2 Tasaloonqi 1:7 - Kafa Linguistics Project

⁷ and xuuxoon beeggiibeeti ittoshin ebi xuuxoochee kichiree noonna tookki kashiyemmone. Ebin bi tuniyemmo, Doono Yesuusi giidechi bi maraakeenaꞌona tookkii shimaayoochee bi waahoobane.

2 Tasaloonqi 1:7 ပူးပေါင်းရင်းမြစ်များ

Keyo 19:18

Doono Yeeri qaaqqoona bi kinditoyich, Siini guudon cufoo kaappitone; cufoo qaaqqee gudoochee kechii beetoommon tuneꞌi kaama tuqiye; guudo bulliyoo oogeton qewehe;

Keyo 3:2

Aroochaa Doono Yeerichi maraakoo kuchoo cobbcobbimii aaxxeebeeti qaaqqee daggoochaa biich bekkehe. Muusiyoo kuchoon qaaqqoo yechito bi tunetaanoona, micaano bi tunoon beeggiye.

Isiyaasi 57:2

Boonoshi shaaddo kaamoo tuneti asheenaꞌo qiti, diggee xaaꞌoon daneree kashemminaꞌone.

Isiyaasi 66:15

“Ebiyoche, Doono Yeeri qaaqqoona woyemmone; bi gaarinaꞌoo yubee yongoomminaꞌone; bi ippoon kupphe bi kaaroona, bi noggoonoo aaxxeebeeti qaaqqoona bekkiyemmone.

Hiziqeeli 1:13

Kashechi halleenaꞌo daggooch aaxxee gecheti qaaqqoommi mooyo, wotta boonoshi daggooch okk hach xeelliibee conjiibeeti conjoommi mooyo beetone; qaaqqoo tobbimoone; xeeyoo aroochee xeejjii beehe.

Daaneeli 7:9

Andoo ta ciinnaa beetaa, nallechinaꞌo kotemmi qeeninaꞌon geddiyeete; areexi ikkooch Wonnee Wonneecho kotehe. Bi taho nacce kechoommone; bi qelli eexoo haatteeti huuttoommi naccoone. Bi qeeno qaaqqee conjoommo, bi qeeno koteti gengoommi mooyo aaxxeebeeti qaaqqoommone.

Maatiyoosi 16:27

Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

Maatiyoosi 16:28

Iberoon ittoshich gettoye: Hiniich neexee beetinaꞌoochee ikkikkeenaꞌo Ashi Bushoo taateꞌi bi waataa boonoshi beegimmi wottoon, qitaachemminaꞌo beetinaꞌone” iye.

Maatiyoosi 25:31

“Ashi Bushoo bi oogee yiiroona maraakeenaꞌo bullina tookki waaree oogee yiiroo beeti bi taatee qeenooch kotemmone.

Maatiyoosi 25:41

“Arooba yooche badd beetinaꞌoyich ishichemmone: ‘Hini uppeetinaꞌote, daabiloosinaa bi maraakeenaꞌonoyich qanniti bulli yemeenoon tahaani shiweree qaaqqooch ta waanee hambote!

Maatiyoosi 26:64

Yesuusi wochiꞌi, “Ne getteto neene; tunebaani ittoshich gettoye: Ebiyee damba Ashi Bushoo Giidechi Yeerichi qanne badd bi kotetaa, wotta shimaajji qubee toommoochoo koteree bi waataa beeggemmo ittoshine” iye.

Maariqoosi 14:62

Yesuusi wochiꞌi, “Eeha, taane. Ashi Bushoo Giidechi Yeerichi qanne badd bi kotetaa, wotta shimaajji qubee daggoona bi waataa beeggemmo ittoshine” iye.

Maariqoosi 8:38

Illa Ashi Bushoo ta wotta ta Nihoochi oogee yiiroona yaafe maraakeenaꞌona tookkaa ta waahooba, hini yahechonaa axaaxoona tuneti shiijjeroo daggooch taannaa ta qaaroonoyich yeellemmo bullina yeellemmo taane” iye.

Luqaasi 16:25

“Tunebaani Abrahami wochiꞌi, ‘Ta bushoochoo, showee toommooch ne beehooba, deꞌe mooyo bullin ne danoon shalligibe. Ebiyoommon wotta Alazaari showee toommooch bi beehooba, magge iritee toommooch bi beemonoo shalligibe. Tunebaani Alazaari and hiniichaa bi ayinoon shoottitone; newoo xuuxaabeeto neene.

Luqaasi 17:30

“Arooba tunetoommon Ashi Bushoo bekkemmi aabooba wotta ebiyoommon tunemmone.

Yowannisi 1:3

Yeeri bulli mooyon biinna halliihe; halleetinaꞌo daggoochee ikkolla bi aalloon halleeto aalloone.

Yowannisi 1:51

“Iberoon ittoshich gettoye: Shimaayoo qecheetaa, Yeerichi maraakeenaꞌo Ashi Bushoo toommooch keyi kindi boonoshi beetaa, beeggemmo ittoshine” iye.

Mishiraachechinaꞌo 1:11

“Hini Galiilee asheenaꞌote, kaama shimaajj ciinniibee amoyich neexee beetote? Hini ittoshi waanee shimaajj kechiti Yesuusi, shimaajj bi keyaa ittoshi beeggitoommon, ebiyoommon wotteree woyemmone” iyeete.

Mishiraachechinaꞌo 3:19

Illa Yeeri ittoshi axaaxoon hidiree bi wokkiyemmoyich, ittoshi axaaxee gommoochee Yeer waan wottebote.

Roomi 8:17

Illa Yeerichi bushiishoo no tunegaata, Yeerichon woraashemmo noone; bi oogee yiiroochee no qoodeyemmoyich, biinna tookkaa iritoon qoodeebeeto no tunegaata, Kiristoosina tookkiree woraashemmo noone.

1 Qorontoosi 3:13

bi qelli qelloona hakketo am shaahoo gaata bekkemmone. Doono Yesuusi nalliya wotteree bi woyemmi aabooba, qaaqqoona miixeyemmone; are aabooba ikkikkoochi hago am shaahoo gaata qaaqqoo haattiree bekkiyemmone.

2 Qorontoosi 4:17

Hini andich baach beeti kette iritoo ebine getteyaani beshaa beshe oogeto tuneti bulli yemeenee oogee yiiroon nooch daniyemmone.

Efesooni 1:2

No Nihoo Yeerinaa Doono Yesuus Kiristoosina waanee wojjoonaa diggoona ittoshich tunebe.

Qolaasiyaasi 1:16

bekkee beetinaꞌonaa bekkeyaaneenaꞌona, taatittino tuneba woyee doonjittino tuneba woyee iraashittino tuneba woyee ukkirittino tuneba showoonaa shimaayoonooch beetinaꞌo bulli biinna halleetinaꞌone. Bulli mooyo biinna halleetone; biichoo halleetone.

1 Tasaloonqi 3:13

No Doono Yesuusi bi yaafeenaꞌo bullina tookkii wottee bi waahooba, no Nuggishoonaa no Nihoonochi aafoochaa yaafeetonaa bachaalloonon tuneree ittoshi neexemmoyich ittoshi mulloon manjiibe.

2 Ximootiyoosi 2:12

Wotta xuuxoonaa duꞌoonon no haaꞌiigaata, biinna tookkiree taatemmo noone; biin no nookkegaata, bi wotta noon nookkemmone.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.

Hibireena'o 10:27

Echeti mooyo bi beegaata, shattiibeeti Yeerichi nalloonaa Yeerin shixxii beetinaꞌon michi aalliyemmi giidechi qaaqqoonon quyo baachiye.

Hibireena'o 12:29

Ebiyoo, iberoon no Nuggishoo michii aalliibeeti qaaqqoommo bi tunetoyichiye.

Hibireena'o 4:1

Illa Yeeri no kashemmoyich imma bi gabiti xaaꞌooch no giyemmoyich gibeno nooch beetone; diqqich ittoshi daggoochee koniyoona bedaano tuneree bi daneyaachemmoyich shatone.

Hibireena'o 4:11

Illa ebi areenaꞌo deꞌa boonoshi getti qayi naboona boonoshi dihitoommon koniyoona bi dihaachemmoyich, Yeeri nooch bi immemmi kashee xaaꞌooch gimoyich kupphebone.

Hibireena'o 4:9

Illa Yeerichi asheenaꞌoyich, shambetee kashoommi kasho batt echetone.

Hibireena'o 9:28

Ebiyoommon Kiristoosi wotta meetinaꞌochi axaaxoon shaagga ikke wottoon bi qelloon deejjoo tuniiꞌi bi giddiitoyee gubb, axaaxoon shaagoyich tuneyaanoon, biin quyee beetinaꞌon wodiyoyich, boonoshicha getiree guttinnoon woyemmone.

1 Pheexiroosi 3:22

Yesuus Kiristoosiyoo damba shimaayooch kechiꞌi Yeerichi qanne badd beetone; arooch beeti maraakeenaꞌo, shimaayeexi ukkireenaꞌonaa giidechinaꞌo bullina biich hajjee beetinaꞌone.

2 Pheexiroosi 3:7

Are qaaroona wotta and hini beeti showoonaa shimaayoona Yeerin oogiyaani asheenaꞌo aallemmi nallee aabooch beddaahaa qaaqqoyich quyeetinaꞌone.

Yihudi 1:7

Ebiyoommon wotta shuno maati, hallooch aalli, yeelliibeeti mooyon tuniiti, Sodoomi, Gomoorinaa boonoshi guudoonooch beeti katemeexi asheenaꞌo, bulli yemeenee qaaqqoona micciibee bullich cuuꞌiyoo tunetinaꞌone.

Yaaꞌoo 1:7

Ebiyoche, quboona woyemmone; asho bulli, biin kochitinaꞌooch beddaahaa, biin beeggemminaꞌone; showee toommooch beeti yoodeenaꞌo bulliyoo bi naboona woowo, geti eeppemminaꞌone. Tuneba! Ameena.

Yaaꞌoo 14:10

asho mashiibeeti uyoon bi uyoommon Yeerichi kaaree shiixxee xoofoochee uchemmone. Ebi Yeerichi kaaree shiixxee xoofoo aqqayoo aalli shayone; yaafe maraakeenaꞌonaa Bagoonochi aafoochaa qaaqqoonaa micciibeeti waageroona shooddeyemmone.

Yaaꞌoo 14:13

Aroochee “Ebiyee damba Doonona tuneꞌi qitii beetinaꞌo diireetinaꞌone, getiree kooribe” immi qaaroon shimaayoochee waayeho. Yeerichi Ayaano wochiꞌi, “Iberoone; boonoshi shuuneti shuunoo gibeneetinaꞌo boonoshi tunoon miixee bi beetoyich, boonoshi maraatoochee kashemminaꞌone” iye.

Yaaꞌoo 20:11

Aroyee gubb ooge nacce taatee qeenon, bi toommooch kotetonoo beeggeho; showoonaa shimaayoona bi aafoochee aalleheete; xaaꞌoo boonoshich daneyaanoone.

Yaaꞌoo 21:4

Biyoo acimo bullin boonoshi aafoochee hidemmone; aafi mooyinaꞌo boonoshi beshetoyich, ebiyee bekk qitoo aalloone; muusheno tuneba eefo tuneba biiyo tuneba aalloone” iꞌi bi getaa waayeho.

Yaaꞌoo 22:16

“Ta Yesuusi kittinnee guuphinaꞌo tuneti ittoshich ebi bullin bi gettemmoyich ta maraakoon wocheto taane. Daawitichi colloonaa yaroona taane; aaxxeebeeti haree xojjenoommo taane” iye.

Yaaꞌoo 22:6

Ebi are maraakoo taach “Neech getteeti mooyinaꞌo gibeneetinaꞌonaa ibereenaꞌonane; bi Ayaanoon bi keemechinaꞌoyich immiti Doono Yeeri katini aabee daggooch tunemmi mooyon bi maddechinaꞌoyich bekkiiya iꞌi bi maraakoon wochee deejjiye” iye.

Yaaꞌoo 22:9

Tunebaani aroo “Neen ariibe! Eechiyaahine! Neechoommon, keemechi ne maneenaꞌochoommon, hini macaafooch kooreeton quyee beetinaꞌochoommonoo Yeerichi guuno taane; Yeerich baachiye ne goyinnemmo!” iye.

Yaaꞌoo 6:11

Boonoshi ikkikkoyich nacce taho ichehe. “Ittoshina tookkii Kiristoosich maddeti ittoshi maneenaꞌo ittoshichoommon wotta wuxaa boonoshi haddoo ceennimmi wottoon, giisheche yemeenoon kashebote” getteeheete.