2 Taateenaꞌo 9:1 - Kafa Linguistics Project

¹ Keemechi Elisayi keemechinaꞌochi guuphi daggoochee ikkoon ceeggiꞌi ishichiye: “Ne shimetoon cuyebe; hini qiicooch beeti zayitoon yeshiree, Gilaadee showooch beeti Ramoot hambe.

2 Taateenaꞌo 9:1 ပူးပေါင်းရင်းမြစ်များ

1 Taateenaꞌo 1:39

Qeeshoo Sadooqiyoo zayitee xoofoon danee duukkaanoochee deebiꞌi, Solomoonin huuttiye; tiroon huggiyeete. Asheenaꞌo bulliyoo “Taatoo Solomooni hume naton taatebe!” iyeete.

1 Taateenaꞌo 18:46

Doono Yeerichi giidoo Eliyaasi toommooch waahe. Bi tahoon bi shimetooch cuchiichii, Yezireel beddaahaa, Akaabi aafooch shiichii wocciye.

1 Taateenaꞌo 19:16

Nimishi bushoo Yehin, Israꞌeelee taatoo bi tunemmoyich huute. Abeel Meholi katemee asho, Shafaaxi bushoo Elisayin ne keroon keemecho bi tunemmoyich, huute.

1 Taateenaꞌo 20:35

Keemechinaꞌo daggoochee ikkoo Doono Yeeri gettiti getoona biinoommi keemechon, “Taan yexe” iye. Tunebaani uro qajjiye.

1 Taateenaꞌo 22:20

Doono Yeeriyoo ‘Koni Gilaadee showooch beeti Ramoot hamiree Akaabin bi qitemmoyich muriciiba?’ iye. “Ikke maraakoo ikke mooyon, wotta bare maraakoo bare mooyon gettiye.

1 Taateenaꞌo 22:4

Yoshafaaxichoo, “Gilaadee showooch beeti Ramootin no kochemmoyich, taanna tookki hammenne?” iye. Yoshafaaxiyoo Israꞌeelee taatoyich, “Tawoo neenoommo taane; ta ashoo ne ashoommone; ta haresheenaꞌoo ne haresheenaꞌoomminaꞌone” iye.

2 Taateenaꞌo 2:15

Yaarikee waaꞌi, arooch beeti, ikke guuphi keemechinaꞌo ebin beeggiꞌi, “Eliyaasichi ayaano Elisayi toommooch kinditone” iyeete. Biinna daneya waaꞌi baroona bi aafooch showooch guufeheete.

2 Taateenaꞌo 2:3

Beeteel beeti, ikke guuphi keemechinaꞌo Elisayi waan waaꞌi biich, “Doono Yeeri, ne doono Eliyaasin hanaach neyee bariiree daammemmo bi tunoon ariitine?” iyeete. Biyoo, “Eeha, ariito taane; cikki qayote” iye.

2 Taateenaꞌo 2:5

Yaarika beeti, ikke guuphi keemechinaꞌo Elisayi waan waaꞌi biich, “Doono Yeeri ne doono Eliyaasin hanaach neyee bariiree daammemmo bi tunoon ariitine?” iyeete. Biyoo wochiꞌi, “Eeha, ariito taane; cikki qayote” iye.

2 Taateenaꞌo 2:7

Eliyaasinaa Elisayina Yoordaanoosi aachi gashooch neexeꞌi beetaa, keemechinaꞌochi guuphi daggoochee aache asheenaꞌo hammiꞌi, boonoshi ciinooch giishechoon wokkiꞌi neexeheete.

2 Taateenaꞌo 4:1

Ikke areddoon keemechinaꞌochi guuphi daggoochee ikkoochi mechee Elisayi waan hammaꞌa, “Ne guuno tuneti ta keno qititone. Ne guunoo Doono Yeerin shattiibeeto bi tunoon ne ariyaabeeto neene. Tunebaani hiishecho ta gutte anaami bushiishoon guuno tuniiree daamma waatone” iyaꞌa cookiyan.

2 Taateenaꞌo 4:29

Elisayiyoo Giyaazich, “Ne shimetoon cuyebe; ta gumboonoo ne kishooch yeshiree hambe; ashoona ne danegaata, diggiyaahine; asho neen diggii gaatoo, biich wochiyaahine; ta gumboonoo bushoo toommooch qeejjibe” iye.

2 Taateenaꞌo 9:4

Ebich keemechi gurimaashoo Gilaadee showooch beeti Ramoot hammiye.

2 Kiinoo 22:1

Arabeenaꞌona tookkii boonoshi kaambooch waati bokkeenaꞌo bi qaabbe bushiisheenaꞌo bullin boonoshi wuxitoyich, Yerusaalem beeti asheenaꞌo Yehoraamichi guuche ciire bushoo Akaziyaasin bi xaaꞌooch keriꞌi taatiiheete. Ebina Yihudee taatoo Yehoraami bushoo Akaziyaasi taatehe.

2 Kiinoo 22:5

Boonoshi ciicoon waayeꞌi, Israꞌeelee taatoo Akaabi bushoo Yoraamina tookkii, Sooriyee taatoo Hazaheelin kocha Gilaadee showooch beeti Ramoot hammiye. Sooriyeenaꞌo Yoraamin kochii mayiiheete.

Erimiyaasi 1:17

Tunebaani ne, ne shimetoon cuyebe; tiyi hamiree, neech ta getteto bullin boonoshich gete; boonoshin shattaahine; ne shatigaata, beshoon boonoshich ne shattemmoyich tuniyemmo taane.

Maatiyoosi 26:7

Are kexoochee biich maayo giddetaa madee toommooch bi beetaa, ikke ure alibaxiroosi firiqaadee ceeni, aaxxoo tuneti, gaawe cinnechi shittoon yechaꞌa bi waan waahan. Waa firiqaadoon tiichaꞌa are shittoon Yesuusichi shimbooch ukkiyan.

Yibbaatoo 4:1

Aroochee Muusi Israꞌeeleenaꞌoyich ishichiye: “Illa and Israꞌeeleenaꞌote, kashoona ittoshi beeyemmoyich, ittoshi qaabbechinaꞌochi Nuggishoo Doono Yeeri ittoshich bi immiibeeti showooch giyi ittoshi woraashemmoyichoo, ittoshich ta qociibeeti qociyoonaa ta dojjaabeeti doyoonon quyebote.

Yibbaatoo 4:3

“Doono Yeeri Baꞌaal Feꞌoori guudoochaa amoon bi tuniito gaata ittoshi aafoona beeggito ittoshine. Biyoo ebi aroochaa ittoshi daggoochee Baꞌaalo getteebeeti nuggishoyich goyinnee maddetinaꞌo bullin wuxii aalliitone.

1 Pheexiroosi 1:13

Illa shuunoyich cuye tiyiree qannibote; ittoshi qelloon quyoona beebote; Yesuus Kiristoosi bekkehooba ittoshi danemmi wojjoon ceenoona gibenebote.

1 Saameeli 10:1

Aroochee Saameeli zayitoon yechiti qiicoon daammiꞌi Saaꞌooli shimbooch zayitoon ukkiye. Biin shummiichii ishichiye: “Doono Yeeri bi hajjee asheenaꞌo tuneti Israꞌeeleenaꞌo toommooch iraashoo ne tunemmoyich neen kaaccitone. [Yaabi qeejjibee, boonoshi guudoona beeti boonoshi etteenaꞌo kishoochee wodiyemmo neene. Bi asheenaꞌon yaabii qeejjecho ne tunemmoyich, Doono Yeeri neen bi kaacoyich ebi neech malletoo tunemmone.]

1 Saameeli 16:1

Doono Yeeri Saameelich ishichiye: “Israꞌeelee taatoo bi tuneyaachemmoyich biin ta qallayiti Saaꞌoolich tuumi ayini ne beeyemmo, aati wottooniye? Ne xoofooch zayitoon ceechiree, Beetilehem beeti Iseyi waan hambe. Tawoo bi bushiisheenaꞌo daggoochee taatoo bi tunemmoyich ikkoon taach kaacceto taane” iye.