2 Taateenaꞌo 7:1 - Kafa Linguistics Project

¹ Tunebaani Elisayi ishichiye: “Doono Yeerichi qaaroon waayebe! Doono Yeeri ishichitone: ‘Yaach ebi goora, Shamaari kellooch ikke qunnee gaawe buddino ikke sheqeelee birewoona, gutte qunnee sheqoo ikke sheqeelee birewoona kechemmone’ itone” iye.

2 Taateenaꞌo 7:1 ပူးပေါင်းရင်းမြစ်များ

1 Taateenaꞌo 22:19

Aroochee Mikiyaasi ishichiye: “And illa Doono Yeerichi qaaroon waayebe! Doono Yeeri bi taatee qeenooch koteꞌi, shimaajji maraakoo bulliyoo bi gaꞌooch, bi qanninaa bi yoochinooch neexeꞌi beeton beeggoye.

2 Taateenaꞌo 20:16

Aroochee Isiyaasi Hiziqiyaasich, “Doono Yeerichi qaaroon waayebe.

2 Taateenaꞌo 4:42

Ikke areddoon ikke uro Baꞌaal Shalishee qaabbe maayoochee kachiti, hiye xekee sheqee koshonaa maayi moochoonon bi mollexxoona yechii, Yeer asho waan waahe. Elisayiyoo bi aafee bushoyich, “Boonoshi maayemmoyich, asheenaꞌoyich imbe” iye.

2 Taateenaꞌo 6:25

Ebiyooba Shamaara shaacoo giyitone. Kuree qello shinne sheqeelee birewoona, kobbaayee heeca bede uggee ciqqilloo uuche sheqeelee birewoona kechemmi wottoon, katemoon giichiyeete.

2 Taateenaꞌo 6:33

Ebin boonoshich batt bi gettaaha, wocheyecho shaggiye. Bi hillooch taatoo waaꞌi, “Ebi xuuxo waato, Doono Yeer waaneeniye. Ishigaata, Doono Yeeri ikke mooyon bi tuniyemmoyich ta quyemmo, aati wottooniye?” iye.

2 Taateenaꞌo 7:16

Aroochee asheenaꞌo hammiꞌi, Sooriyeenaꞌochi kaamboon hoolleheete. Ebich Doono Yeeri gettitoommon, keejje kiilo giraamee gaawe buddino ikke sheqeelee birewoona, shiritte kiilo giraamee sheqoo ikke sheqeelee birewoona kechehe.

Shoddo 46:5

Doono Yeeri ebi katemee daggooch bi beetoyich, are katemee koyaa aalleyaachemmine; haree maaddooch Yeeri biin gaachemmone.

Keyo 14:13

Muusiyoo asheenaꞌoyich ishichiꞌi wochiye: “Shattaahote; kuppheree neexebote. Doono Yeeri aabichiree ittoshin bi wodiyemmo gaata beeggemmo ittoshine. Hanaach ittoshi beeggiibeeti Gibitseenaꞌon guttinnoon beegaachemmo ittoshine.

Keyo 16:12

“Israꞌeeleenaꞌo guruuxiti guruuxoon waayeto taane. Ebin boonoshich gete: ‘Mayi xum, aabe gimooch, meenon maayemmo ittoshine; bi dechara maaddoona koshon maa michemmo ittoshine; ebina ittoshi Nuggishoo Doono Yeeri ta tunoon ariyemmo ittoshine’ gete” iye.

Keyo 8:23

Ta asheenaꞌon ne asheenaꞌoyee bariyemmo taane. Ebi worganikkiti malletoo yaach tunemmone” itone’ gete” iye.

Isiyaasi 1:10

Sodoomee iraasheenaꞌote, Doono Yeerichi qaaroon waayebote. Gomoori asheenaꞌote, no Nuggishoo dojjiibeeti doyoon ellebote.

Hiziqeeli 37:4

Aroochee taach ishichiye: “Ebi shaawusheenaꞌoyich keemoon ishichi keembe: ‘Hini shuuqqiti shaawusheenaꞌote, Doono Yeerichi qaaroon waayebote.

Yowannisi 6:9

“Uuche gishiishi xekee sheqee koshonaa gutte haashoonon yechiti bushoo hiniich beetone; tunebaani hinin shaahe asheenaꞌoyich ebi amoon hallehe?” iye.

Yaasi 3:5

Aroochee Yaasi asheenaꞌoyich, “Yaach Doono Yeeri ittoshi daggooch gaakkechi shuunoon shuunemmo bi tunetoyich, yaafeebote” iye.

Yaaꞌoo 6:6

Kashechi awudde halleenaꞌo daggoochee qaaro “Ikke diinaaroyich ikke kobbaye teepphoo, ikke diinaaroyich keejje kobbaye sheqoo tunebe; tunebaani zayitee mixonaa woyinee qomboonochi achooch shaggaahine” bi getaa waayeho.

1 Saameeli 11:9

Aroochee waati wocheyechinaꞌoyichoo “Gilaadee showooch beeti Yabeeshi asheenaꞌoyich ‘Yaach aabe qeeccahaa, wodoo ittoshich tunemmone’ getote” iyeete. Wocheyechinaꞌo waaꞌi ishin Yabeeshi asheenaꞌoyich gettimmona oogeton emiriyeete.

1 Saameeli 15:1

Saameeli Saaꞌoolich ishichiye: “Zayitoon huutiree bi asheenaꞌo tuneti Israꞌeeleenaꞌo toommooch neen ta taatiyemmoyich Doono Yeeri bi wocheto taaniye. Andoo Doono Yeeri gettii beeton waayebe;