2 Ximootiyoosi 1:8 - Kafa Linguistics Project

⁸ Illa no Doonochi qaaroon miixoyich woyee bi mishiraachee qaaroon ta getona cucheti ta naboyich yeelleyaahine. Tunebaani Yeer waanee danemmi giidoona kuppheree taanna tookki xuuxoon beege.

2 Ximootiyoosi 1:8 ပူးပေါင်းရင်းမြစ်များ

Shoddo 119:46

Ne geteenaꞌona yeelleyaachemmo taane; taateenaꞌo aafoochaanoo gettemmo taane.

Shoddo 19:7

Doono Yeerichi sheeroo ceenoone; kashoon andiriihe; Doono Yeerichi sheeroo gibeneetone; tuushoon ariyecho tuniihe.

Isiyaasi 51:7

“Tate mooyon ariyaa beetinaꞌote, ta sheeroo ittoshi mullooch beeti asheenaꞌote, ta waanee waayebote: Ashi miichoon shattaahote; boonoshi naagoyichoo keqqiyaahote.

Isiyaasi 8:20

Ittoshi, Doono Yeerichi sheeroonaa miixittinoona hambote; ebi qaaroon geto boonoshi qayigaata, haree bekko boonoshich bekkeyaachemmone.

Maariqoosi 8:38

Illa Ashi Bushoo ta wotta ta Nihoochi oogee yiiroona yaafe maraakeenaꞌona tookkaa ta waahooba, hini yahechonaa axaaxoona tuneti shiijjeroo daggooch taannaa ta qaaroonoyich yeellemmo bullina yeellemmo taane” iye.

Luqaasi 9:26

Ashi Bushoo bi oogee yiiroona, bi Nihoonaa yaafe maraakeenaꞌonochi oogee yiiroona bi waahooba, biinnaa bi gettiti qaaroonoyich yeellemmo bullina, yeellemmone.

Yowannisi 15:27

Ittoshiyoo wotta shiichiꞌi taanna tookkii ittoshi beetoyich, taachon miixemmo ittoshine” iye.

Yowannisi 19:35

Ebin beeggito miixetone; ittoshiyoo wotta Yeeri toommooch mulloon ittoshi tooꞌiyemmoyich miixetone. Bi miixeto iberoone; bi gettitoo iberoo bi tunoon arii beetone.

Mishiraachechinaꞌo 5:41

Ebich mishiraachechinaꞌo Yesuusichi shigoyich hoxeyoyich bedditinaꞌo tuneꞌi boonoshi haddeetoyich emiriibee Ayihudee nallechinaꞌo aafoochee kechiyeete.

Roomi 1:16

Mishiraachee qaaroona yeelleyaache. Yesuus Kiristoosichi mishiraachee qaaro boonoshi mulloon Kiristoosi toommooch tooꞌii beetinaꞌo bullin, shiichiꞌi Ayihudeenaꞌon, aroochee Ayihudo tuneyaaneenaꞌon Yeeri wodiibeeti giidoone.

Roomi 16:25

Bulli yemeenee Nuggishoo wonnee yemeenoochee tiijjiꞌi aachaa yagiti mooyon “and galleebe” itone. Ebich keemechinaꞌo boonoshi kooriti macaafoochaa xallayii gettitinaꞌone; aageteenaꞌoo boonoshi mulloon Yesuus Kiristoosi toommooch tooꞌiiree biich deꞌa boonoshi gettemmoyich waayeꞌi ariitinaꞌone. Illa ta gettaabeeti mishiraachoommona Yesuus Kiristoosicho getteebeeti wochoommon ittoshin kupphiyoon hakkemmi,

Roomi 8:36

Ebiyoo, “Ne naboyich heeyi xumoon wuxee miichoon no toommooch miicheheete; guureyemmi bagoon shaahiiꞌi noon haddiyeete” getaa bi kooreetoommoniye.

2 Qorontoosi 6:7

ibere yibbaatoona, Yeerichi hakkoona shuunoona, no qanne kishoonaa yooche kishoonooch ginee koyee qiicoommo tuneti cadiqoon yeshona, Yeerichi maddecho no tunoon bekkiibeeto noone.

Efesooni 3:1

Ebich ta Phawuloosi, Kiristoos Yesuusicho ta tunetoyich ta cucheto Aageteenaꞌo ittoshicha iiniye.

Efesooni 3:13

Ebich ittoshicha iyaꞌa ta beeggaabeeti iritoona taahiyaahote iyaꞌa ittoshin qollaabeeto taane; ebiyoo Yeerichi oogee yiiroochee ittoshi qoodeyemmi gibenoone.

Efesooni 4:1

Illa Doono Yesuusichi maddecho ta tunetoyich, cuchaꞌa beeti ta, Kiristoosi toommooch mulloon ittoshi tooꞌiyemmoyich Yeeri ittoshin bi ceegiyooba bi gettitoommon, mooyo bullina biin emirikkiya biich bedditon tuneree ittoshi beeyemmoyich ittoshin qollaabeeto taane.

Efesooni 4:17

Illa Aageteenaꞌo duubeti gaboona boonoshi beemoommon, ebiyee bekk ittoshiyoo ebiyoommon duubeti gaboona ittoshi beetaachemmoyich Doono Yesuusina ittoshin manjii ciiccaabeeto taane.

Filipphisiyoosi 1:7

And cuyee kexooch cuchaꞌa ta beetaa, wotta mishiraachee qaaree iberoyich taggaa, aroonoo manjii ta beetaa, ittoshi bulli ebi shuunoyich taanna tookkii Yeerichi wojjee qoodeyecho ittoshi tunetoyich ta mulloochee batteyaachote. Ebichoo ebi ittoshi bullichon ta gaboo tatoone.

Filipphisiyoosi 3:10

Qitoochee tiyemmo ta tunoon gibenaꞌa Kiristoosinaa qitoochee biin tiijjiti giidoonon ta ariyemmoyich, bi xuuxoon ta qoodeyemmoyich, bi qitoonoo biin ta shaahemmoyich qaataabeeto taane.

Filipphisiyoosi 4:13

Giidoon taach immiibeeti Kiristoosina bulli mooyon tuniyoon hakkaabeeto taane.

Qolaasiyaasi 1:24

Andoo ittoshi naboyich ta toommooch shaggiti iritoyich emiriyoye; ebiyoo Kiristoosichi ashittino tuneti kittinnee guuphochi naboyichiye; Kiristoosi xuuxetoommon bi shuunee naboona ta toommooch shaggiibeeti xuuxoon haaꞌiibee bi xuuxoon ceechiibeeto taane.

1 Tasaloonqi 3:4

Duꞌo no toommooch shagga ii beeto bi tunoon ittoshina tookkaa beebee shiichaꞌa getteto noone; no gettetoommon wotta tunetone; ebinoo ittoshi ariibeeto ittoshine.

1 Ximootiyoosi 2:6

Asho bullin biisheree wodiiya bi kashoon deejjito biine. Ebiyoo tate yemeeno shagiyooba Yeerichi wodiyee shuunoon bekkiibeeti miixittinoone.

2 Ximootiyoosi 1:10

Andoo hini wojjoo, noon Wodiyechi Kiristoos Yesuusi hini showee toommooch bi womona bekketone. Biyoo qitee giidoon aalliitone; bulli yemeenoon kashoona no beeyemmi gommonoo mishiraachee qaaroona gaxxii xalliiꞌi bekkiitone.

2 Ximootiyoosi 1:12

Ebichi naboyichiye hini xuuxo bullin ta beeggaabeeto; tunebaani ta mulloon bi toommooch ta tooꞌiiti Kiristoosin ta arii beetoyich, wotta biich ta aderaton ciireexi aabooch beddaahaa quyoon hakkemmo bi tunoon ta xiishitoyich, yeelleyaache.

2 Ximootiyoosi 1:16

Doono Yesuusi Honesifoori kechi asheenaꞌoyich deꞌoon wojjibe. Bi, meeti aaboonoo taan kupphiitone; ta cuchoyichoo yeelleyaanoone.

2 Ximootiyoosi 2:3

Kiristoos Yesuusich gibeneeti ginee naayon tuneree taanna tookki xuuxoon beege.

2 Ximootiyoosi 2:8

Mishiraachee qaaroona ta gettaa beetoommon, qitoochee tiyiti, Daawiti yaroochee shiijjeti Yesuus Kiristoosin shalligibe.

2 Ximootiyoosi 2:9

Hini mishiraachee qaaroon ashich ta gettetoyich gondoon shuunetochoommon ta cuchemmi wottoon xuuxoon beeggaabeeto taane; tunebaani Yeerichi qaaro cucheyaachemmone.

2 Ximootiyoosi 4:17

Tunebaani mishiraachee qaaroon bechee shuunoo taanna bi ceennemmonaa Aageteenaꞌo bulli waayemmonoyich, Doono Yesuusi ta gaꞌooch neexeꞌi taan kupphiihe; daaheree gammoocheenoo taan wodiihe.

2 Ximootiyoosi 4:5

Tunebaani ne, bulli mooyona ne qelloon quyebe; xuuxo shagiyooba kupphebe; mishiraachee qaaroon getonoo kuxxaaye. Kiristoosich maddoyich ne waanee qaaweemmi mooyo bullin ceechiree maddebe.

1 Pheexiroosi 1:5

Ittoshi mulloon Kiristoosi toommooch ittoshi tooꞌii beetoyich, yemeenee ciirooba bekkeya qanniti wodoyich Yeerichi giidoona quyeeꞌi beeto ittoshine.

1 Yowannisi 4:14

Nihoo Yeeri bi Bushoon hini alemooch beetinaꞌon Wodiyecho bi tunemmoyich wochee bi deejjoon beeggeto noone; ebich miixaabeeto noone.

Yihudi 1:24

Giinnii dihoochee ittoshin quyebee, bachaallo tuniiree bi oogee yiiree aafooch oogeti emiroona ittoshin neechoon hakkiibeeti,

Yaaꞌoo 1:2

Yowannisiyoo Yeerichi qaaroonaa Yesuus Kiristoosi miixeti iberoonochon bi beeggito bullin miixetone.

Yaaꞌoo 1:9

Ta ittoshi manoo Yowannisi, ittoshina tookkii, Yesuusina duꞌoon, taatittinoonaa haaꞌiyoonon qoodeyecho tuneto, Yeerichi qaaroon ta gettetonaa Yesuusichon ta miixetonoyich Fiximoosi getteebeeti buure showooch beeho.

Yaaꞌoo 12:11

Boonoshiyoo deejjeeti Bagoochi damoonaa boonoshi miixeti Yeerichi qaaree naboona biin kochii wochiyeete; qitooch beddaahaanona boonoshi kashoon aaxxiyaaneenaꞌone.

Yaaꞌoo 19:10

Hini are maraakoyich goyinneya bi baatooch dihiyo; tunebaani aroo “Neen ariibe! Eechiyaahine! Neechoommon, Yesuusi miixeti iberoon yechiti ne maneenaꞌochoommonoo Yeerichi guuno taane; Yeerich baachiye ne goyinnemmo. Yesuusi miixeti iberoo Yeerichi wochoon boonoshi gettemmoyich asheenaꞌon shuurikkii beeti ayaanoone” iye.