2 Taateenaꞌo 8:1 - Kafa Linguistics Project

¹ Bi bushoon qitoochee bi wodiiti ureyich Elisayi, “Doono Yeeri showee toommooch shabaatte nati shaacoon deeba bi maaccitoyich, tiyiree ne kechi asheenaꞌona tookki bare xaaꞌoo aabiichona hamiree kotebe” iye.

2 Taateenaꞌo 8:1 ပူးပေါင်းရင်းမြစ်များ

Halloo 12:10

Arooba Kanaanee showooch shaacoo giyiye. Giidechi shaacoo giyitoyich, Abraami ebi shaacoo beshemmi wottoon koteya desh, Gibits hammiye.

Halloo 26:1

Abrahami yemeenooba bi tunetoommon shaacoo are showoo bulliich giyiye. Ebich Yisaaqi tiyiꞌi, Filsixeemee taatoo Abimeleek waan, Geraaree showooch hammiye.

Halloo 41:25

Yooseefiyoo Faroonich ishichiye: “Ebi gutte ne gumo ikkoone. Yeeri bi tuniiya ii beeti mooyoniye neech bi bekkiito.

Halloo 41:32

Ebi gumo guttaa bi bekketo, mooyo Yeer waanaa maacheto bi tunetoyichiye. Ebinoo Yeeri katini aabee daggooch ceechemmone.

Halloo 41:54

Shiichiꞌi Yooseefi gettitoommon, shabaatte shaacee nato giyiye. Bare showoo bulliichoo shaacoo giyitone; tunebaani Gibits maayo beetone.

Halloo 47:4

Wotta ishichiyeete: “Kanaanee showooch giidechi shaacoo giyaa, no bageenaꞌonaa no emmisheenaꞌonoyich no maanjemmi mooyon no muccetoyich, giisheche aaboon hini showooch koteya waato noone. Andoo ne guuno no ‘Gooshen no kotemmoyich daaggibe’ iyaa qollaabeeto noone” iyeete.

2 Saameeli 21:1

Daawitichi taatee yemeenooch kuxaanoon keejje nati wottoon, giidechi shaacoo tunehe. Ebich Daawiti Doono Yeer waan corootiye. Doono Yeeriyoo “Saaꞌooli Gibeꞌoonee asheenaꞌon bi wuxitoyich, biinnaa bi kechi asheenaꞌonochi kishooch ashi damoo beetone” iye.

2 Saameeli 24:13

Gaadi Daawit waan hammiꞌi, Doono Yeeri gettiton biich gettiichii, biin ishichiꞌi echehe: “Keejje nati shaacoo ne showooch giba? Woyee keejje agenee wottoon ne etteenaꞌo neen yoohi dabbi beetaa boonoshi aafoochee woci beeyenne? Woyee keejje qemi wottoon qeqqichiibeeti biiyo ne showoon yexa? Ebi mooyon gaawichi gabiree taach ne getee, taan wocheto waan daambona” iye.

1 Taateenaꞌo 17:1

Arooba Gilaadee showooch beeti, Tishibee asho Eliyaasi Akaabich “Biich ta maddaabeeti, beeyechi Israꞌeelee Nuggishoo Doono Yeeri beege! Amiyo dihemmoyich ta gettemmi wottoon, waabeeti natinaꞌooch amiyo woyee doshoo (caagibano) beetaachemmone” iye.

1 Taateenaꞌo 18:2

Ebich Eliyaasi Akaabich bekkeya hammiye. Ebiyooba Shamaaree showoo oogichii shaacetone.

2 Taateenaꞌo 4:18

Bushoo dicciye; ikke areddoon maayoon qeccii beetinaꞌo beetooch, bi nihoo waan hammiye.

2 Taateenaꞌo 4:36

Aroochee Elisayi Giyaazin ceeggii, “Shuneemee ureen ceege” iye. Giyaaziyoo ceeggiye. Waaꞌa bi giyemmona, “Ne bushoon tiijjiree daambe” iye.

2 Taateenaꞌo 4:38

Elisayi wochinnoon Galigali hammiye. Are showooch shaacoo giyitone. Ikke guuphi keemechinaꞌo bi aafooch koteꞌi beetaa, bi aafee bushoyich, “Ooge shexxoon gemmooch kotiiree, ebi asheenaꞌoyich woxoon woxebe” iye.

2 Taateenaꞌo 7:20

Ebiyoo bi toommooch shaggiye; kelloochaa asheenaꞌo biin neexaa qitiye.

2 Taateenaꞌo 8:2

Ebina ureyoo tiyaꞌa, Yeer asho gettitoommon tuniihan. Bi kechi asheenaꞌona tookkaa Filsixeemee showooch hammaꞌa, shabaatte naton kotahan.

Shoddo 105:16

Showee toommooch shaacoon deebiye; boonoshi maayo bullin aalliihe.

Shoddo 107:34

Arooch koteti asheenaꞌochi xummittinee naboona qeemi showoon kiikki barahoo tuniihe.

Erimiyaasi 25:29

Gonde mooyon shiichi ta shigoona ceekketi katemooch tuniyemmo taane; ishigaata naxoochee echehote? Showee toommooch beetinaꞌo bulli toommooch goraadoon deebemmo ta tunetoyich, naxeyaanoon echeyaachemmo ittoshine’ iye Beshe Mawe Doono Yeeri.

Leweenaꞌo 26:26

Maayoon ittoshi danemmi gommon ta kuxxetoyee gubb, aashire genneenaꞌo ikke midaadooch koshon kachiyemminaꞌone. Ebi aroon ittoshich tiishi boonoshi qoodaa maayemmo ittoshine; tunebaani miyaachemmo ittoshine.

Amootsi 4:6

“Katemoo bulliich manjeyemmi maayo aallemmoyich tuniyaꞌa, ittoshi gammo gawemmoyich tuniito, ta qelloona taane. Tunebaani ittoshi, ta waan wotteyaano ittoshine, iye Doono Yeeri.

Haagi 1:11

Tawoo ittoshi goyoonaa geppeenaꞌochi toommooch, maayoonaa woyinee uyoonochi toommooch, zayitoonaa showee colliibeeti mooyo bullinochi toommooch, ashoonaa gijjoonochi toommooch, asho aajjiibeeti mooyo bulli toommoochoo aaboon deebeto taane” iye.

Luqaasi 21:11

Baribare xaaꞌoochoo oogeti showee qewo tunemmone; kaatee wuxiibeeti biiyoonaa shaacoona giyemmone; keqqichemmi mooyinaꞌonaa shimaayoochaa ogooge malleteenaꞌona bekkemminaꞌone.

Luqaasi 4:25

Tunebaani iberoon ittoshich gettoye: Eliyaasichi yemeenooba keejje natonaa shiritte agenoonon Yeeri shimaayoon hicaa, amiyo dihoo qajjitoyich, showoo bulliich kupphe shaacoo giyiyooba, Israꞌeelee showooch meeti xuume maacheenaꞌo beeheete.

Mishiraachechinaꞌo 11:28

Areenaꞌo daggoochee ikke Agaaboosi getteebeeti uro tiyiꞌi, “Alemo bulliich giidechi shaacoo giya ii beetone” iꞌi Yaafe Ayaano biich shalligichaa gettiye. Ebi keemo Qelawudoosi yemeenooba ceenniye.

Ruuti 1:1

Wonna, Israꞌeelee showooch taatoo taatoyee shiichiꞌi, woraaferashoo qeejjiibeeti yemeenooba, ebi showooch shaacoo giyiye. Ebich Efiraati yaroo tuneti ikke uro bi mecheenaa bi bushiishoonon yechiꞌi, Yihudee showeexi Beetilehemi katemoochee tiyii, giisheche yemeenoon koteya Moꞌabee showooch hammiye. Uroochi shigo Elimeleeki, bi mechee shigo Naꞌoomi, bi gutte bushiisheenaꞌochi shigo wotta Mahilooninaa Kiliyoonina getteehe. Boonoshiyoo hammiꞌi Moꞌabee showooch koteheete.