2 Ximootiyoosi 2:8 - Kafa Linguistics Project

⁸ Mishiraachee qaaroona ta gettaa beetoommon, qitoochee tiyiti, Daawiti yaroochee shiijjeti Yesuus Kiristoosin shalligibe.

2 Ximootiyoosi 2:8 ပူးပေါင်းရင်းမြစ်များ

Maatiyoosi 1:1

Abrahamichi bushoonaa Daawitichi bushoona tuneti Yesuus Kiristoosichi shiijjee yoodo ebine:

Luqaasi 24:46

Boonoshich ishichiye: “ ‘Kiristoosi xuuxoon beeggemmone; bi keejje qemooba qitoochee tiyemmone.

Mishiraachechinaꞌo 13:23

“Wotta ‘Hini uroochi yaroochee Israꞌeeleenaꞌoyich wodiyecho tunemmo kechemmone’ iꞌi bi gibenikkiti gibenoona Yesuusi waatone.

Mishiraachechinaꞌo 2:24

Tunebaani Yeeri qitee maaxoon aalliiꞌi, qitoochee biin tiijjiye; ebiyoo qitoo biin yechii neechoon hakkoo bi qajjitoyichiye.

Mishiraachechinaꞌo 2:30

Tunetaa Daawiti kashoona beebee, keemecho bi tunetoyich, Yeeri ‘Ne yaroochee ikkoon ne taatee qeenooch kotiyemmo taane’ iꞌi bi wogeti wogoon bi ariitoyich,

Roomi 16:25

Bulli yemeenee Nuggishoo wonnee yemeenoochee tiijjiꞌi aachaa yagiti mooyon “and galleebe” itone. Ebich keemechinaꞌo boonoshi kooriti macaafoochaa xallayii gettitinaꞌone; aageteenaꞌoo boonoshi mulloon Yesuus Kiristoosi toommooch tooꞌiiree biich deꞌa boonoshi gettemmoyich waayeꞌi ariitinaꞌone. Illa ta gettaabeeti mishiraachoommona Yesuus Kiristoosicho getteebeeti wochoommon ittoshin kupphiyoon hakkemmi,

Roomi 2:16

Ebiyoo tunemmo, mishiraachoona ta arichiitoommon Yeeri Kiristoos Yesuus waanaa ashi mullooch aacheeti gabee toommooch bi nallemmi aaboobane.

1 Qorontoosi 15:1

Ta maneenaꞌote! Ittoshich ta getaa waayeꞌi ittoshi iberiiti, aroona ittoshi neexeti mishiraachee qaaroon ittoshich shalligichiyoye.

2 Tasaloonqi 2:14

Yeeri no Doono Yesuus Kiristoosichi oogee yiiroochee ittoshi qoodeyemmoyich, no getteti mishiraachee qaaroona ittoshin ceeggitone.

1 Ximootiyoosi 1:11

Hini gaawe kittinnittinee doyoo bi daneebeeto, galleteya bede Yeeri taach aderoon bi immiti, oogee yiirechi mishiraachee qaaroocheeniye.

1 Ximootiyoosi 2:7

Ebi mooyo asho bullich bi getteyemmoyich, ceegee bechechonaa mishiraachechona, Aageteenaꞌoyichoo Kiristoos Yesuusi toommooch mullee tooꞌiyoonaa iberoonon xiishiibeeti dojjechoo ta tunemmoyich, Kiristoos Yesuusi taan kaaccii neechiye. Ebi ta gettaabeeto, iberoani kooto toonoone.

2 Ximootiyoosi 1:8

Illa no Doonochi qaaroon miixoyich woyee bi mishiraachee qaaroon ta getona cucheti ta naboyich yeelleyaahine. Tunebaani Yeer waanee danemmi giidoona kuppheree taanna tookki xuuxoon beege.

2 Ximootiyoosi 2:7

Doono Yeeri mooyo bullich shalligee mulloon neech immemmone; ebich ebi neech ta getteti mooyon gabibe.

Yaaꞌoo 5:5

Arooba geeneenaꞌo daggoochee ikkoo taach ishichiye: “Qaye, eeppaahine. Ebiyoche, Yihudi yoodoochee tuneti daaheroo, biyoo Daawitichi colloonaa yaroona tuneto bi shixechinaꞌon kochii wochitone; ebich qoddeti macaafoon yaggoyich, shabaatte maatemeenaꞌon gaxxoyichoo beddito tuneꞌi danetone” iye.