌo bulliyoo bi naboona woowo, geti eeppemminaꞌone. Tuneba! Ameena.