2 Taateenaꞌo 5:18 - Kafa Linguistics Project

¹⁸ Tunebaani Doono Yeeri ikke mooyoyich baach ne guuno taach maaroon gede. Ebiyoo taatoo ta doono aroochaa goyinnoyich, Rimoonichi yaafee kexooch bi giyigaata, tawoo bi baatoon deggaa giyaꞌa Rimoonichi yaafee kexoochaa ta goyinnegaata, Doono Yeeri ebi mooyoyich taach maaroon gede” iye.

2 Taateenaꞌo 5:18 ပူးပေါင်းရင်းမြစ်များ

1 Taateenaꞌo 19:18

Tawoo Israꞌeeleenaꞌo daggoochee shabaatte hume asheenaꞌon taach echiyemmo taane. Eboshi bulliyoo Baꞌaaloyich goyinneyaani, boonoshi noonoonoo Baꞌaaloochi shahalloon shumaani asheenaꞌone” iye.

2 Taateenaꞌo 17:35

Doono Yeeri boonoshina tookkii wogoon giyiꞌi boonoshich ishichii gettitone: “Bare nuggisheenaꞌoyich goyinneyaahote; boonoshich maddeyaahote; boonoshich deejjiyaahote.

2 Taateenaꞌo 7:17

Ebiyooba taatoo bi baatoon deggiibeeti iraashoon uxeree kellee ukkiroo tuniihe. Tunebaani asheenaꞌo kelloochaa biin neexxii wuxiyeete. Ebiyoo Elisayin yibbaatiiya taatoo waahooba, Yeer asho gettitoommon, tunehe.

2 Taateenaꞌo 7:2

Taatoochi baatoon deggiibeeti iraashoo Yeer ashoyich wochiꞌi, “Doono Yeeri shimaajji mallee kelloon bi qechitaanona, ebi mooyo tunoon hakkaache” iye. Tunebaani Elisayi, “Ne hajjee aafoona ebin beeggemmo neene; tunebaani aroochee shaacaachemmo neene” iye.

Keyo 20:5

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon, niheenaꞌo shuuneti axaaxee naboyich, keejjinnee shiijjeroonaa awuddinnee shiijjeroonooch beddaahaa boonoshi bushiisheenaꞌon naxaabeeto taane.

Erimiyaasi 50:20

Ebi ta echiiti cureenaꞌon maaremmo ta tunetoyich, aroobee aaboonaa aroobee yemeenoonooch Israꞌeeleenaꞌochi xuꞌo qaaweyemmone, tunebaani daneyaachemmone; Yihudee asheenaꞌochi axaaxoo qaaweyemmone, tunebaani daneyaachemmone” iye Doono Yeeri.

Haddoo 21:15

Ari katemooch beddaahaa beeti, Moꞌabee showooch shaggiibeeti bambeenaꞌo” getaa bi kooreeto ebichiye.

Yaasi 23:7

Ittoshi daggooch echeꞌi beeti aageteenaꞌona tookki bacceyaahote; boonoshi goyinneebeeti nuggisheenaꞌochi shigoon ceeggaahote; boonoshina wogeyaahote; boonoshich goyinne maddeyaahote.