2 Ximootiyoosi 1:9 - Kafa Linguistics Project

⁹ Noon wodiito, biichoo diireeto no tunemmoyich noon ceeggito Yeerine. Noonoo bi ceeggito bi hajjee gaboonaa bi wojjoonalli, no shuuneti gaawe no shuunee naboona toonoone. Ebi bi wojjoo bulli yemeenoyee aaf Kiristoos Yesuusina nooch ichetone.

2 Ximootiyoosi 1:9 ပူးပေါင်းရင်းမြစ်များ

Maatiyoosi 1:21

Anaami bushoon shiyemmine; aroo bi asheenaꞌon boonoshi axaaxoochee wodiyemmo bi tunetoyich, bi shigoon Yesuusi getiree shigiyemmo neene” iye.

Luqaasi 10:21

Arooba Yesuusi Yaafe Ayaanoona oogichii emiriꞌi “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye. Iberoone, ta Nihoocho, ebin tuniyoyich gaaweti ne daaggoo tunetone” iꞌi Yeerin galletehe.

Yowannisi 17:24

“Ta Nihoocho, alemo halleyaan beehooba, taan ne shunnetoyich, oogee yiiroon taach immehine; hini oogee yiiroon boonoshi beeggemmoyich, ebi taach ne immeti asheenaꞌo wotta taanna tookki ta beetooch boonoshi beeyemmoyich shunnoye.

Yowannisi 17:9

Eboshich neen qollehoye; taach ne immeti asheenaꞌo neechinaꞌo boonoshi tunetoyich, boonoshich neen qollehoani, alemoyich qolleyaache.

Yowannisi 6:37

Shimaayoochee ta kindito, taan wocheti Yeerichi daaggoon tuniyoyichalli, ta daaggoon tuniyoyich toonoone. Ebich ta Nihoo Yeeri taach immito bulli ta waan woyemmone; ta waan waammo bullin cir maaxooch kichi dufaachemmo taane.

Mishiraachechinaꞌo 2:47

Yeerin galleteebee asheenaꞌo bullina naadee beeheete. Doonoo wodemminaꞌon qemi qemona boonoshi toommooch daakkii beehe.

Roomi 11:14

Ebin ta tuniyaabeeto, ta yareenaꞌo tuneti Israꞌeeleenaꞌo qanaatetaa, boonoshi daggoochee ikkikkeenaꞌon ta wodiyemmoyichiye.

Roomi 11:29

Yeeri ashoon bi waan ceeggiꞌi bi wojjoon bi immitoyee gubb, “Aakkiya ebin tuniitote?” getaache.

Roomi 16:25

Bulli yemeenee Nuggishoo wonnee yemeenoochee tiijjiꞌi aachaa yagiti mooyon “and galleebe” itone. Ebich keemechinaꞌo boonoshi kooriti macaafoochaa xallayii gettitinaꞌone; aageteenaꞌoo boonoshi mulloon Yesuus Kiristoosi toommooch tooꞌiiree biich deꞌa boonoshi gettemmoyich waayeꞌi ariitinaꞌone. Illa ta gettaabeeti mishiraachoommona Yesuus Kiristoosicho getteebeeti wochoommon ittoshin kupphiyoon hakkemmi,

Roomi 3:20

Ebich asho koniyoona sheeroon quyoona Yeeri aafooch cadiqaache; ebiyoo ebi sheeroo asho bulli axaaxecho bi tunoon bi arichii beetoyichiye.

Roomi 9:11

Yeeri biich “Qaabboo guuchoyich hajjeyemmone” iye. Ebin bi ito bushiisheenaꞌo batt shiijjeyaani boonoshi beetaa, gaaweto tuneba gondo, ikkeenolla boonoshi tuniyaan beehoobane. Ebich Yeeri kaaccitoommon bi gaboo manjito bi tunemmoyich, ikkoon bariiꞌi bi kaaccito boonoshi shuuneti shuunoona tuneyaanoon, bi ceeggiti ceegoonane.

Roomi 9:24

Eboshiyoo noone getone; noonoo Ayihudeenaꞌo daggoochee baach tuneyaanoon, Aageteenaꞌo daggoochee wotta ceeggitone.

1 Qorontoosi 1:18

Kiristoosichi masqalee mooyo aallooch hammii beetinaꞌoyich tuushittinoone; tunebaani wodaabeeti nooch Yeerichi giidoone.

Efesooni 1:11

Wotta Yeeri bi daaggoona shiichiꞌi bullin tuniiya gabiꞌi bi maaccitoommon, bi gaboommona, biicho no tunemmoyich Kiristoosina noon kaacciye.

Efesooni 1:9

bi gabiton Kiristoos waanaa tuniiya bi shunnitoommon tuniihe; ebiyee aafoo asho ariyaani bi daaggoon nooch arichiitone.

Efesooni 2:5

no xuꞌee naboona qitaꞌa no beetaanona, Kiristoosina tookkii nooch kashoon immiye; Yeeri bi wojjoona ittoshin wodiitone.

Efesooni 3:11

bulli yemeenoyee aaf Yeeri biich beeti ebi gaboon Kiristoos Yesuusi no Doonona ceechitone.

Filipphisiyoosi 3:14

Yeeri Kiristoos Yesuusina, damba beeti kashoyich taan bi ceeggiti naadee wojjoon ta danemmoyich, tuggooch shagga woccaabeeto taane.

1 Tasaloonqi 4:7

Yeeri noon bi ceeggito, yaafittinoona no beeyemmoyichalli, eeꞌe mooyon no shuunemmoyich toonoone.

1 Ximootiyoosi 1:1

Noon Wodiyechi Yeerinaa no gibeno tuneti Kiristoos Yesuusina wocheeti, Kiristoos Yesuusichi mishiraachechi Phawuloosi waanee,

2 Ximootiyoosi 1:1

Kiristoos Yesuusina daneti kasheechi gibenee wochoon bechiya, Yeeri daaggaa Kiristoos Yesuusichi mishiraachecho tuneti Phawuloosi waanee,

Titoosi 1:2

Ebi mullee tooꞌiyoonaa iberoon ariyoona bulli yemeenee kashoon danee gibenee toommooch neexetone; ebi kashoyichoo kootaani Yeeri, yemeeno bulliyee aaf gibenikkitone.

Hibireena'o 3:1

Ebich noonna tookkii Yeerina ceekketi yaafe ta maneenaꞌote! Biin no gibenoon no miixeti mishiraachechonaa qeeshee guudoona tuneti Yesuusin gabibote.

1 Pheexiroosi 1:20

Biinoo Yeeri alemo halleyaan beetaa kaaccitone; wotta qitoochee biin tiijjiti, oogee yiiroonoo biich immiti Yeeri toommooch bi naboona ittoshi mulloon tooꞌiibeeti ittoshicha iꞌi hini yemeenee ciiroochaa bekkehe. Ebich ittoshi mullee tooꞌiyoonaa gibenoona Yeeri toommooch tunetone.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

Yaaꞌoo 13:8

Showoonaa shimaayoona halleyaan beetaa guureeti Bagoochi kashee macaafooch boonoshi shigo kooreyaani, showee toommooch beeti asheenaꞌo bulli biich goyinnemminaꞌone.

Yaaꞌoo 17:8

Ne beeggeti cooxo ebiyee aaf beetone; and aalloone; oppee hoonoochee kechaniye bi ii beeto; aalleshoo gettemmone. Showoo halleetoochee tiijjiꞌi boonoshi shigo kashee macaafooch kooreyaani, hini showee toommooch beeti asheenaꞌo, ebi cooxo ebiyee aaf beeto, and aallo, tunebaani gubb woyemmo bi tunoon boonoshi beegiyooba worganemminaꞌone.