2 Tasaloonqi 2:13 - Kafa Linguistics Project

¹³ Tunebaani Doonona shucheti no maneenaꞌote! Bulli aaboon ittoshi naboyich Yeerin galletehone; ebiyoo Yeeri bi Yaafe Ayaanoona ittoshin yaafiꞌi, iberee qaaroon iberiiree ittoshi wodemmoyich shiichiꞌi ittoshin bi kaaccitoyichiye.

2 Tasaloonqi 2:13 ပူးပေါင်းရင်းမြစ်များ

Halloo 1:1

Shiichiꞌi Yeeri shimaayoonaa showoonon halliye.

2 Saameeli 12:25

Doono Yeeri bushoon bi shunnitoyich, Yididiyi getaa bi ceekkemmoyich, Naataanin wochee daachiihe.

Shaahiyoo 8:23

Batti batti showoo halleyoyee shiichaꞌa, wonnee wonna halleehoye.

Isiyaasi 46:10

Ciirooch tunemmi mooyon shiichaꞌa awaajjito taane; meeti yemeenoyee aaf, amo tunemmo gaata getteto taane. ‘Ta ciico manjoone; ta daaggoo bullin ceechemmo taane’ ito taane.

Erimiyaasi 31:3

Doono Yeeri ta wonna boonoshich bekkaꞌa ishichiyo: Bulli aabee shunoona ittoshin shunneto taane; ta shoodoo bulli aabooch ittoshich manjemmone.

Hiziqeeli 16:8

“ ‘Wochinnoon ne gaꞌoona beshaabee neen ciinnaꞌa, shaakkeya ne bedon beeggeho; tawoo ta tahoon ne toommooch yaggii, ne achoon qeriyoye; wogaa neenna tookkii wogoon giyaꞌa neen taachi tuniihoye, iye Nuggishoo Doono Yeeri.

Daaneeli 10:11

Biyoo taach ishichiye: “Oogeton shucheti Daaneelo, tiyi kaama neexeree, neech ta gettemmon manjiiree waayebe; tawoo neech getta wochetaa waato taane” iye. Ishin bi gettii beetaa, tawoo qewaabee tiyaa neexeho.

Daaneeli 10:19

Biyoo ishichiye: “Oogeton shucheti uroocho, shattaahine; diggoo neech tunebe; kupphebe; manjibe” iye. Ebin bi gettimmona, tawoo kupphaꞌa, “Ta doonocho, taan kupphiito neene. Illa getta ne qaawiton gete” iyo.

Daaneeli 9:23

Ne, oogeton shucheto ne tunetoyich, corootooch ne giyiyooba, Yeeri ne qolloon waayetone; tawoo ebin neech getta waato taane. Ebich ebi mooyon gabibe; yaaꞌoonoo shalligibe!

Yowannisi 1:1

Shiichiꞌi Qaaro beehe; hini Qaaro Yeer waan beehe; biyoo bi qelloona Yeerine.

Yowannisi 14:6

Yesuusi wochiꞌi, “Gommonaa iberoona, kashoonoo taane; ta waanaa tuno bi qayigaata Nihoo Yeer waan womon hakkemmo koniyoona aalloone.

Mishiraachechinaꞌo 13:48

Aageteenaꞌo ishin waayeꞌi, emiriibee Doono Yeerichi qaaroon oogiiheete. Yeeri bulli yemeenee kashoon boonoshi danemmoyich, bi kaaccitinaꞌo bulli boonoshi mulloon Yesuusi toommooch tooꞌiiheete.

Mishiraachechinaꞌo 15:9

Yeeriyoo Yesuusi toommooch mulloon boonoshi tooꞌiyoona boonoshi mulloon axaaxoochee xalliitone; ebich noonnaa boonoshinon barbariyaanoone.

Roomi 6:17

Tunebaani shiichiꞌi axaaxoyich hajjeebeeti guuno ittoshi tunetaanoona, ittoshich icheti doyoochee daneti iberoyich mulloochee tiijjiꞌi ittoshi deꞌa itoyich, axaaxee guuchittinoochee kechiꞌi cadiqoyich ittoshi hajjeetoyich, Yeerich galleto bede.

Roomi 8:33

Yeeri kaaccitinaꞌon taggemmo konine? Yeeri bi qelloona cadiqiihe.

Roomi 9:11

Yeeri biich “Qaabboo guuchoyich hajjeyemmone” iye. Ebin bi ito bushiisheenaꞌo batt shiijjeyaani boonoshi beetaa, gaaweto tuneba gondo, ikkeenolla boonoshi tuniyaan beehoobane. Ebich Yeeri kaaccitoommon bi gaboo manjito bi tunemmoyich, ikkoon bariiꞌi bi kaaccito boonoshi shuuneti shuunoona tuneyaanoon, bi ceeggiti ceegoonane.

1 Qorontoosi 1:21

Yeerichi shalligoochee tiyitona, hini alemeexi asheenaꞌo boonoshi shalligoona Yeerin ariyoon boonoshi mawiitoyich, tuushittino shaahiitaa ciicheebeeti, hini no gettaabeeti mishiraachee qaaroona boonoshi mulloon Kiristoosi toommooch tooꞌii beetinaꞌon wodiyoyich, Yeerichi daaggoo tunetone.

Galaati 3:1

Hini mullaalli Galaatee asheenaꞌote! Yesuus Kiristoosi masqalee toommooch bi yooddeyoo ittoshi aafooch xalla bekketone. Ishigaata ittoshin qaaxeꞌi moomito konine?

Efesooni 2:8

Bi toommooch ittoshi mullee tooꞌiyoona Yeeri bi wojjoona ittoshin wodiitone; ebiyoo bi immiti wojjoonalli ittoshi shuunoona toonoone;

Yibbaatoo 33:12

Biiniyaami yoodoochon ishichiye: “Doono Yeerina shucheti yoodo, biinna quyeeꞌi beehe; heeyo bullin boonoshin quyemmone; bi beeyi xaaꞌoonoo boonoshi geppee toommooch tuniihe” iye.

Qolaasiyaasi 3:12

Illa Yeeri ittoshin shunniꞌi biich bi kaaccitonaa biich bi yaafiti ashoona ittoshine; ebich ariqqittinoon, deꞌittinoon, qellee giishiyoon, shiimoon, haaꞌiyoon, ebi bullin tahebote.

1 Tasaloonqi 1:4

Yeerina shucheti no maneenaꞌote! Biicho ittoshi tunemmoyich Yeeri ittoshin bi kaacon ariito noone.

1 Tasaloonqi 4:7

Yeeri noon bi ceeggito, yaafittinoona no beeyemmoyichalli, eeꞌe mooyon no shuunemmoyich toonoone.

1 Tasaloonqi 5:9

Yeeri noon bi kaaccito, no Doono Yesuus Kiristoos waanaa wodoon no danemmoyichalli, bi kaaree shiixxoon no toommooch kindiyoyich toonoone.

2 Tasaloonqi 1:3

No maneenaꞌote! Yeeri toommooch mullee tooꞌiyoona oogichii ittoshi diccii beetoyich, ittoshi ikkikkoyich ittoshinaa ittoshina shuneebeeti shuno woddee woddee bi qeyii beetoyich, bulli aaboon ittoshi naboyich Yeerin galleto nooch qaawiibeeti mooyone; wotta ebiyoo no tuniiya bede mooyone.

2 Tasaloonqi 2:10

Ebiyoommon wotta, boonoshi wodemmi iberee qaaroon shunniꞌi deꞌon qayona aallemminaꞌon dachemmi baribare gonde shuunoon shuunoonane.

2 Tasaloonqi 2:12

Yeeri ebin bi tuniibeeto, iberee qaaroon iberiyaaneenaꞌonaa axaaxoon shuunoona emirii beetinaꞌo bullinochi toommooch bi nallemmoyichiye.

2 Tasaloonqi 2:16

Bi qelloona no Doono Yesuus Kiristoosinaa noon shunniti, bi wojjoona bulli yemeenee goggoonaa manje gibenoonon nooch immiti no Nihoo Yeerina ittoshi mulloon goggiibeete; gaawe mooyo bullin ittoshi shuunemmonaa yibbaatemmonoyich ittoshin kupphiibeete.

2 Ximootiyoosi 1:9

Noon wodiito, biichoo diireeto no tunemmoyich noon ceeggito Yeerine. Noonoo bi ceeggito bi hajjee gaboonaa bi wojjoonalli, no shuuneti gaawe no shuunee naboona toonoone. Ebi bi wojjoo bulli yemeenoyee aaf Kiristoos Yesuusina nooch ichetone.

2 Ximootiyoosi 2:15

Iberee mishiraachee qaaroon tachiꞌi gettiibeeti, bi shuuneti shuunoona yeelleyaani shuunechon tuneree, Yeer waanee galletoon danoyich kupphebe.

2 Ximootiyoosi 3:15

Kiristoos Yesuusi toommooch mullee tooꞌiyoona wodoo daneebeeti shalligoon neech imon hakkiibeeti Yaafe Macaafeenaꞌon ne bushittinoochee tiijjaꞌa ariito neene.

Hibireena'o 1:10

Daakkiꞌinoo, “Ta Doonocho, shiichaꞌa showoon neechihine; shimaayoo ne kishee shuunoone.

Yaaqobi 1:18

Bi hallitinaꞌo daggooch qaabboo no tunemmoyich, bi hajjee daaggoona iberee qaaroona noon shiyihe.

1 Yowannisi 4:10

Shuno getoo ebine: No Yeerin no shunnetoyich tuneyaanoon, Yeeri bi qelloona noon shunniꞌi, no axaaxoon bi maaremmi deejjoo bi tunemmoyich, bi Bushoon bi deejjoone.

1 Yowannisi 4:19

Yeeri shiichii noon bi shunnitoyich, no biin shunnaabeeto noone; noonnaa noonnoo shunaabeeto noone.