2 Taateenaꞌo 3:9 - Kafa Linguistics Project

⁹ Ebich Israꞌeelee taatoo Yihudee taatoonaa Edoomee taatoona tookkii hammiye. Shabaatte qemi gommon boonoshi guudditoyee gubb, ginee naayinaꞌonaa boonoshi hillooch beeti gijjeenaꞌonoyich aaco aallehe.

2 Taateenaꞌo 3:9 ပူးပေါင်းရင်းမြစ်များ

1 Taateenaꞌo 22:27

Aroochee, ‘Taatoo, “Diggoona ta wottemmi wottoon, ebi uroon cuyee kexooch gedote; dapphe koshonaa aaconoyee besh amoonolla biich immaahote” itone’ getote” iye.

1 Taateenaꞌo 22:47

Ebiyooba Edoomee showooch taatoo aalloone; showoon qeejjiibeeto, Yihudee taatoo iraashiiti iraashoone.

1 Taateenaꞌo 22:48

Yoshafaaxi aachoon deeboyich, Ofiir hammemmi, Tarisheshee markabeenaꞌon shuuniihe. Ebi markabeenaꞌo Etsiyoon Geberaa boonoshi tiishetoyich, hamaaneenaꞌone.

2 Taateenaꞌo 3:1

Yihudee taatoo Yoshafaaxi taateti aaraa shimittinnee natooba, Akaabi bushoo Yoraami Israꞌeeleenaꞌo toommooch taatehe; Shamaara beechii, aaraa gutte naton qeejjiye.

2 Taateenaꞌo 3:10

Israꞌeelee taatoo, “Yeeh, Doono Yeeri ebi keejje taatoo noon bi ceeggito, Moꞌabee taatoo kishooch beshii imoyichiye?” iye.

2 Taateenaꞌo 3:7

Yihudee taatoo Yoshafaax waan wocheyechon daachiiꞌi, “Moꞌabee taatoo ta toommooch hukkoon bi shuunetoyich, taanna tookki Moꞌabeenaꞌon koyoyich hammenne?” iye. Biyoo, “Hammemmo taane; tawoo neenoommo taane; ta asheenaꞌoo ne asheenaꞌoomminaꞌone; ta haresheenaꞌoo ne haresheenaꞌoomminaꞌone” iye.

2 Taateenaꞌo 3:8

Aroochee Yoshafaaxi, “No hammemmo aabinane?” iꞌi echehe. Yoraami, “Edoomi baraheexi gommonane” iꞌi wochiye.

2 Taateenaꞌo 8:20

Yehoraami taatee yemeenooch, Edoomeenaꞌo Yihudee asheenaꞌo toommooch hukkoon tiijjiꞌi, boonoshi qellich taatoon taatiiheete.

Keyo 11:8

Hini ne iraasheenaꞌo bulli ta waan waaree yiti tiyibee, ‘Newoo tuneb neen dabbiibeeti asho bulli keyi hambote’ geti qollemminaꞌone. Tawoo aroyee gubb hammemmo taane” iye. Aroochee ippee shineꞌi, Farooni aafoochee kechiye.

Keyo 15:22

Aroochee Muusi Israꞌeeleenaꞌon yaabiꞌi, Ceelle baharoochee Shuuri barahooch daammiye; keejje qemon barahoona shaꞌeheete; tunebaani amee aaconona daneyaaneenaꞌone.

Keyo 17:1

Israꞌeeleenaꞌo bulli Sini barahoochee tiyiꞌi, Doono Yeeri boonoshich gettitoommon, ikke xaaꞌoochee bare xaaꞌooch qaxiriibee Refidiim shaggiꞌi, arooch kaamboon geddii koteheete. Tunebaani asheenaꞌo uchemmi aaco aalloone.

Haddoo 20:2

Ebiyooba asheenaꞌo uchemmi aaco aallehe. Boonoshiyoo Muusinaa Harooninochi toommooch tiyiꞌi,

Haddoo 20:4

Noonnaa no gijjeenaꞌona hini barahoochaa qitemmoyich Doono Yeerichi iitoon hini barahooch amoyich deebiyote?

Haddoo 21:5

Asheenaꞌoo Yeerinaa Muusinochi toommooch tiyiꞌi ishichiyeete: “Maayo, aaco aalli hini barahoochaa no qitemmoyich Gibitsee amoyich noon kichiyote? Hini gaacaalli maayo noon beelletiitone” iyeete.

Haddoo 33:14

Aluushee tiyii qaxiriꞌi, ucheyemmi aaco aalleti Refidiim koteheete.

Woraaferasheenaꞌo 4:10

Baraaqiyoo Zebuloonee asheenaꞌonaa Nifitaalee asheenaꞌonon Qedeesh ceekkiihe. Aashire hume asheenaꞌoo biin dabbiyeete. Diibooriyoo biinna tookkaa hammahan.