2 Tasaloonqi 2:9 - Kafa Linguistics Project

⁹ Ebi hukkechi uro bi woyemmo, Sheexaanoochi shuunoommon baribare giidoona koote worganikkiti malletoonaa gaakkechi shuunoonon shuunoonane.

2 Tasaloonqi 2:9 ပူးပေါင်းရင်းမြစ်များ

2 Kiinoo 18:20

Aroochee ikke ayaano kechiꞌi, Doono Yeeri aafooch neexeechii, ‘Ta biin muriciyemmo taane’ iye. “Aroochee Doono Yeeri biich, ‘Aabichireeshiye ne muriciyemmo?’ iye.

Keyo 7:22

Gibitsee showeexi kaayechinaꞌo boonoshi kaayoona ebiyoommon tuniiheete. Ebich Farooni mullo andoo muumoone. Doono Yeeri gettitoommon, Muusinaa Haroonina gettiton waayeyaanoone.

Keyo 8:18

Kaayechinaꞌoo boonoshi kaayoona ebi shaaccaabeeti shunnee kechemmoyich tuniiya boonoshi qiiccetaanona, hakkaaneenaꞌone. Shunnee asheenaꞌonaa gijjeenaꞌonon tuqqahan.

Keyo 8:7

Tunebaani kaayechinaꞌo wotta boonoshi kaayoona Gibitsee showee toommooch woqqeqqeenaꞌo kechemmoyich tuniiheete.

Isiyaasi 29:10

Doono Yeeri tokketee ayaanoon ittoshi toommooch minjitone; keemechinaꞌo aafoon kaappitone; yaaꞌoon beeggii beetinaꞌochi qelloon oppetone.

Hiziqeeli 14:5

Ebiyoo shahallee naboona boonoshi mulloon ta waanee bariiti, Israꞌeelee maccoo bullichi mulloon ta waan wochoyichiye.

Maatiyoosi 12:22

Ebiyee gubb, yinno bi toommooch beeti aaf dooge, noona miime uroon Yesuus waan deebiyeete. Yesuusi are uroon wodiihe; uroo ciinonaa yibbaatoonon hakkiye.

Maatiyoosi 24:24

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.

Maatiyoosi 4:10

Arooba Yesuusi daabiloosin “Hini Sheexaanoocho! Ta aafoochee wohe! ‘Doono Yeerich goyinnebe; biich baach maddebe’ getaa Yaafe Macaafooch kooreetone” iye.

Maariqoosi 13:22

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee malletoonaa gaakkechi shuunoonon shuunemminaꞌone.

Luqaasi 11:25

wottee bi waahaa, are bi kechiti kexo hidaa qanniꞌi beeton beeggiye.

Yowannisi 4:48

Ebich Yesuusi “Worganikkiti malletoonaa gaakkechi shuunoonon ittoshi beego qayigaata, ta toommooch mulloon cir tooꞌiyaachote!” iye.

Yowannisi 8:41

Ittoshi, ittoshi nihoo shuunetoommon shuuneebeeto ittoshine” iye. Boonoshiyoo “No aricheyaani nihoona shiijjeyaano noone. Ikke Nihoo baachiye nooch beeto; aroo Yeerine” iyeete.

Yowannisi 8:44

Ittoshiyoo, ittoshi nihoo daabiloosichi bushiishoo ittoshine; ittoshi nihoochi qaatoon ceechoon shunniyote. Biyoo shiichiꞌi kashee kichechone; iberoo bi maacooch bi aalletoyich, iberee gommooch neexeyaanoone. Biyoo kootecho, kooto bullichi nihoone; ebich kootoon bi gettii beegaata, bi mullooch beeton gettiye.

Mishiraachechinaꞌo 13:10

“Aconaa gonde mooyona ne mullooch ceenniti hini daabiloosichi bushoochoo, tato tuneti mooyon shunaanoocho, kaamoo tuneti, Doono Yesuusichi gommon xummiyoochee kasheyaachenne?

2 Qorontoosi 11:14

Ebiyoo worganikkiti mooyo toonoone; Sheexaanolla bekkee maraakoon shaahiya bi qelloon shaddii beetone.

2 Qorontoosi 11:3

Tunebaani dingero bi acona Hewaanin bi dawushoommon, diqqich ittoshi gaboo duubetaa Kiristoosich beeti ibere xalle ittoshi shunoon qajjemmo ittoshine iyaꞌa shattaabeeto taane.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

Efesooni 2:2

Arooba hini alemee asheenaꞌo beeti beemoommon, Yeerich deꞌa getaani asheenaꞌo toommooch and shuuneebeeti ayaanee daaggoommonoo beehote. Ebi ayaanoo yongee toommooch beeti gonde ayaaneenaꞌon hajjiibeeti gonde iraashoone.

2 Ximootiyoosi 3:8

Yaaneesinaa Yambareesina Muusichi mooyon happiya qiiccoommon, ebi asheenaꞌo tachii gaboon hakkaaneenaꞌo tuneꞌi dacheebee, Kiristoosi toommooch mullee tooꞌiyoochee dihitinaꞌo tuneꞌi, iberoon happiya qiiccee beetinaꞌone.

Yaaqobi 3:15

Ebiyoommi shalligoo damba Yeer waanee waabeeto toonoone; showee toommeexone; meechi qaateexone; yinneenaꞌo waanechone.

Yaaꞌoo 12:17

Arooba dareboo ureena ippeꞌi, Yeerichi getoyich deꞌa ii beeti, Yesuusi miixeti iberoon gibenoona quyeebeeti ureechi yaroochee echetinaꞌon kocha hammiye;

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 18:23

Bekkiibeeti ceechoo ebiyee bekk ne daggooch ciroona aaxxe bekkeyaachemmone; woꞌee kenoochi qaaroonaa woꞌechi qaaroona ebiyee bekk ciroona ne waanee waayeyaachemmone; ebi tuneto, ne giixechinaꞌo showeexi ogoogeenaꞌo boonoshi tunetoyichiye; iicaabee (qaaxaabee) aageteenaꞌo bullin ne muricciitoyichiye” iye.

Yaaꞌoo 19:20

Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.

Yaaꞌoo 20:10

Boonoshin muriciiti daabiloosiyoo, cooxonaa koote keemechona duppeti, qaaqqoonaa waageroona micciibeeti baharooch duppehe; bulli yemeenoon areddoonaa xumoonon xuuxemminaꞌone.

Yaaꞌoo 9:11

Boonoshichoo taatoo beetone; are taatoo oppee hoonee maraakoone; bi shigoo Hibiree noonoona Abaadooni, Giriikee noonoona Apholiyooni getteehe.