2 Ximootiyoosi 2:2 - Kafa Linguistics Project

² Meeti miixeenaꞌo aafoochaa ta getaa ne waayeti mooyo bullin, bareenaꞌoyich dojjoon hakkemmi gibeneeti asheenaꞌoyich wotta guudiibe.

2 Ximootiyoosi 2:2 ပူးပေါင်းရင်းမြစ်များ

Iziri 7:10

Iziri Doono Yeerichi sheeroon doyoonaa tuniyoonon, wotta Israꞌeeleenaꞌoyich qociyoonaa doyoonon dojjoonoo ta shuuna itone.

Iziri 7:25

“Iziro, newoo ne waan beeti ne Nuggishoochi shalligoommona Efiraaxisee beqachi woraafooch beeti, ne Nuggishoochi sheeroon ariibeeti asheenaꞌo toommooch ukkireenaꞌonaa nallechinaꞌonon ukkiriibe; ebi sheeroon ariyaaneenaꞌoyichoo dojjibe.

Nehimi 7:2

ta manoo Hanaaniyi meeti asheenaꞌoyee beshoon Yeerin shattiibeeti, gibeneeti asho bi tunetoyich, xaqqee dilaalee ukkiroo tuneti Hanaanina tookkaa Yerusaalem iraashiiho.

Shoddo 101:6

Ta taatee kexoochaa boonoshi maddemmoyich, hini showeexi gibeneeti asheenaꞌon gaawe aafoona ciinnemmo taane; bachaalli beemona beemmo aroo taach maddemmone.

Shaahiyoo 13:17

Gibeneyaani wocheyecho iritoon deebiye; tunebaani gibeneeti wocheyecho wodoon deebiye.

Erimiyaasi 23:28

Gumon gummiti keemecho bi gumon maace; tunebaani ta qaaro bi waan beeto gibeneeton tunoona ta qaaroon gete; tulloonaa teepphoonon amo daniihe?” iye Doono Yeeri.

Leweenaꞌo 14:42

Ebi waaxaa kechiti xaqqeenaꞌochi xaaꞌooch asheenaꞌo bare xaqqeenaꞌon keribeete; kexonoo wochinnoon dengoona dufeete.

Milikiyaasi 2:7

“Qeesheenaꞌo Beshe Mawe Doono Yeeri ta wocheyechinaꞌo boonoshi tunetoyich, boonoshi noonooch ariyoon kotiyoo boonoshich qaawiihe. Asheenaꞌoo boonoshi noonoochee doyoon qaawoo boonoshich qaawiihe.

Haddoo 12:7

Tunebaani ta guuno Muusina ta yibbaateebeeto ebiyoommona toonoone; Bi, ta kexo bulliich gibeneetone.

Maatiyoosi 13:52

Biyoo “Illa shimaajji taatittineecha ta dabboo tuneti sheeree dojjecho bulli, bi kiciti qiicoochee andire mooyonaa geene mooyonon kichiibeeti doonoommone” iye.

Maatiyoosi 24:25

Illa ittoshich ishichiꞌa getteto taane.

Luqaasi 12:42

Doono Yesuusiyoo ishichiye: “Illa heeyi maayoon boonoshich qaawiimmi saatoona bi immemmoyich, doono bi kechi asheenaꞌo toommooch bi ukkiriiti gibeneeti mullechi wochee bushoo konine?

1 Qorontoosi 4:2

Yakkirechinaꞌo bulli waanee qaaweebeeto, boonoshi shuunoona gibeneetinaꞌo tunoone.

2 Qorontoosi 2:14

Yeerich galleto bede; gondoochi giidoon kochii wochiꞌi Kiristoosina keccetinaꞌochoommon bulli aaboon noon yaabii beetone; Kiristoosin ariyee cinno bulli xaaꞌooch bi beddemmoyich noonna shuunee beetone.

2 Qorontoosi 3:5

Ebi shuunoon shuuno no hakkemmoyich hakkoon no daneto Yeer waaneenalli, no qelloona no, amoonolla tuniyoyich “Hakkoo nooch beete” geton ciroona hakkaachone.

Qolaasiyaasi 1:7

Ebinoo noonna tookkii Kiristoosichi gibeneeti maddechon tuneꞌi no keroyich shuuneebeeti, noonna tookkiinoo maddeebeeti, shucheti manoo Epphaafir ittoshich dojjitone.

1 Ximootiyoosi 1:12

Biich ta maddemmoyich taan kaacciꞌi gibeneeto tunii taan hadditi, giidoon taach immiti no Doono Kiristoos Yesuusin galletehoye.

1 Ximootiyoosi 1:18

Ta bushoo Ximootiyooso, ebiyee aaf neechon keemoona bi getteetoommon, hini wochoon neech adereto taane. Are keemoon shalligibee, kuppheree gaaweti koyoon koyebe.

1 Ximootiyoosi 4:14

Yeeri gettiti mooyo keemmee beetaa, kittinnee guuphi geeneenaꞌo ne toommooch boonoshi kishoon kotiihooba, neech icheꞌi ne toommooch beeti Yeerichi wojjoona shuuneyaanoon qajjaahine.

1 Ximootiyoosi 4:6

Hini neech ta getteti mooyinaꞌon kittinnee ne maneenaꞌoyich ne shalligichi gaata, Kiristoosi toommooch mulloon tooꞌiyee qaaroonaa and beddaahaa ne dabbaabeeti gaawe doyoona manjiree Kiristoos Yesuusichi gaawe maddechon tunemmo neene.

1 Ximootiyoosi 5:22

Ne kishoon ashi toommooch kotiiree koninolla afaafinoona ukkiriyaahine. Bareenaꞌo shuuneebeeti axaaxooch giyiree guuphiyaahine; kiinaalli xallittinoona ne qelloon quyebe.

1 Ximootiyoosi 6:12

Kiristoosi toommooch mullee tooꞌiyoona koniyoona qiiccee dichaani kuppho tuneree, bulli yemeenee kashee wojjoon yeshe. Yeeri hini bulli yemeenee kashoon ne danemmoyich neen ceegaa, meeti miixeenaꞌo aafoochaa Kiristoosichon gaawichaꞌa miixeto neene.

2 Ximootiyoosi 3:10

Tunebaani ne ta dojjaabeeti doyoonaa ta qocoonon, ta gaboonoo, Kiristoosi toommooch taach beeti mullee tooꞌiyoonoo, ta haaꞌiyoonoo, maneenaꞌon ta shunonoo, eboshi bullina ta kupphoonoo,

2 Ximootiyoosi 3:14

Tunetaa ne, ne doyitonaa xiishaa ne iberiitona kupphebe; koni koni waanee ne doyito gaata ariibeeto neene.

Hibireena'o 2:17

Ebich asheenaꞌochi axaaxoon maariyoyich, Yeerich bi maddoona ariqqechonaa gibeneetona tuneti qeeshee guudo bi tunemmoyich, mooyo bullina bi maneenaꞌon shaahoo biich qaawiitone.

1 Saameeli 2:35

Ta mulleexonaa ta gaboonon ceechemmi, gibeneeti, ta qeeshoon taach kaaccemmo taane. Bi shiijjeroon meeti yemeenoon beeyemmo tuniyemmo taane. Biyoo ta huutteti taatoo aafooch bulli aaboon maddemmone.