2 Taateenaꞌo 5:16 - Kafa Linguistics Project

¹⁶ Tunebaani keemecho, “Biich ta maddaabeeti, beeyechi Doono Yeeri beege; amoonolla deꞌaache” iye. Bi deqqemmoyich Naꞌimaani qollee xuuxiihe; tunebaani Elisayi qajjiye.

2 Taateenaꞌo 5:16 ပူးပေါင်းရင်းမြစ်များ

1 Taateenaꞌo 13:8

Tunebaani Yeer asho taatoyich ishichiye: “Ne gaannee qaton taach ne immemmo gaatoona, neenna tookki hamaache. Hini xaaꞌoochaa koshon maataache; aaconoo uyaache.

1 Taateenaꞌo 17:1

Arooba Gilaadee showooch beeti, Tishibee asho Eliyaasi Akaabich “Biich ta maddaabeeti, beeyechi Israꞌeelee Nuggishoo Doono Yeeri beege! Amiyo dihemmoyich ta gettemmi wottoon, waabeeti natinaꞌooch amiyo woyee doshoo (caagibano) beetaachemmone” iye.

1 Taateenaꞌo 18:15

Eliyaasiyoo, “Bi aafooch neexaꞌa ta maddaabeeti, Beshe Mawe Doono Yeeri beege! Hanaach Akaabina danemmo taane” iye.

2 Taateenaꞌo 3:14

Aroochee Elisayi, “Biich ta maddaabeeti, Beshe Mawe Doono Yeeri beege! Yihudee taatoo Yoshafaaxicha ta getaanegaata, neen ciini beegaachesho taane.

2 Taateenaꞌo 5:20

Yeer asho Elisayichi aafee bushoo Giyaazi, “Ta doono ebi Sooriyee asho Naꞌimaanin maariye. Bi deebiti mooyoochee amoonolla deꞌaanoone. Beeyechi Doono Yeeri beege; bi hillooch woci hamiree, bi waanee ikke mooyon deqqemmo taane” iꞌi gabiye.

2 Taateenaꞌo 5:26

Tunebaani Elisayi biich, “Neenna daneya uro gaariichee kindii bi beegaata, ayaanoona neenna tookkii beetaachote? Hini, birewoonaa tahoona, bageenaꞌonaa gatteenaꞌona, guuninaꞌonaa gonneenaꞌona, zayitee michi budonaa woyinee budona deqqeyemmi yemeenoone?

Daaneeli 5:17

Daaneeli taatoyich ishichiꞌi wochiye: “Taatoocho, ebi ne wojjoon neech tuniibe; woyee bare ashich imbe; tunebaani ta ebi kooreeton neech shemmeree biishi gettemmo taane.

Maatiyoosi 10:8

Biiyetinaꞌon wodiibote; qititinaꞌon tiijjibote; qeddee shaddee biiyechinaꞌon wodiibote; yinnoon asheenaꞌo toommoochee yoohote. Gatiyaalloon Yeer waanee deqqito ittoshine; ebich ittoshiyoo gatiyaalloon asheenaꞌoyich imbote.

1 Qorontoosi 6:12

“Bulli mooyo taach daaggeetone;” tunebaani bulli mooyo gaaccemmo toonoone. “Bulli mooyo taach daaggeetone;” tunebaani ikke mooyolla taan hajjaachemmone!

2 Qorontoosi 12:14

Illa ittoshi waan keejjinnoon womoyich qannito taane; ittoshi toommooch shaago tunoon qaawaache. Ta qaawaabeeto ittoshinalli, ittoshi gijjoon toonoone. Boonoshi bushiisheenaꞌoyich gijjoon kicemminaꞌo niheenaꞌonaa indeenaꞌonalli, bushiisheenaꞌo boonoshi niheenaꞌonaa indeenaꞌonoyich kicaacheete.