2 Taateenaꞌo 8:9 - Kafa Linguistics Project

⁹ Ebich Hazaheeliyoo Elisayina danoyich hammiye. Damaasiqee daneti gaawe mooyo bullin aabbe gaaleenaꞌona xaaniꞌi, wojjoon daammiye. Hammii bi aafooch neexeechii, “Sooriyee taatoo tuneti ne bushoo Been Hadaadi, ‘Hini biiyoochee wodehote?’ iꞌi neen ta echemmoyich, taan wochetone” iye.

2 Taateenaꞌo 8:9 ပူးပေါင်းရင်းမြစ်များ

1 Taateenaꞌo 14:3

Aashire koshon, giisheche xekee koshonaa ikke qondee eeyonon yeshi bi waan hambe. Biyoo bushoo toommooch tunemmi mooyon neech gettemmone” iye.

1 Taateenaꞌo 15:18

Aasiyoo Doono Yeerichi kechi ginjabeetoonaa taatee kechi ginjabeetoonooch echeti birewoonaa aachoonon bulla tiijjii, bi asheenaꞌo kishooch yechiiꞌi, Damaasiqa koteti, Heziyooni bushoo Tabirimooni bushoo, Sooriyee taatoo Been Hadaadich ishichiꞌi daachiihe:

1 Taateenaꞌo 19:15

Doono Yeeriyoo biich, “Ne hilla wotteree, Damaasiqi gaꞌooch beeti barahooch hambe; arooch shagiree, Hazaheelin Sooriyee taatoo bi tunemmoyich huute.

2 Taateenaꞌo 1:2

Akaziyaasi Shamaara beeti kechi toommeexi, bi taatee kexooch beechii, mallee kelloochee holliꞌi biiyehe. Ebich, “Hini biiyoochee wodemmo ta tunoon Eqirooni katemee nuggishoo Baꞌaal Zebuubin echii waayebote” iꞌi wocheyechinaꞌon daachiihe.

2 Taateenaꞌo 13:14

Elisayi biin qitooch bechiti biiyoon biiyeꞌi bi beetaa, Israꞌeelee taatoo Yehoꞌashi bi waan desh waahe. Yehoꞌashiyoo bi aafoochaa eeppiibee, “Ye ta aabbo! Ye ta aabbo! Ye Israꞌeeleenaꞌochi gaarinaꞌonaa hareshechinaꞌonote!” iye.

2 Taateenaꞌo 16:7

Ebina Akaazi ishichiꞌi wocheyechinaꞌon Asooree taatoo Tigilaat Fileseer waan daachiihe: “Ta, ne guuno, wottoo ne bushoo taane. Taan kochiibeeti Sooriyee taatoo kishoonaa Israꞌeelee taatoo kishoonoochee waaree taan wodiibe” iye.

2 Taateenaꞌo 5:13

Tunebaani bi naayinaꞌo bi gaꞌooch waaꞌi, “Ta doonocho, keemecho ebiyee beshe magge mooyon bi gettito gaatoona, tuniyaachesho neene? Ishigaata, ‘Macheree xallebe’ bi ito neen maggehe, amoone?” iyeete.

2 Taateenaꞌo 5:5

Sooriyee taatoo biich, “And tiyiree hambe; Israꞌeelee taatoyich koorichoon kooremmo taane” iye. Ebich Naꞌimaani keejje ballaa aabbe kiilo giraam bede birewoon, shabe kiilo giraam bede aachoonaa aashire shaddee tahoonon yechiꞌi hammiye.

2 Taateenaꞌo 6:21

Israꞌeelee taatoo boonoshin beeggiꞌi Elisayich, “Ta nihoocho, boonoshin wuxibote? Boonoshin wuxibote?” iye.

Dojjecho 3:6

qaawoyich gooroo beete; qaawee qayoyich gooroo beete; kotiyoyich gooroo beete; kichii dufoyich gooroo beete;

Filimooni 1:14

ne deꞌittino ne daaggoonalli bi tunemmo, giidoona bi tuneyaachemmoyich ne daaggaanoon amoonolla tuniyoon qaawaano taane.

1 Saameeli 25:8

Ne asheenaꞌon eche waayebe; ebi iberoo bi tunoon boonoshi neech gettemminaꞌone. Illa and gifiroon ne geddeti aaboon ne waan no waatoyich, ebi ta asheenaꞌo ne aafoochaa gidoon danebeete. Ne bushoo Daawiti, taannaa ne guuninaꞌonoyich ne kishooch beemmon ne immemmoyich neen qollaabeeto taane’ itone getote” iye.

1 Saameeli 9:7

Saaꞌooliyoo bi aafee bushoyich “Bi waan no hamigaata, biich amooniye no immemmo? No kojjoochee shoho ciiretone. Yeer ashoyich no immemmi wojjoo nooch aalloone. Amo nooch beete?” iye.