2 Tasaloonqi 1:8 - Kafa Linguistics Project

⁸ Arooba qaaqqee aaxxoona waaree, Yeerin ariyoo qaawaaneenaꞌonaa no Doono Yesuusichi mishiraachee qaaroyich deꞌa getaaneenaꞌonochi toommooch nichoon kichemmone.

2 Tasaloonqi 1:8 ပူးပေါင်းရင်းမြစ်များ

Halloo 3:24

Ashoonoo kichii yookkiye; kashee mixo waan daammiibeeti gommon quyemmi kiruubeenaꞌonaa qaaqqee booddoon taheti, haabuubo guuddiibeeti goraadoonon, Eden beeti mixinaꞌoochaa aabi-keyo waan kotiihe.

2 Saameeli 23:7

Tunebaani angixon yechiibeeto koniyoona, xuuree qiicoon woyee ginee yaaboon yechiye; bi beeti xaaꞌoochaanoo qaaqqoona michaa ciroona aallemmone” iye.

Shoddo 18:44

Ashi showee asheenaꞌo waaꞌi, ta aafooch yittiyeete; ta gettaahaa, bekkech ta getoon waayeheete.

Shoddo 79:6

Ne kaaroon, neen ariyaani aageteenaꞌo toommooch, ne shigoon ceegaani taatee showeenaꞌo toommooch kindiibe.

Shoddo 9:10

Doono Yeero, neen gibenee beetinaꞌon dufaano ne tunetoyich, ne shigoon arii beetinaꞌo bulli neen gibeneheete.

Shoddo 94:1

Nichoon kichechi Nuggishoo Doono Yeero, nichoon kichechi Nuggishoocho, bekkebe.

Keyo 5:2

Farooniyoo wochiꞌi ishichiye: “Bi getoon ta waayemmonaa Israꞌeeleenaꞌon ta gawukkemmonoyich, Doono Yeeri aroo konine? Doono Yeerin ariyaache; Israꞌeeleenaꞌonoo gawukkaache” iye.

Isiyaasi 1:19

Deꞌa iꞌi ta getoon ittoshi waayegaata, showoochee daneebeeti gaawe maayoon maayemmo ittoshine;

Isiyaasi 1:28

Tunebaani hukkechinaꞌonaa axaaxechinaꞌona ikkittinoona buricemminaꞌone; Doono Yeerinoo qajjii beetinaꞌoo aallemminaꞌone.

Isiyaasi 27:11

Michi ateenaꞌo boonoshi shuuꞌiyooba tiisheheete; maacheenaꞌo qaaqqooch shookka maciyeete; shalligaalli asheenaꞌo boonoshi tunetoyich, boonoshin Hallito boonoshich ariqqeyaachemmone; boonoshin Hallito boonoshin gaawe aafoona ciinaachemmone.

Isiyaasi 61:2

Shucheti Doono Yeerichi natonaa no Nuggishoochi nichoo kichee aaboonon ta awaajjemmoyich, eeppii beetinaꞌo bullin ta goggiyemmoyich

Erimiyaasi 10:25

Yaaqobin boonoshi maatoyich, maaꞌi ciroona boonoshi aalliitoyich, bi xaaꞌoonoo boonoshi happitoyich, neen ariyaani aageteenaꞌo toommooch, ne shigoonoo ceegaaneenaꞌo toommooch, ne kaaroon woniibe.

Erimiyaasi 9:6

Xuꞌee toommooch xuꞌoon, maree toommooch maroon, daakkiyeete; taan ariyemmonoo qajjiyeete” iye Doono Yeeri.

Daaneeli 7:10

Qaaqqoo woce aacochoommon, bi aafoochee kechiꞌi ufee beehe. Hume kaallee humeenaꞌo biich maddee beeheete; aashire hume kaallee aashire humeenaꞌoo bi aafooch neexee beeheete. Nallechinaꞌo nalliya koteꞌi, macaafeenaꞌon gaxxiyeete.

Sofoniyaasi 1:6

Taach goyinnee maddoon qajjiꞌi bara wottetinaꞌon, boonoshin ta gaachemmoyich, ta waan giddeyaaneenaꞌon aalliyemmo taane” iye.

Maatiyoosi 25:41

“Arooba yooche badd beetinaꞌoyich ishichemmone: ‘Hini uppeetinaꞌote, daabiloosinaa bi maraakeenaꞌonoyich qanniti bulli yemeenoon tahaani shiweree qaaqqooch ta waanee hambote!

Maatiyoosi 25:46

“Boonoshiyoo bulli yemeenee shiwerooch, cadiqeenaꞌo wotta shimaajji taatittineech giyiree bulli yemeenoon beeyemminaꞌone” iye.

Yowannisi 3:19

Bekko showee toommooch waahe; tunebaani asheenaꞌo boonoshi shuunoo gondo bi tunetoyich, bekkoyee manderoon shunniyeete; bi nallito ebichiye.

Yowannisi 8:19

Ebich boonoshi “Ne nihoo aabiichiye?” iꞌi echeheete. Yesuusi wochiꞌi, “Taan woyee ta Nihoon ariyaachote. Taan ittoshi ariito gaata, ta Nihoon wotta ariyesho ittoshine” iye.

Mishiraachechinaꞌo 6:7

Yeerichi qaaro gaminnii gaminnii hammiye; Yerusaalem beeti Yesuusichi dabbeenaꞌo meettii meettii waaheete. Qeesheenaꞌo daggoochee meetinaꞌo mishiraachee qaaroyich deꞌa iꞌi Yesuusi toommooch mulloon tooꞌiiheete.

Roomi 1:28

Yeerin ariyoon gaacaallo shaahiiꞌi boonoshi gabitoyich, tuneyaani mooyon boonoshi hallemmoyich, Yeeri boonoshin qajjiye; ebich xumme gaboon baach gabiyeete.

Roomi 1:5

Aageteenaꞌo bulli daggoochee boonoshi mulloon Kiristoosi toommooch tooꞌiiree biich deꞌa gettemminaꞌo danemmoyich, Yeeri Kiristoos waanaa mishiraachecho tuneree Kiristoosicha getiree ta shuunemmoyich, wojjoon taach immiye.

Roomi 10:16

Tunebaani bulliyoo mishiraachee qaaroyich deꞌa getaaneenaꞌone. Keemechi Isiyaasi, “Doono Yeero, no miixeton koni iberiite?” itone.

Roomi 15:18

Aageteenaꞌo Yeerich deꞌa boonoshi gettemmoyich, Kiristoosi bi qaaroonaa bi shuunoona, worganikkiti malletoonaa gaakkechi shuunoonochi giidoona, Yaafe Ayaanee giidoona ta waanaa tuneꞌi bi shuuneti mooyoyee beshe bare amoonolla getoyich aafoon kuppheyaache. Ebich Yerusaalemee tiijjaꞌa Iliriqoonee showooch beddaahaa guuddaꞌa Kiristoosichi mishiraachoon ikkeenolla echiyaanoon gettaa bechito taane.

Roomi 6:16

Hajjeyoyich guuno tuniiꞌi ittoshi qelloon biich ittoshi guudiiti ashich guuno ittoshi tunoon ariyaachote? Woyee axaaxee guuno tuneree qitemmo ittoshine; woyee Yeerich hajjeebeeti guuno tuneree cadiqo tunemmo ittoshine.

1 Qorontoosi 15:34

Ittoshi mulloon kaachibote. Axaaxoon shuuneyaahote. Ittoshi daggooch Yeerin ariyaani ikkikkeenaꞌo beetinaꞌone. Ta ishichaabeeto, ittoshi yeellemmoyichiye.

2 Qorontoosi 10:5

Ashi gajjiteyoonaa Yeerichi ariyee toommooch geecoona tiyiibeeti mooyo bullinon happemmo noone; Kiristoosich deꞌa boonoshi gettemmoyich ashi gaboo bullin keccemmo noone.

Galaati 3:1

Hini mullaalli Galaatee asheenaꞌote! Yesuus Kiristoosi masqalee toommooch bi yooddeyoo ittoshi aafooch xalla bekketone. Ishigaata ittoshin qaaxeꞌi moomito konine?

Galaati 4:8

Wonna Yeerin ariyaan beebee, nuggishoo tuneyaani halleenaꞌoyich guunon tuneꞌi beehote.

Yibbaatoo 32:35

Boonoshi etteenaꞌo toommooch nichoon kichiree, boonoshin ta naxemmi aabo katinnitone. Diqqoona boonoshi baatoo giinnemmone; aalliibeeti naxo boonoshi toommooch kindemmone’ iye.

Yibbaatoo 4:11

Ittoshiyoo ebi guudo shimaayooch shaggiti qaaqqoo bi toommooch conjii beetaa, aaꞌi quboonaa dunne manderoona bi toommooch kaappiꞌi beetaa, hammiꞌi guudi baatooch neexehote.

Yibbaatoo 4:30

Iritoo ittoshi toommooch shagiyooba, ebi mooyo bulli ittoshi toommooch tunehooboo ciiroochaa ittoshi Nuggishoo Doono Yeer waan wotteree biich deꞌa gettemmo ittoshine.

Yibbaatoo 5:5

Qaaqqoon shattiꞌi guudi toommooch ittoshi keyo qajjitoyich, arooba ta, Doono Yeerichi qaaroon ittoshich getoyich ittoshinaa Doono Yeerinochi gutte daggooch neexehoye. “Doono Yeeriyoo ishichiye:

Hibireena'o 10:27

Echeti mooyo bi beegaata, shattiibeeti Yeerichi nalloonaa Yeerin shixxii beetinaꞌon michi aalliyemmi giidechi qaaqqoonon quyo baachiye.

Hibireena'o 10:30

“Gondoon shuunetinaꞌo toommooch nichoon kichemmo taane; bareenaꞌon boonoshi xuuxiitoommon, ta boonoshin xuuxiyemmo taane” iton, ebiyee wotta “Doono Yeeri ta, ta asheenaꞌo toommooch nallemmo taane” iton ariibeeto noone.

Hibireena'o 11:8

Abrahami iristo tuniiree bi deqqemmi xaaꞌooch bi ceekkehooba, mulloon Yeeri toommooch tooꞌiiꞌi deꞌa iye; amooch bi hammiibeeto gaata ariyaanoon kechiye.

Hibireena'o 12:29

Ebiyoo, iberoon no Nuggishoo michii aalliibeeti qaaqqoommo bi tunetoyichiye.

Hibireena'o 2:3

Ebich nowochi, ebiyoommi worganikkiti wodoon no qayenegaata, aabichiree muricon hakkehone? Ebi wodeechon shiichiꞌi gettito Doono Yesuusine; waayetinaꞌoo ebi iberoo bi tunoon nooch manjiitinaꞌone.

Hibireena'o 5:9

Ebi bullin bi ceechitoyee gubb, biich deꞌa ii beeto bullich, bulli yemeenee wodoon immiibeeto tunetone.

1 Pheexiroosi 1:2

Nihoo Yeeri shiichiꞌi bi gabitoommon, bi kaaccitinaꞌoyich, Yesuus Kiristoosich deꞌa getoyich bi damoo wucaa xalletinaꞌonaa Yaafe Ayaanoona yaafeetinaꞌonoyich: Yeerichi wojjoonaa diggoona ittoshich woddebe.

1 Pheexiroosi 3:6

Eboshi daggoochee Saari ikkeene; biyoo Abrahamin “Ta doonocho” iyaꞌa ceeggaabee biich deꞌa iyane. Ittoshiyoo wotta amee mooyoyichona shataanoon gaawe shuunoon ittoshi shuunegaata, Saarichi bushiishoo ittoshine.

1 Pheexiroosi 4:17

Yeeri nallemmi aabo shaggitone; shiichiree bi kechi asheenaꞌo toommooch nallemmone. Shiichiree no toommooch nallemmo bi tunegaata, Yeerichi mishiraachee qaaroyich deꞌa getaani asheenaꞌochi ciiro amoon tunehe?

2 Pheexiroosi 3:7

Are qaaroona wotta and hini beeti showoonaa shimaayoona Yeerin oogiyaani asheenaꞌo aallemmi nallee aabooch beddaahaa qaaqqoyich quyeetinaꞌone.

Yihudi 1:7

Ebiyoommon wotta shuno maati, hallooch aalli, yeelliibeeti mooyon tuniiti, Sodoomi, Gomoorinaa boonoshi guudoonooch beeti katemeexi asheenaꞌo, bulli yemeenee qaaqqoona micciibee bullich cuuꞌiyoo tunetinaꞌone.

Yaaꞌoo 20:10

Boonoshin muriciiti daabiloosiyoo, cooxonaa koote keemechona duppeti, qaaqqoonaa waageroona micciibeeti baharooch duppehe; bulli yemeenoon areddoonaa xumoonon xuuxemminaꞌone.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

Yaaꞌoo 6:10

Ebi are wuxeeti asheenaꞌochi kasho oogeti qaaroona cookiibee, “Yaafoonaa iberoona tuneti Mawe Doono Yeero, nallaanoon ne yagemmo, showooch beetinaꞌo toommooch no damee nichoon ne gaacaachemmo aati wottooniye?” iyeete.

1 Saameeli 2:12

Eeli bushiisheenaꞌo gaacaalleenaꞌone; Doono Yeerin ariyaani asheenaꞌone.