2 Ximootiyoosi 2:3 - Kafa Linguistics Project

³ Kiristoos Yesuusich gibeneeti ginee naayon tuneree taanna tookki xuuxoon beege.

2 Ximootiyoosi 2:3 ပူးပေါင်းရင်းမြစ်များ

Mishiraachechinaꞌo 23:31

Ebina ginee naayinaꞌo boonoshich getteetoommon, Phawuloosin yechiꞌi xumoona Antiphaaxiris shakkiiheete.

1 Qorontoosi 13:7

Bulli mooyon haaꞌiihe; bullin iberiihe; bullin gibenehe; kuxaanoon manjiye.

1 Qorontoosi 9:7

Bi hajjee gijjoon maabee koyeebeeti ginee naayo konine? Woyinoon bechiꞌi bi aafetaa maataani goyecho konine? Miimon qiddeebee, are miinji ejjoochee uyaani qiddoo konine?

2 Qorontoosi 1:6

Wotta iritoo no toommooch shaggiibeeto, goggoonaa wodoonon ittoshi danemmoyichiye; no goggaabeeto wotta, no toommooch shaggitoommi iritoo ittoshi toommooch shagigaata, goggeree haaꞌiyee hakkoon ittoshi danemmoyichiye.

1 Ximootiyoosi 1:18

Ta bushoo Ximootiyooso, ebiyee aaf neechon keemoona bi getteetoommon, hini wochoon neech adereto taane. Are keemoon shalligibee, kuppheree gaaweti koyoon koyebe.

2 Ximootiyoosi 1:1

Kiristoos Yesuusina daneti kasheechi gibenee wochoon bechiya, Yeeri daaggaa Kiristoos Yesuusichi mishiraachecho tuneti Phawuloosi waanee,

2 Ximootiyoosi 1:8

Illa no Doonochi qaaroon miixoyich woyee bi mishiraachee qaaroon ta getona cucheti ta naboyich yeelleyaahine. Tunebaani Yeer waanee danemmi giidoona kuppheree taanna tookki xuuxoon beege.

2 Ximootiyoosi 2:10

Ebiyeenoo Kiristoos Yesuusi waanee wodoonaa bulli yemeenee oogee yiiroonon boonoshi danemmoyich kaachetinaꞌoyicha iyaꞌa hini xuuxo bullin haaꞌiibeeto taane.

2 Ximootiyoosi 2:9

Hini mishiraachee qaaroon ashich ta gettetoyich gondoon shuunetochoommon ta cuchemmi wottoon xuuxoon beeggaabeeto taane; tunebaani Yeerichi qaaro cucheyaachemmone.

2 Ximootiyoosi 3:11

ta duꞌoonoo, ta xuuxoonoo gaawichaꞌa beeggeto neene. Antsookaa, Iqooniyooninaa Lisxirinoochaa ta toommooch shaggiti duꞌoon ta haaꞌiyoon ariibeeto neene; Doono Yesuusiyoo ebi bulliichee taan wodiitone.

2 Ximootiyoosi 4:5

Tunebaani ne, bulli mooyona ne qelloon quyebe; xuuxo shagiyooba kupphebe; mishiraachee qaaroon getonoo kuxxaaye. Kiristoosich maddoyich ne waanee qaaweemmi mooyo bullin ceechiree maddebe.

Filimooni 1:2

ne kexooch kiceebeeti kittinnee guuphoyich, no manee Afibiyich, noonna tookkii Kiristoosichi shuunoona ginee naayoommo tuneti Arikiphaasich:

Hibireena'o 10:32

Tunebaani mishiraachee qaaree bekko ittoshich bekketoyee gubb, xuuxo tunetaa oogeti qiiccoona haaꞌiibee ittoshi beshiiti wonnee yemeenoon gabibote.

Hibireena'o 11:27

Mulloon Yeeri toommooch bi tooꞌitoyich, Gibitsee taatoochi kaaroon shataanoon Gibitsee showoon qajjii kechii hammiye; bekkeyaani Yeerin bekkee beeton tuniiꞌi, “Gubb wotteyaache” iꞌi qaxiriye.

Hibireena'o 6:15

Ebich Abrahami haaꞌiiꞌi ebi gibeno biich ceenaa danoon hakkitone.

Yaaqobi 1:12

Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.