2 Taateenaꞌo 5:10 - Kafa Linguistics Project

¹⁰ Elisayiyoo, “Hamiree Yoordaanoosi aacoochaa shabaatte wottoon machebe; ne biiyoochee wodemmo neene; newoo xallemmo neene” iꞌi bi waan wocheyechon daachiihe.

2 Taateenaꞌo 5:10 ပူးပေါင်းရင်းမြစ်များ

2 Taateenaꞌo 2:21

Biyoo aachi xuuphooch hammiꞌi, arooch kiihon duppiichii, “Doono Yeeri ishichiye: ‘Hini aacon xalliito taane. Ebiyee damba qitee naboo tuneyaachemmone; showoo maayoon shakkiyaachemmoyich bayaachemmone’ itone” iye.

2 Taateenaꞌo 3:16

Aroochee ishichiye: “Doono Yeeri ishichiye: ‘Hini bamboo bulliich oppoon iiyote.

2 Taateenaꞌo 4:35

Aroochee Elisayi tiyiꞌi, kechi daggooch ikke wottoon okk hach shaꞌehe. Aroochee wochinnoon bushoo toommooch yappimmiye. Bushoo shabaatte wottoon hexxijjiichii, bi aafoon gaxxiye.

2 Taateenaꞌo 4:41

Biyoo, “Buddinoon taach deebote” iye. Buddinoonoo shexxooch geddiichii, “Asheenaꞌo maayemmoyich kichibote” iye. Ebina shexxoochee gonde mooyo wokkiye.

2 Taateenaꞌo 5:11

Tunebaani Naꞌimaani kaarehe; ishichiibeenoo hammiye: “Ta waan waa neexe, bi Nuggishoo Doono Yeerichi shigoon ceegi, ta qeddee shaddee biiyee toommoochoo bi kishoon yaggiree taan wodiyemmoniye taach bi shaahito.

2 Taateenaꞌo 5:14

Ebich Naꞌimaani Yoordaanoosi aacooch kindiye. Doono Yeer asho gettitoommon, shabaatte wottoon aacooch giyii kechiye. Bi qeddo wodiꞌi gaggere bushoochi qeddoon shaahiye; xalleenoo iye.

2 Taateenaꞌo 5:9

Naꞌimaaniyoo bi haresheenaꞌonaa bi gaarinaꞌona waaꞌi, Elisayi kechi kellooch, maach neexehe.

Keyo 4:18

Muusi Miidiyamee showooch bi beetaa, Doono Yeeri biich, “Neen wuxiya qaawiibee echeti asheenaꞌo bulli qititinaꞌone; wotteree Gibits hambe” iye. Muusi bi abboo Yotoor waan wottee hammiꞌi, “Ta xibeenaꞌo kashoona boonoshi beemon Gibits hamiree ta beeggemmoyich, taan daaggibe” iye. Yotooriyoo “Diggoona hambe” iꞌi daaggiye.

Leweenaꞌo 13:58

Tunebaani uro mayaa, burbuꞌo ebi qiicee toommoochee bi aallegaata, wochinnoon maye. Ebi qoreddoo woyee qiico xalloo tunemmone” iye.

Leweenaꞌo 14:16

bi kishee madooch beeti zayitooch bi qanne kishee yapheroon haciree, Doono Yeeri ta aafoochaa shabaatte wottoon wucibe.

Leweenaꞌo 14:51

Aroochee yigee mixon, hisoophee michi waamon, ceelle woshiqoonaa kashoona beeti kafoonon daamiree, woce aacoochee kitaa koteti aachi toommoochaa guureeti kafee damooch hace; kexoochoo shabaatte wottoon wucibe.

Leweenaꞌo 14:7

Qeddee shaddee biiyoochee woditi uro toommooch shabaatte wottoon wucibe. Uro xalleto bi tunoonoo arichiibe; kashechi kafoon kichi gawukkiree daachiibe.

Leweenaꞌo 16:14

Wurochi damoochee giishechoon daamiree, axaaxoon maariyee guufee toommooch, aabi-keyo waanaa bi kishee yapheroona wucibe; damoon axaaxoon maariyee guufee aafooch shabaatte wottoon bi kishee yapheroona wucibe.

Leweenaꞌo 16:19

Ebi damoochee giishechoon bi kishee yapheroona shabaatte wottoon deejjee gudooch wucibe. Ebin tuniyoona Israꞌeeleenaꞌochi eeꞌoochee deejjee gudoon xalliyee yaafoon tuniibe.

Haddoo 19:19

Xalle asho xalleyaani ashi toommooch keejjinnee qemoobinaa shabaattinnee qemoobinon wucemmone; shabaattinnee qemooboo xalliyemmone. Ebi xalleti asho bi tahoon machemmone; bi achoonoo machemmone; aroobee xumooch xalloo tunemmone.

Haddoo 19:4

Qeeshoo Elazaariyoo ebi gideree damoochee giishechoon bi yapheroona daamiree, danee duukkaanee kellaa shabaatte wottoon wucemmone.

Yowannisi 5:4

Ikkikkoochaa Doonochi maraakoo ebi kote aacooch kindiꞌi aacon shuurikkii beehe. Ebi aaco shuuritoyee gubb shiichiꞌi are aacooch giyimmo amee biiyoocheenolla wodii beehe.]

Yowannisi 9:7

Aroochee uroon “Hamiree Silohami kote aacoochaa machebe” iye. Silohami geto wocheeto getone. Ebich uro hammiꞌi machehe; aroochee bi aafo ciinaa wotteꞌi bi kexooch hammiye.

1 Qorontoosi 6:11

Ebiyee aaf ittoshi daggoochee ikkikkeenaꞌo eboshiyoomminaꞌone; tunebaani and ittoshi Doono Yesuus Kiristoosinaa no Nuggishoochi Yaafe Ayaanoona axaaxoochee macheto ittoshine; yaafeeto ittoshine; cadiqiinoo ito ittoshine.

Yaasi 6:4

Shabaatte qeesheenaꞌo bagee baaddoochi qaroochee shuuneeti shabaatte tiroon (waaringoon) yeshiree, taabootee aafooch hambeete. Shabaattinnee qemooba, qeesheenaꞌo tiroon hugi beetaa, katemoon shabaatte wottoon guudote.