2 Ximootiyoosi 2:7 - Kafa Linguistics Project

⁷ Doono Yeeri mooyo bullich shalligee mulloon neech immemmone; ebich ebi neech ta getteti mooyon gabibe.

2 Ximootiyoosi 2:7 ပူးပေါင်းရင်းမြစ်များ

1 Kiinoo 22:12

Israꞌeeleenaꞌo toommooch neen bi iraashiihooba, ne Nuggishoo Doono Yeerichi getoon ne ceechemmoyich Doono Yeeri ariyoonaa shalligoonon neech imbe.

1 Kiinoo 29:19

Ne geteenaꞌon, ne qociyoonaa ne doyoonon bi quyemmoyich, ta qanniiti qiiceenaꞌona yaafee kexon bi haggemmoyichoo ta bushoo Solomoonich ceeni mulloon imbe” iye.

Shoddo 119:125

Ne guuno taane; ne qociyoon ta ariyemmoyich, taach shalligoon imbe.

Shoddo 119:144

Ne qociyoo bulli yemeenoon cadiqoone; kashoona ta beeyemmoyich shalligoon taach imbe.

Shoddo 119:73

Taan hallii shuuneto, ne kishoone; ne geteenaꞌon ta doyemmoyich taan shalligecho tuniibe.

Shoddo 64:9

Aroochee asheenaꞌo bulli shattemminaꞌone; Yeerichi shuunoon awaajjemminaꞌone; bi tuniiti mooyonoo yexiyemminaꞌone.

Shaahiyoo 24:32

Ebin ciinnaꞌa gabiyo; ebin beeggaꞌa ariyoon daneho.

Isiyaasi 1:3

Gattoo bi doonon arii beetone; kuroo bi doonochi magedoon arii beetone; tunebaani Israꞌeeleenaꞌo ariyaaneenaꞌone; ta asheenaꞌoo shalligaaneenaꞌone” iye.

Isiyaasi 28:26

Bi Nuggishoo biin bi dojjitoyich tate mooyon arii beetone.

Isiyaasi 5:12

Boonoshi gifiree xaaꞌooch ooge ximboonaa giishi ximboona, kamboonaa shumburoona, woyinee uyoo beetone; tunebaani Doono Yeeri tuniiton, bi shuuneti shuunoonoo gabaaneenaꞌone.

Daaneeli 1:17

Yeeri ebi awudde gurimaasheenaꞌoyich kooreeti mooyon boonoshi ariyemmonaa doyemmonoyich, ariyoonaa shalligoonon immiye; Daaneelich wotta daakkiꞌi yaaꞌoonaa gumonon bi biichemmi hakkoon immiye.

Luqaasi 24:45

Areegaata Yaafe Macaafooch kooreeton boonoshi xiishemmoyich, boonoshi mulloon qechiye.

Luqaasi 9:44

“Ittoshi hini mooyon ittoshi mulloona manjiiree yeshote. Ashi Bushoon ashi kishooch beshiiree imma ii beetinaꞌone” iye.

Yowannisi 14:26

Tunebaani Nihoo Yeeri ta shigoona bi deejjemmi Yaafe Ayaano tuneti Kupphiyecho, aroo bulli mooyon ittoshich dojjemmone; ittoshich ta getteto bullin ittoshich shalligichemmone.

Yowannisi 16:13

Tunebaani iberoon bekkiibeeti Ayaano bi waahooba, iberoo bulliich ittoshin yaabemmone. Bi waayeton baach gettehalli, bi qellee aalloona getaachemmone; woyemmi mooyon ittoshich gettemmone.

Mishiraachechinaꞌo 7:10

bi xuuxo bulliichee biin shiwee wodiihe. Gibitsee taatoo Farooni aafooch gidoonaa shalligoonon immiye. Hini are taatoo Yooseefin Gibitsee showoonaa bi kexo bullinooch iraashiihe.

1 Qorontoosi 12:8

Yaafe Ayaano ikke kittinnoyich shalligee yibbaatee hakkoon immiye; wotta are Yaafe Ayaano ariyee yibbaatee hakkoon baroyich immiye.

Yibbaatoo 32:29

Shalligechinaꞌo gaata, ebin shalligeshinaꞌone; boonoshi ciiro amo bi tunemmo gaata gabeshinaꞌone.

Yibbaatoo 4:39

“Illa and damba shimaayooch tuneba desh showooch, Doono Yeeri baach Nuggishoo bi tunoon, bare nuggishoo aallo bi tunoonoo shalligibe. Ebinoo ne mullooch manjii yeshe.

Filipphisiyoosi 4:8

Illa ta maneenaꞌote! Gaawe mooyon woyee galleteya bede mooyon baach gabibote. Eboshiyoo ibere mooyo bullin, gaawe mooyo bullin, kaame mooyo bullin, xalle gaboo beeti mooyo bullin, emirikkiibeeti mooyo bullinaa naadoo beeti mooyo bullinon gabibote.

Qolaasiyaasi 1:9

Ebich no wotta ishin no waayeti aaboochee tiijjaꞌa, Yeeri bi Ayaanoochee daneebeeti ariyoonaa shalligoo bullinon ittoshich ceenoona imiree bi daaggoon ittoshich bi arichiyemmoyich, qollaabee ittoshich corootoon kuxaano noone.

1 Ximootiyoosi 4:15

Asho bulli ne dicon bi beeggemmoyich, ebi mooyinaꞌona kupphebe; ebi mooyinaꞌoyich ne qelloon hajjiibe.

2 Ximootiyoosi 2:6

Ebiyoommon wotta goyecho aajjiꞌi bi gochiti maayoon shiichiꞌi bi mamo bede mooyone.

2 Ximootiyoosi 2:8

Mishiraachee qaaroona ta gettaa beetoommon, qitoochee tiyiti, Daawiti yaroochee shiijjeti Yesuus Kiristoosin shalligibe.

Hibireena'o 12:3

Ittoshi qelloona taahiree gubb ittoshi echeyaachemmoyich, axaaxechinaꞌo bi toommooch deebiti ebi shaahe xuuxoon bi haaꞌiyoon gabibote.

Hibireena'o 13:7

Yeerichi qaaroon ittoshich gettiti, ittoshi yaabii qeejjechinaꞌon gabibote. Boonoshi beemi qocoon ciiniree, Yeeri toommooch boonoshi mullee tooꞌiyoommon, ebiyoommon ittoshiyoo boonoshin shaahibote.

Hibireena'o 3:1

Ebich noonna tookkii Yeerina ceekketi yaafe ta maneenaꞌote! Biin no gibenoon no miixeti mishiraachechonaa qeeshee guudoona tuneti Yesuusin gabibote.

Hibireena'o 7:4

Illa ebi uro am shaahe ooge uro bi gaata ciinote. Qaabbechinaꞌochi nihoo Abrahami keccii bi deebiti mooyoochee asraatoon biich immiye.

Yaaqobi 1:5

Ittoshi daggoochee koniyoona shalligoo biich shappi gaata, qoonaanoon mulloochee tiijjiꞌi bullich immiibeeti Yeerin qollebe; biichoo ichemmone.

Yaaqobi 3:15

Ebiyoommi shalligoo damba Yeer waanee waabeeto toonoone; showee toommeexone; meechi qaateexone; yinneenaꞌo waanechone.

Yaaqobi 3:17

Tunebaani damba Yeer waanee waabeeti shalligee shiichaꞌa xalleene; daakkaꞌa diggoon qaawii beetine; shiimechine; deꞌa ii beetine; maaroonaa deꞌe shuunoo bullina ceennetine; heppoonaa mulloon xalloo shaahiyoona bi waan aalloone.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.