2 Tasaloonqi 2:8 - Kafa Linguistics Project

⁸ Aroyee gubb, Doono Yesuusi bi waahooba bi kookkeexi hiinnoona hidemmi, bi oogee yiiree waccoonoo bi aalliyemmi hukkechi uro bekkemmone.

2 Tasaloonqi 2:8 ပူးပေါင်းရင်းမြစ်များ

2 Saameeli 23:7

Tunebaani angixon yechiibeeto koniyoona, xuuree qiicoon woyee ginee yaaboon yechiye; bi beeti xaaꞌoochaanoo qaaqqoona michaa ciroona aallemmone” iye.

Iyoobi 4:9

Yeeri boonoshin hugaa qiti ciiremminaꞌone; bi kaaree cufoona, ciroona aallemminaꞌone.

Shoddo 18:15

Doono Yeerichi noggoochee, bi muddoochee bi kachiti kaaree cufoochee tiyitona, baharee dechi ducho bekkehe; showee tuugeenaꞌoo shokkaachoon echeheete.

Isiyaasi 11:4

tunebaani girechinaꞌoyich cadiqoona nallemmone; gaachaalleenaꞌoyich dayinnetoona nalli maaccemmone; bi kookkoochee kechimmi gumboona showoon xoobbemmone; bi nooneexi hiinnoona gondeenaꞌon wuxemmone.

Isiyaasi 30:28

Bi hiinno qettooch bedditi, hidii daammiibeeti aacoommone; taatittineenaꞌon gemoona woqqoommon woqqi, boonoshi gammooch lugaamoon qapphiiree aallooch daammemmone.

Daaneeli 11:36

“Ebi Sooriyee taatoo bi shunniton shuunemmone; nuggisheenaꞌoyee damba bi qelloon oogiyemmone; nuggisheenaꞌochi Nuggishoo toommooch naagee yibbaatoon yibbaatemmone. Yeeri gabito bulli tuno echeyaano bi tunetoyich, Yeerichi kaaree yemeeno tunemmi wottoon ebin tunii beeyemmone.

Daaneeli 7:25

Beshoo Yeeri toommoochoo geecee yibbaatoon yibbaatemmone; Beshoo Yeerichi yaafeenaꞌonoo duꞌiyemmone; boonoshi baaree aaboonaa boonoshi sheeroonon shaddoyich qiiccemmone. Yaafeenaꞌoo keejje nattaa qati wottoon bi kishooch beshiitaa ichemminaꞌone.

Daaneeli 7:26

“Aroochee shimaajji nallechinaꞌo nalliya kotemminaꞌone. Biyoo bi hakkoon bokkeree ciroona ciirooch beddaahaa aallemmone.

Daaneeli 8:25

Marecho bi tunetoyich, acona mooyo biich bi kaamemmoyich tuniyemmone; bi mulloonoo oogichi geecemmone; diqqoona boonoshi beetaa, meeti asheenaꞌon aalliyemmone. Taateenaꞌochi Taatoo toommoochona tiyemmone; tunebaani ashi kishoona tuneyaanoon, biyoo aallemmone.

Hosee'i 6:5

Ebich ta keemechinaꞌochi noonoona ittoshin aalliihoye; ta qaaroonoo ittoshin wuxiyoye. Ebina ta nalloo xeeyoochoommon xeejjiye.

Maatiyoosi 13:19

Yeerichi taatittinee qaaroon waayeꞌi shalligaano bulli toommooch gondoochi nihoo woyemmone; boonoshi mullooch shookketi qaaroon maciree daammemmone; eboshi gommi gashooch holliti yaroomminaꞌone.

Maatiyoosi 13:38

budoo alemoone. Deꞌe yaroo Yeerichi taatittinee bushiisheenaꞌone; dadaddoo gondoochi nihoo bushiisheenaꞌone.

Maatiyoosi 16:27

Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

Maatiyoosi 16:28

Iberoon ittoshich gettoye: Hiniich neexee beetinaꞌoochee ikkikkeenaꞌo Ashi Bushoo taateꞌi bi waataa boonoshi beegimmi wottoon, qitaachemminaꞌo beetinaꞌone” iye.

1 Qorontoosi 1:28

“Hini showee toommooch beeteete” getteeti mooyinaꞌon aalliyoyich, Yeeri hini alemeexi ashi gaboochaa hoxeeꞌi duppeti mooyinaꞌonaa batteeti mooyinaꞌonon kaacciye;

2 Tasaloonqi 2:3

Tunebaani asho koniyoona amee gommonolla ittoshin muriciyaaye; shiichiree meetinaꞌo Yeeri toommooch tiyiree hukkoon boonoshi shuunemmi wottoon, hukkechi uro, aalloyich kaacheti are uro, bekkemmi wottoon, ebi are aabo tuneyaachemmone.

1 Ximootiyoosi 6:14

“No Doono Yesuus Kiristoosi waammi wottoon kiinaalli, oonaalli beemona hini getteeti mooyinaꞌon ceechibe” iyaꞌa neech adereto taane.

2 Ximootiyoosi 1:10

Andoo hini wojjoo, noon Wodiyechi Kiristoos Yesuusi hini showee toommooch bi womona bekketone. Biyoo qitee giidoon aalliitone; bulli yemeenoon kashoona no beeyemmi gommonoo mishiraachee qaaroona gaxxii xalliiꞌi bekkiitone.

2 Ximootiyoosi 4:1

Kiristoos Yesuusi hini showooch wotteree taatemmo bi tunetoyich, Yeeri aafoochaa, kashechinaꞌonaa qititinaꞌonochi toommooch nallemmi Doono Yesuus Kiristoosi aafoochaanoo hini mooyon neech adereto taane:

2 Ximootiyoosi 4:8

Illa echeto, Yeeri taach wojjiya bi qanniiti cadiqee gubbichoone; aroonoo kaachii nallechi Doono Yesuus Kiristoosi nallee aabooba taach immemmone; bi immemmo, ta ikkeetoyich baach toonoone; bi womon sharaatee beetinaꞌo bullichiye.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.

Hibireena'o 10:27

Echeti mooyo bi beegaata, shattiibeeti Yeerichi nalloonaa Yeerin shixxii beetinaꞌon michi aalliyemmi giidechi qaaqqoonon quyo baachiye.

1 Yowannisi 2:13

Niheenaꞌote! Ittoshich ta kooraabeeto, shiichoochee tiijjiꞌi beeton ittoshi ariitoyichiye. Gurimaasheenaꞌote! Ittoshich ta kooraabeeto, gondoochi nihoon kochii ittoshi wochitoyichiye. Ta shuni bushiisheenaꞌote! Ittoshich ta kooraabeeto, Nihoo Yeerin ittoshi ariitoyichiye.

1 Yowannisi 3:12

Qayeeliyoommon tunaayone; aroo gondoochi nihoo magechone; aroo bi hajjee manoon wuxiye. Amoyichiye bi wuxito? Bi hajjee shuunoo gondo, bi manoochi shuunoo cadiqo bi tunetoyichiye.

1 Yowannisi 5:18

Illa Yeer waanee shiijjeto bulli axaaxoon bi shuunee qayon ariibeeto noone. Yeerichi Bushoo biin bi quyee beetoyich, gondoochi nihoo bi achooch shagaachemmone.

Yaaꞌoo 1:16

Bi qanne kishoona shabaatte xojjenoon yechitone; bi kookkoochee gutte baddaa gayireeti aci goraado kechiye; bi baroo qaawee aabee aaxxoommon aaxxee beetone.

Yaaꞌoo 13:5

Geecee mooyonaa naagee qaaroonon bi gettemmi noonoo cooxoyich ichehe; aabbaa gutte agenoon hakkecho tuneree bi shuunemmoyich biich daaggeehe.

Yaaꞌoo 19:15

Aageteenaꞌon koyi bi wochemmi aci goraado bi kookkoochee kechiye; biyoo xuuree gumboona boonoshin hajjemmone; woyinee aafoon oppoochaa asho kotoommon, ebiyoommon Beshe Hakkechi Yeerichi kaaree shiixxee naxeechi oppoochaa boonoshin kotemmone.

Yaaꞌoo 2:16

Illa axaaxee gommoochee Yeer waan wottebe! Ebi tuno qayigaata, kaateree neech woyemmo taane; waaree ta kookkoochee kechiibeeti goraadoona boonoshin kochemmo taane.

Yaaꞌoo 20:10

Boonoshin muriciiti daabiloosiyoo, cooxonaa koote keemechona duppeti, qaaqqoonaa waageroona micciibeeti baharooch duppehe; bulli yemeenoon areddoonaa xumoonon xuuxemminaꞌone.