2 Ximootiyoosi 3:3 - Kafa Linguistics Project

³ ashoon shunaaneenaꞌo, ashich maaroon imon shunaaneenaꞌo, oonechinaꞌo, boonoshi qelloon quyeyaaneenaꞌo, maacmanjeenaꞌo, deꞌe mooyon shunaaneenaꞌo,

2 Ximootiyoosi 3:3 ပူးပေါင်းရင်းမြစ်များ

Halloo 49:7

Oogeton shattiiti boonoshi kaaro, ariqqaalli boonoshi ippo, uppeto tunebe; boonoshi shiijjereenaꞌon Israꞌeelee showoo bulliich shaccemmo taane; boonoshi maneenaꞌochi yareenaꞌo daggooch boonoshin baccemmo taane.

Shoddo 15:4

Doono Yeeri hoxetinaꞌon qallayiibeeto, tunebaani Doono Yeerin shattii beetinaꞌon oogiibeeto, bi wogeti mooyo bi toommooch iritoon deebemmo bi tunetaanoona, wogeechii shaddaano,

Shoddo 22:6

Tunebaani ta hipperoo taane; asho toono taane; ashoona cooneyaꞌa hoxeeto taane.

Isiyaasi 53:3

Biyoo ashoona shixxetonaa hoxeetonane; biiyoonaa xuuxoona biyee baraani ashoone; asho bi waanee aafoon badd wochiti, hoxeeti ashoone; nowoo biin oogiyaano noone.

Isiyaasi 60:14

Neen neexxii hajjitinaꞌochi yareenaꞌo yiti goyinnebee, ne waan woyemminaꞌone; neen hoxetinaꞌo bulli ne baatooch goyinnemminaꞌone; neenoo ‘Doono Yeerichi katemee, Israꞌeelee Yaafoochi tuneti, Tsiyoone’ geti ceeggemminaꞌone.

Daaneeli 8:23

“Boonoshi taatittinee ciirooba, asheenaꞌochi axaaxoo oogichi woddemmone; ebiyooba aaf gondoonaa marechona tuneti taatoo taatemmone.

Maatiyoosi 10:21

“Arooba manoo bi manoon, nihoo bi bushoon wuxemmoyich beshiiree immemmone; wotta bushiisheenaꞌo boonoshi niheenaꞌonaa indeenaꞌonochi toommooch tiyiree wuxiyemminaꞌone.

Maatiyoosi 4:1

Yesuusi aacona bi afaalleetoyee gubb, daabiloosi Yesuusin gondoon shuuniiya bi qiiccemmoyich, Yaafe Ayaano barahooch biin daammiye.

Luqaasi 10:16

Ebiyee gubb, Yesuusi bi dabbeenaꞌon “Ittoshichon waayeebeeto, taachon waayee beetone; ittoshin qajjiibeeto, taan qajjii beetone; taanoo qajjiibeeto, taan wocheti Yeerin qajjii beetone” iye.

Luqaasi 16:14

Fariseenaꞌo gijja shuneenaꞌo boonoshi tunetoyich, ebi Yesuusi gettito bullin waayeꞌi cooqqiriyeete.

Yowannisi 6:70

Yesuusi boonoshich “Ta, aaraa guttoo ittoshin kaacaachote? Tunetaa ittoshi daggeexi ikkoo daabiloosine” iꞌi wochiye.

Roomi 1:29

Axaaxoona, xuꞌoona, hiriggoona, gondo bullinoo ceenniyeete; qanaato, ashoon wuxoo, kaaro, dawushoo, baroon gondiyoo boonoshi mullooch ceenniye. Ashi shigoon gondii beetinaꞌo,

Roomi 1:31

shalligaalleenaꞌo, wogibiisheenaꞌo, shunaalleenaꞌonaa maacmanjeenaꞌona tuneheete.

1 Qorontoosi 7:5

“Giisheche aabee wottoon corootibone” ii echeeꞌi ittoshi tuniiti aaboyee besh, ittoshinaa ittoshina woonneyaahote. Qellee hakkee qayona Sheexaanoo ittoshin bi dachaachemmoyich, wochinnoon ikkottebote.

1 Qorontoosi 7:9

tunetee ittoshi qelloon quyo ittoshi mawiigaata, shaagote; meechi qaatoona micoyee, shaago gaawetone” iyaꞌa ciiccoye.

1 Tasaloonqi 4:8

Illa ebi no dojjiti mooyon shixxiibeeti asho, bi shixxiibeeto, ittoshich bi Yaafe Ayaanoon immiibeeti Yeerinalli, ashoon toonoone.

1 Ximootiyoosi 3:11

Ebiyoommon genneenaꞌo asho bulli oogii beetinaꞌo, oonaaneenaꞌo, dagg tate gaawe shuriyechinaꞌo, mooyo bullina gibeneetinaꞌo tunebeete.

Titoosi 1:8

Wotta iibboon iibbiibeeto, deꞌe mooyon shunniibeeto, bi qellee ariyecho, kaamoo, Yeerich diireeto, bi qelloon quyecho tunebe.

Titoosi 2:3

Ebiyoommon wotta geene genneenaꞌo boonoshi qocoona Yeerich diireetinaꞌo, oonaaneenaꞌo, wodde woyinee uyoon wotaaneenaꞌo, deꞌe mooyon dojjii beetinaꞌo boonoshi tunemmoyich ciice.

Yaaqobi 2:6

Tunebaani ittoshi girechinaꞌon coonehote. Ittoshin xuqqii beetinaꞌo gaannechinaꞌo tooneenaꞌone? Nallee gabberee aafooch ittoshin geechii beetinaꞌo boonoshi tooneenaꞌone?

2 Pheexiroosi 2:14

Maacheen beeggii beshiiyaaneenaꞌone; beddiye iꞌi axaaxee shuunoochee wotteyaaneenaꞌone. Ikke gaboona manjaani asheenaꞌon dawushii beetinaꞌone; hiriggoon doyiti mullo boonoshich beetone; uppeti shiijjereenaꞌone.

2 Pheexiroosi 2:19

Areenaꞌo boonoshi qelloona eeꞌe shuunoyich hajjeeti guuninaꞌo tuneechii, bareenaꞌon “Guuchittinoochee kechemmo ittoshine” iibee gibenikkii beetinaꞌone. Asho, biin hajjiti mooyo amoyicholla guunone.

2 Pheexiroosi 3:3

Yemeenee ciirooba boonoshi hajjee gonde qaatoon dabbemmi cooqqirechinaꞌo cooqqiribee woyemminaꞌo tunoon shiichiree ariibote.

Yihudi 1:16

Eboshi guuqqii guruuxii beetinaꞌone; boonoshi hajjee qaatoon dabbii beetinaꞌone; geeciibee boonoshi qellichon yibbaatee beetinaꞌone; ashi waanee gaacoon daneya, ashoon naadii beetinaꞌone.

Yihudi 1:18

Boonoshiyoo ittoshich “Yemeenee ciirooba boonoshi hajjee gonde qaatoon dabbemmi cooqqirechinaꞌo woyemminaꞌone” itinaꞌone.

Yaaꞌoo 13:15

Wotta aafi cooxochi shahalloyich kashee hiinnoon bi immemmoyich hakkoo biich ichehe; ebiyoo ebi cooxochi shaahallo bi yibbaatemmoyich, wotta biich goyinneyaaneenaꞌo wuxeyemmoyich bi tuniyemmoyichiye.

Yaaꞌoo 13:17

Cooxochi shigo woyee bi shigee haddoo beeti ebi malletoo biich aalli asho koniyoona kemon woyee kemoon bi hakkaachemmoyich bajjiye.

Yaaꞌoo 16:6

Yaafeenaꞌonaa keemechinaꞌonochi damoon ukkitinaꞌone; ebich ne wotta damoon boonoshich uchitine; ebiyoo boonoshich tuno tatoone” ii bi getaa waayeho.

Yaaꞌoo 17:6

Ureyoo yaafeenaꞌochi damoona, Yesuusichon miixeti asheenaꞌochi damoona mashetin beeggeho. Biin ta beeggehooba, oogeton worganeho.