2 Tasaloonqi 1:12 - Kafa Linguistics Project

¹² Ebiyoommi gommona no Nuggishoonaa Doono Yesuus Kiristoosinochi wojjoommon no Doono Yesuusichi shigo ittoshi waanaa oogemmone; ittoshiyoo bi waanaa oogemmo ittoshine.

2 Tasaloonqi 1:12 ပူးပေါင်းရင်းမြစ်များ

Halloo 18:18

Abrahami shiijjeroo iberoon arichetonaa giidechi aagetoona tunemmone; showee toommeexi aageteenaꞌo bulliyoo biinna diireyemminaꞌone.

Shoddo 72:17

Bi shigo bulli yemeenoon manjiree beebe; bi mooyo getteebee aabo yagoommon yagibe. Aagetoo bulli biinna diireebe; aagetoo bulli biin “Diireetone” gete.

Isiyaasi 24:15

Ebich, aabi-keyo waanaa Yeerin galletebote; baharee gashoonaa buure showoonoochaa Israꞌeelee Nuggishoo Doono Yeerichi shigoon oogiibote.

Isiyaasi 45:17

Tunebaani Doono Yeeri, bulli yemeenee wodoon, Israꞌeeleenaꞌon wodiyemmone; ittoshiyoo bulli yemeenoon yeelleyaachemmo ittoshine; giisheyaachemmo ittoshine.

Isiyaasi 45:25

Israꞌeelee yareenaꞌo bulli, Doono Yeeri taanna cadiqemminaꞌone; oogoon danemminaꞌone” iye.

Isiyaasi 66:5

Doono Yeerichi qaaroon shattii beetinaꞌote, bi qaaroon waayebote: “Ittoshin shixxiibeeti, ta shigoyich ittoshin yookkiibeeti ittoshi maneenaꞌo ‘Ittoshi emiroon no beeggemmoyich, eke Doono Yeeri bi oogoon bekkiibe’ itinaꞌone; tunebaani yeellemminaꞌo boonoshi qelloona boonoshine.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Yowannisi 17:10

Taacho tuneto bulli neechone; neecho tunetoo taachone; tawoo boonoshina oogeto taane.

Roomi 1:7

Yeerina shucheti, yaafoo ittoshi tunemmoyich Yeerina ceekketi, Room beeti ittoshi bullich: No Nihoo Yeerinaa Doono Yesuus Kiristoosinochi wojjoonaa diggoona ittoshich tunebe.

1 Qorontoosi 1:4

Kiristoos Yesuusina ittoshich Yeeri immiti wojjee naboyich bulli aaboon ta Nuggishoon galletaabeeto taane.

2 Qorontoosi 13:4

Biyoo hakka guutoo tuneꞌi masqalee toommooch yoodaa bi qititaanona, and Yeerichi giidoona kashoona beetone. Nowoo wotta biichoommon hakka guutoo tuneto noone; tunebaani ittoshina tookkii noon daniibeeti mooyona Yeerichi giidoona biinna tookki kashechon tuneree beeyemmo noone.

2 Qorontoosi 8:9

No Doono Yesuus Kiristoosichi gaawe wojjoon ariito ittoshine; aroo amoommon gaannecho bi tunetaanoona, bi giroona gaannecho ittoshi tunemmoyich, ittoshicha iꞌi girechon tunehe.

2 Tasaloonqi 1:10

Ebi arooba bi yaafeenaꞌo, eboshiyoo boonoshi mulloon bi toommooch tooꞌiiti asheenaꞌo bulli, biin oogiyemminaꞌone; bi oogee yiiroona worganemminaꞌone. Ittoshi wotta ittoshich no miixeton ittoshi iberiitoyich, ebi are yaafeenaꞌona tookki tunemmo ittoshine.

Titoosi 2:11

Ebiyoo, asho bullin wodiyoon hakkemmi Yeerichi wojjoo bi gaxxeetoyichiye.

1 Pheexiroosi 4:14

Kiristoosicho ittoshi tunetoyich ittoshin boonoshi naaggitaa, diireeto ittoshine; ittoshi diireetoo, oogee yiiree Ayaano, ebiyoo Yeerichi Ayaano, ittoshi toommooch bi beetoyichiye.

Yaaꞌoo 1:4

Yowannisi waanee, Isiyee showooch beeti shabaatte kittinnee guuphinaꞌoyich: Andoo beeti, aafoo beeti, gubboo beeyemmi Yeer waanee, Yeerichi taatee qeechi aafooch beeti shabaatte ayaaneenaꞌo waanee,