2 Tasaloonqi 1:11 - Kafa Linguistics Project

¹¹ Ebich wotta no Nuggishoo bi ceeggiti gaboyich bedditon ittoshin bi tuniyemmoyich, tuniyoyich ittoshi gabiibeeti gaawe gaboon bi giidoona ceechiree, Kiristoosi toommooch mullee tooꞌiyoona ittoshi tuniibeeti shuunoyich ittoshin bi gaachemmoyich, bulli aaboon ittoshich corootaabeeto noone.

2 Tasaloonqi 1:11 ပူးပေါင်းရင်းမြစ်များ

Shoddo 138:8

Doono Yeeri bi daaggoon ta toommooch ceechemmone; Doono Yeero, ne shoodo bulli yemeeneechone; ne kishee shuunoo tuneti taan duppaahine.

Shoddo 48:14

Ebi Nuggishoo bulli yemeenoon no Nuggishoone; bulli yemeenoon noon yaabemmone.

Shoddo 51:18

Ne daaggoona Tsiyoonich gaawe mooyon tuniibe; Yerusaalemi xaqqee uxeroon wochinnoon uxerebe.

Shoddo 68:20

No Nuggishoo wodiyechi Nuggishoone; qitoochee no muriccemmoyich tuniibeeto, Nuggishoo Doono Yeerine.

Shaahiyoo 4:18

Cadiqeenaꞌochi gommo areddee aabo bekkemmi wottoon, daakkii daakkii hammiibeeti yaaꞌeexi bekkoommone.

Isiyaasi 25:9

Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Isiyaasi 66:9

Shiijj bedditon bi shiijjeyaachemmoyich tuniyehote?” iye Doono Yeeri. “Bi shiijjemmoyich tuniyaabeeti ta, shiyi maacoon hiccehote?” iye ne Nuggishoo.

Daaneeli 3:17

Taatoocho, aaxxeebeeti qaaqqee sheellooch no duppegaata, biich no goyinnaabeeti Nuggishoo noon wodiyoon hakkiye; ne kishoocheenoo noon wodiyemmone.

Hosee'i 6:3

Biin ariibone; biin no ariyemmoyichoo Doono Yeerin dabbibone. Iberoochaa maaddee aaboochoommon bekkemmone. Showoon shuxiibeeti naawee amiyochoommon no waan woyemmone” iyeete.

Zakaariyaasi 4:7

“Ooge geppoocho, ne amo neene? Zerubabeeli aafooch naqqe gaddoon tunemmo neene. Asheenaꞌo, ‘Am shaahoon gaawehe! Am shaahoon gaawehe!’ geti boonoshi cooki beetaa, aroo taci xaqqoon kichi kotiyemmone” iye.

Maariqoosi 4:28

Showee colliiꞌa shiichii colloon, gubb shehoon, shehee hillooch moochoon immahan.

Luqaasi 12:32

“Hini giisheche ta shiisheenaꞌote, shattaahote. Bi taatittineen ittoshich imoyich ittoshi Nihoo Yeeri oogichiꞌi emiritone.

Roomi 1:9

Ta corootaabeeti aabo bullin kuxaanoon ittoshichon Yeerich shalligichaabeeto taane; bi Bushoochi mishiraachee qaaroon getona ceeni mulloona ta maddaabeeti Yeeri ta miixoone.

Roomi 11:29

Yeeri ashoon bi waan ceeggiꞌi bi wojjoon bi immitoyee gubb, “Aakkiya ebin tuniitote?” getaache.

Roomi 15:14

Ta maneenaꞌote! Ittoshi, ittoshi qelloona deꞌittinoona ittoshi ceenon, ariyoona ittoshi ceenon, ikkoo baroon kaaree ciicon hakkemmo ittoshi tunoon, ittoshichon ta qelloona ta manjiiꞌa ariito taane.

Roomi 8:30

Yeeri shiichiꞌi bi maaccitinaꞌon eboshin wotta ceeggiye; bi ceeggitinaꞌon eboshin wotta cadiqiihe; bi cadiqiitinaꞌon eboshin wotta oogiihe.

1 Qorontoosi 1:8

wotta Yeeriyoo no Doono Yesuus Kiristoosi wotteree bi woyemmi aabooba ikke bachaallo ittoshi tunemmoyich, ciirooch beddaahaa ittoshin manjiiree neechemmone.

Efesooni 1:16

bulli aaboon ittoshi naboyich Yeerin galletaabeeto taane; ta corootaabeeti aabo bullin ittoshichon Yeerich shalligichaabeeto taane.

Efesooni 1:5

gaawe bi daaggoona Yesuus Kiristoos waanaa biich bushiishoo no tunemmoyich shiichiꞌi gabii maacciye.

Efesooni 1:9

bi gabiton Kiristoos waanaa tuniiya bi shunnitoommon tuniihe; ebiyee aafoo asho ariyaani bi daaggoon nooch arichiitone.

Filipphisiyoosi 1:6

Ebi gaawe shuunoon ittoshina shuunooch giyiti Yeeri, Yesuus Kiristoosi wotteree bi woyemmi aabooch beddaahaa are shuunoon shuune ciichemmo bi tunoon manjiiꞌa ariito taane.

Filipphisiyoosi 3:14

Yeeri Kiristoos Yesuusina, damba beeti kashoyich taan bi ceeggiti naadee wojjoon ta danemmoyich, tuggooch shagga woccaabeeto taane.

1 Tasaloonqi 1:3

Kiristoosi toommooch beeti ittoshi mullee tooꞌiyoon shuunee toommooch ittoshi heechiyoon, shunoochee tiyitona aajjii ittoshi shuunoon, no Doono Yesuus Kiristoosi gibenikkiti gibenoon haaꞌiyoona ittoshi quyonoo no Nuggishoonaa no Nihoona tuneti Yeeri aafooch shalligaabeeto noone.

2 Tasaloonqi 1:5

Ebi bulli Yeerichi kaame nalloo bi tunooniye bi bekkiibeeto. Wotta biicha iꞌi xuuxoon ittoshi beeggiibeeti, Yeerichi taatittinee shimaajji kexooch gimoyich bedditon tune haddeyemmo ittoshine.

2 Tasaloonqi 2:14

Yeeri no Doono Yesuus Kiristoosichi oogee yiiroochee ittoshi qoodeyemmoyich, no getteti mishiraachee qaaroona ittoshin ceeggitone.

Hibireena'o 3:1

Ebich noonna tookkii Yeerina ceekketi yaafe ta maneenaꞌote! Biin no gibenoon no miixeti mishiraachechonaa qeeshee guudoona tuneti Yesuusin gabibote.

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.

Yaaꞌoo 3:4

“Tunebaani boonoshi tahoon kiiniyaani giisheche asheenaꞌo Saridees neenna tookkii beetinaꞌone; boonoshiyoo bedditinaꞌo tuneꞌi boonoshi danetoyich nacce tahoon taheree taanna tookki shaꞌemminaꞌone.

Yaaꞌoo 5:10

boonoshinoo no Nuggishoyich maddeebeeti qeesheenaꞌonaa bi taatee asheenaꞌonon tuniito neene; showee toommoochoo taatemminaꞌone” iyeete.