2 Ximootiyoosi 3:2 - Kafa Linguistics Project

² Asheenaꞌo boonoshi qelloon shunnii beetinaꞌo tunemminaꞌone; gijje shuneenaꞌo, naadeyechinaꞌo, geecechinaꞌo, naagechinaꞌo, boonoshi nihoonaa indeenoyich deꞌa getaaneenaꞌo, galleteyaaneenaꞌo, yaafe mooyon eeꞌii beetinaꞌo,

2 Ximootiyoosi 3:2 ပူးပေါင်းရင်းမြစ်များ

Shoddo 10:3

Gonde asho bi mullee qaatoona cooddiye; hiriggechi asho Doono Yeerin shixxii uppiye.

Shoddo 49:6

Boonoshi gaannoon gibeneebeeti asheenaꞌoyich, boonoshi gijjoonoo yebeneebeeti gaannechinaꞌoyich, ta shattemmo amoyichiye?

Shoddo 52:1

Giidechocho, ne gonde mooyona ne yebeneebeeto amoyichiye? Yeerichi shoodo bulli aabeecho bi tunoon ariibe.

Shaahiyoo 6:17

geecechi aafo, koottiibeeti heciyoo, xalle damoon ukkiibeeti kishoo,

Isiyaasi 10:15

Qofiyo, biinna qecceebeeti ashi toommooch geecii beete? Magaazo, biinna maacciibeeto toommooch ciixee beete? Ebin tuniyoo, gumbo biin gumbee beeton yeshi shuurikkiya, yaaboo ashoon kaama tiijjiya qiiccoommone.

Daaneeli 11:36

“Ebi Sooriyee taatoo bi shunniton shuunemmone; nuggisheenaꞌoyee damba bi qelloon oogiyemmone; nuggisheenaꞌochi Nuggishoo toommooch naagee yibbaatoon yibbaatemmone. Yeeri gabito bulli tuno echeyaano bi tunetoyich, Yeerichi kaaree yemeeno tunemmi wottoon ebin tunii beeyemmone.

Daaneeli 7:25

Beshoo Yeeri toommoochoo geecee yibbaatoon yibbaatemmone; Beshoo Yeerichi yaafeenaꞌonoo duꞌiyemmone; boonoshi baaree aaboonaa boonoshi sheeroonon shaddoyich qiiccemmone. Yaafeenaꞌoo keejje nattaa qati wottoon bi kishooch beshiitaa ichemminaꞌone.

Maatiyoosi 15:6

bi nihoonaa bi indeenon dego qaawiyaache’ ii beeto ittoshine. Ittoshi doyoocha iꞌi Yeerichi qaaroon biichito ittoshine.

Luqaasi 12:15

Wotta Yesuusi daakkiꞌi ishichiye: “Ashich kasho geto bi gaannee woddo tuno bi qajjitoyich, ittoshi qelloon ariibote! Hiriggoo bulliicheenoo ittoshi qelloon quyebote” iye.

Luqaasi 16:14

Fariseenaꞌo gijja shuneenaꞌo boonoshi tunetoyich, ebi Yesuusi gettito bullin waayeꞌi cooqqiriyeete.

Luqaasi 6:35

Tunebaani ittoshin shixxii beetinaꞌon shunote; boonoshich deꞌoon shuunebote; ‘Amoonolla taach gaaccemmone’ getiree gibenaayi, boonoshich erettiibote. Ooge wojjoon danemmo ittoshine; Beshoo Yeerichi bushiishoonoo tunemmo ittoshine; ebiyoo Yeeri biin galleteyaaneenaꞌonaa gondeenaꞌonoyich maac deꞌo bi tunetoyichiye.

Mishiraachechinaꞌo 5:36

Ebiyee aaf Tiyodaasi getteebeeti uro ‘Ta oogoo taane’ iꞌi bi tiyaa, awudde ball bede asheenaꞌo biinna tookkii ikkotteheete. Tunetaa hini are uro ashi kishoona qitiye; biinna tookkii ikkottetinaꞌo bulliyoo shacee aalleheete; mooyoo duubee echehe.

Roomi 11:18

Ebich xooꞌeti ateenaꞌo toommooch geeciyaahine; ne geecemmi naboo aalloone. Neen shaaggii yechiꞌi beeto xepphoani, xepphoon shaaggaa yechaabeeto ne toono neene.

2 Qorontoosi 5:15

Kashoona beetinaꞌo boonoshicha iꞌi qititonaa qitoochee tiyitonon emirikkoyichalli, gubb boonoshi qelloon emirikkoyich boonoshi beetaachemmoyich bullicha iꞌi qitiye.

Filipphisiyoosi 2:21

Bareenaꞌo bulli boonoshi qelli qellichon gabiyeetalli, Yesuus Kiristoosichon aaxxiyaacheete.

Qolaasiyaasi 3:5

Illa ittoshi meechi qaatoon wuxibote. Eboshiyoo: yahoo, eeꞌe shuunoo, bushittinee cakkoo, gonde qaatoonaa hiriggoonane. (Hiriggoo, bi hiriggiti mooyon nuggishoommon tuniiꞌi goyinnoone.)

2 Tasaloonqi 2:4

Hini are hukkecho nuggisheenaꞌo getteetinaꞌo bulliyee, asheenaꞌo goyinneebeeti mooyo bulliyee bi qelloon besho tuniiree, boonoshin qeexxee kiin bechaachemmone. Yaafee kexooch giyi koteree, “Taane Yeeri” getooch beddaahaa beddemmone.

1 Ximootiyoosi 1:20

Hemanoosinaa Iskindiroosina eboshichi daggeexinaꞌone; Yeerichi shigoon naagoochee boonoshi cuuqqemmoyich, “Sheexaanoo boonoshin sheeribe” iyaꞌa biich beshii boonoshin immeto taane.

1 Ximootiyoosi 1:9

Yeeri hini sheeroon bi immito, sheeroon shaaddee beetinaꞌonaa hukkechinaꞌonoyich, Yeerin dabboochee wokkii beetinaꞌonaa axaaxechinaꞌonoyich, Yeerin oogiyaaneenaꞌonaa yaafe mooyon eeꞌii beetinaꞌonoyich, boonoshi indeenaa nihoonon wuxii beetinaꞌonaa ashi kashoon kichii beetinaꞌonoyich, shunimaayeenaꞌoyich, anaamona tookkii shuno maabeeti anaaminaꞌoyich, ashoon giidoona yechii kemmechinaꞌoyich, kooteenaꞌoyich, kootoon wogee beetinaꞌoyich, gaawe kittinnittinee doyoon shixxii beetinaꞌo bullichalli, cadiqeenaꞌoyich toonoone.

1 Ximootiyoosi 3:3

masheyaano, damoo gufeyaano, shiimecho, hayeyaano (nabeyaano), gijjoyich dakaano,

1 Ximootiyoosi 6:10

Ebi gijjee shuno meeti gonde mooyon shuunooch bechemmone; ebiyoommon ikkikkeenaꞌo gijjoon qaatiibee, Kiristoosi toommooch mullee tooꞌiyoon qajjiꞌi shattii giiriiti ayinee daggooch boonoshi hajjee kishoona giyitinaꞌone.

1 Ximootiyoosi 6:4

geecoo biin nafiitone; amoonolla shalligaani tuushoone. Biiyechochoommon kittinnittinee doyoon qallayoyich taggoonaa hayoononiye bi qaatiibeeto. Ebi mooyinaꞌoochee qanaato, kaaro, naago, biinnaa biinna mateyoo,

2 Ximootiyoosi 3:4

ashoon beshii immechinaꞌo, afaafinechinaꞌo, geecechinaꞌo, Yeeriyee beshiiꞌi boonoshi qaatee ceechoon shunnii beetinaꞌo tunemminaꞌone.

Yaaqobi 2:8

Yaafe Macaafoochaa “Neenoommi ne manoon neenna tachiree shune” ii beeti Taatoo Yeerichi sheeroon ittoshi ceechigaata, gaaweton shuuneebeeto ittoshine.

Yaaqobi 4:16

Tunetaa and ittoshi qelloon oogiibee geeciibeeto ittoshine; ebiyoommi geecee yibbaatoo bulli gondoone.

Yaaqobi 4:6

Yeeri beshiti wojjoon immii beetone; ebich Yaafe Macaafoochaa, “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” getaa kooreetone.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.

2 Pheexiroosi 2:12

Ebi are asheenaꞌo boonoshi ariyaani mooyoyich naagee beetinaꞌone; olletaa aalloyich shiijjeti, boonoshi halloona shalligoon hakkaani kubbi cooxoomminaꞌone; kubbi cooxinaꞌoo olletaa aalloommon ebiyoommon aallemminaꞌone.

2 Pheexiroosi 2:18

Geeciibee tuushee yibbaatoon yibbaatee beetinaꞌone; axaaxoona beetinaꞌo daggoochee muriccii kechii beetinaꞌon, bekkech batt boonoshi kecha iyaa, yeelliibeeti meechi qaatoona dawushii beetinaꞌone.

2 Pheexiroosi 2:3

Gijjoon boonoshi hiriggoochee tiyitona boonoshi halliti mooyon getibee ittoshin boggemminaꞌone; wonnee tiijjiꞌi Yeerichi nalloo boonoshi toommooch kindiya qannitone; boonoshi aallo yagaachemmone.

Yihudi 1:16

Eboshi guuqqii guruuxii beetinaꞌone; boonoshi hajjee qaatoon dabbii beetinaꞌone; geeciibee boonoshi qellichon yibbaatee beetinaꞌone; ashi waanee gaacoon daneya, ashoon naadii beetinaꞌone.

Yaaꞌoo 13:1

Arooba ikke cooxo baharee aacoochee bi kechii beetaa beeggeho. Aashire qaroonaa shabaatte qelloona biich beetone; ebi qareenaꞌo toommooch aashire gubbichoo beetone; ebi qello bi ikkikkooch Yeerin naaggiibeeti shigo kooreetone.

Yaaꞌoo 16:11

Boonoshi shooddetoyich, boonoshi acheexi mayo biijjii shachiritoyich shimaajji Nuggishoon naaggiyeetalli boonoshi gonde shunoon qajjii Yeer waan wotteyaaneenaꞌone.

Yaaꞌoo 16:21

Ikke baderoo baach aabbaa uuche kiilo giraamo tuneti ogooge baderoo asheenaꞌo toommooch shimaayoochee kindiye; ebi shaahe shattiiti ooge baderee naxoon boonoshi toommooch bi kindiitoyich, asheenaꞌo Yeerin naaggiyeete.

Yaaꞌoo 16:9

Asheenaꞌo oogeti gaamoona micciyeete; asheenaꞌoo ebi naxeenaꞌo toommooch hakkoo biich beeti Yeerichi shigoon naaggiyeete; oogee yiirecho bi tunetoyich biin galleteya axaaxee gommoochee bi waan wotteyaaneenaꞌone.