2 Taateenaꞌo 5:20 - Kafa Linguistics Project

²⁰ Yeer asho Elisayichi aafee bushoo Giyaazi, “Ta doono ebi Sooriyee asho Naꞌimaanin maariye. Bi deebiti mooyoochee amoonolla deꞌaanoone. Beeyechi Doono Yeeri beege; bi hillooch woci hamiree, bi waanee ikke mooyon deqqemmo taane” iꞌi gabiye.

2 Taateenaꞌo 5:20 ပူးပေါင်းရင်းမြစ်များ

1 Taateenaꞌo 17:1

Arooba Gilaadee showooch beeti, Tishibee asho Eliyaasi Akaabich “Biich ta maddaabeeti, beeyechi Israꞌeelee Nuggishoo Doono Yeeri beege! Amiyo dihemmoyich ta gettemmi wottoon, waabeeti natinaꞌooch amiyo woyee doshoo (caagibano) beetaachemmone” iye.

2 Taateenaꞌo 13:19

Aroochee Yeer asho biin kaareꞌi, “Uuche woyee shiritte wottoon ne yexxeto gaata, Sooriyeenaꞌon yexi ciroona aalliyesho neene. Tunebaani and keejje wottoon baach boonoshin yexxemmo neene” iye.

2 Taateenaꞌo 4:12

Bi aafee bushoo Giyaazich, “Ebi Shuneemee ureen ceege” iye. Bi ceegaa waaꞌa, bi aafooch neexahan.

2 Taateenaꞌo 4:25

Ebina tiyaꞌa, Yeer asho beeti, Qermeloosi guudooch hammahan. Yeer asho wohoochaa biin beeggiꞌi, bi aafee bushoo Giyaazich, “Ciine; bekk ebeege, Shuneemee ure!

2 Taateenaꞌo 4:31

Giyaaziyoo boonoshiyee shiichii hammiꞌi, gumboon bushoo toommooch qeejjiye. Tunebaani qaaremmon, woyee kachemmon qajjiye. Ebich wottee hammiꞌi, Elisayich, “Bushoo tiyaanoone” iye.

2 Taateenaꞌo 4:36

Aroochee Elisayi Giyaazin ceeggii, “Shuneemee ureen ceege” iye. Giyaaziyoo ceeggiye. Waaꞌa bi giyemmona, “Ne bushoon tiijjiree daambe” iye.

2 Taateenaꞌo 5:16

Tunebaani keemecho, “Biich ta maddaabeeti, beeyechi Doono Yeeri beege; amoonolla deꞌaache” iye. Bi deqqemmoyich Naꞌimaani qollee xuuxiihe; tunebaani Elisayi qajjiye.

2 Taateenaꞌo 5:21

Ebina Giyaazi Naꞌimaanin dabbiye. Naꞌimaaniyoo ikke asho bi hillooch woccii beeton beeggii, biinna daneya gaariichee kindiꞌi, “Bulli mooyo diggoone?” iꞌi echehe.

2 Taateenaꞌo 6:31

Taatoo ishichiye: “Shafaaxi bushoo Elisayichi qettoo kucheyaanoon qeyigaata, Yeeri taan eechibe; ta toommoochoo ebin daakkibe” iꞌi miichehe.

2 Taateenaꞌo 8:4

Ebiyooba taatoo, Yeer ashoochi aafee bushoo Giyaazich, “Elisayi tuniiti gaakkechi shuunoo bullin eke taach gete” ii beehe.

2 Taateenaꞌo 8:7

Elisayi Damaasiqa hammiye. Ebiyooba Sooriyee taatoo Been Hadaadi biiyetone. Taatoyichoo, “Yeer asho hiniich waatone” iꞌi gettiyeete.

Shoddo 10:3

Gonde asho bi mullee qaatoona cooddiye; hiriggechi asho Doono Yeerin shixxii uppiye.

Keyo 20:17

“Ashi kexon, ashi mecheen, ashi guunon woyee bi gonneen, bi gattoon woyee bi kuroon, ashicho tuneto amoonolla qaatiyaahine” iye.

Keyo 20:7

“Doono Yeeri ta shigoon duuboon ceeggii beeton naxeyaanoon qayaachemmo ta tunetoyich, Doono Yeeri ne Nuggishoo ta shigoon duuboon ceeggaahine.

Shaahiyoo 26:16

Kaachiꞌi wochiibeeti shabaatte asheenaꞌoyee, beshe mullechon tuniiꞌi yeexeroo biin ciinniye.

Isiyaasi 48:1

“Yaaqobichi yareenaꞌote, Israꞌeelichi shigoona ceekketinaꞌote, Yihudi yaroochee shiijjetinaꞌote, Doono Yeerichi shigoona wogee beetinaꞌote, iberoona woyee cadiqoona tuneyaanoon Israꞌeelee Nuggishoon ceeggii beetinaꞌote, waayebote.

Erimiyaasi 22:17

“Tunebaani ne mulloonaa ne aafoona tooqqito, tateyaani gommona gaacoon danoyich, xalle damoon ukkoyich, hukkoonaa xuꞌee shuunoonooch baachiye” iye.

Imbaaqoomi 2:9

Boggii ittoshi deqqiti mooyona ittoshi kexon gaanniiti, gonde mooyo ittoshi toommooch bi shagaachemmoyich, manje kexinaꞌon haggiti, ittoshich woowo!

Maatiyoosi 10:4

bi aagetoyich qanaateebeeti Simooni, Yesuusin beshiiꞌi immiti Asqorootechi Yihudi, eboshine.

Maatiyoosi 26:9

Ebi shitto aaxxe gatiyoona kemaa girechinaꞌoyich amoyich icheyaache?” iyeete.

Luqaasi 12:15

Wotta Yesuusi daakkiꞌi ishichiye: “Ashich kasho geto bi gaannee woddo tuno bi qajjitoyich, ittoshi qelloon ariibote! Hiriggoo bulliicheenoo ittoshi qelloon quyebote” iye.

Luqaasi 16:8

“Aree hillooch hini are doono biich gibeneyaani gijje yeshoon acona bi shuuneti shuunoyich galletehe. Illa hini yemeenooch beeti asheenaꞌo boonoshinaa boonoshina shuuneebeeti shuunoona Yeerichi bekkooch beeti asheenaꞌoyee beshe accechinaꞌone.

Yowannisi 13:2

Yesuusinaa bi dabbeenaꞌona gifiroon maa beeheete; daabiloosiyoo shiichiꞌi Asqorootechi Simoonichi bushoo Yihudi Yesuusin beshiiree bi immemmoyich gonde shalligoon bi mullooch giijjitone.

Yowannisi 6:70

Yesuusi boonoshich “Ta, aaraa guttoo ittoshin kaacaachote? Tunetaa ittoshi daggeexi ikkoo daabiloosine” iꞌi wochiye.

Mishiraachechinaꞌo 5:2

Hini are showoo kecheti gijjoochee bi mechee arii beetaa, bi qellich qoodii echiichii, eche gijjoon deebii mishiraachechinaꞌoyich immiye.

2 Ximootiyoosi 4:10

Deemaasi hini alemoon shunniꞌi taan qajjii Tasaloonqa hammitone; wotta Qerqiisiyoo Galaatee showooch, Titoosiyoo Dalimaatee showooch boonoshi hammiichaa,

Titoosi 1:7

Hini are kittinnee guuphon yaabii qeejjiibeeti geeno Yeerichi shuunoon kaachi bi shuunemmoyich, gonde mooyona oonneyaano, geecaano, kaatee kaareyaano, masheyaano, damoo gufeyaano, gijjoon hiriggaano tunebe.

1 Pheexiroosi 5:2

Asho bi bagoon bi quyoommon, ittoshi waan beeti Yeerichi asheenaꞌon quyebote. Asho ittoshin shuunebote iꞌi iritiitoyich tuneyaanoon, Yeeri daaggitoommon ittoshi mulloochee tiijji shuniree shuunebote. Gaacoon danoyich hiriggoona tuneyaanoon, deꞌe ittoshi daaggoona quyebote.

1 Saameeli 14:39

Israꞌeeleenaꞌoyich wudoon immiibeeti, beeyechi Doono Yeeri beege! Ebi axaaxoon shuuneto ta bushoo Yonaataani bi tunegaatoona, qitaanoon echeyaachemmone” iye. Tunebaani asheenaꞌo daggoochee amoonolla biich qaareto aalloone.