2 Taateenaꞌo 3:3 - Kafa Linguistics Project

³ Tunebaani Israꞌeeleenaꞌon axaaxoo shuuniiti, Nebaaxi bushoo Yeroboꞌami shuuneti axaaxoon dabbiye; aroocheenoo wohaanoone.

2 Taateenaꞌo 3:3 ပူးပေါင်းရင်းမြစ်များ

1 Taateenaꞌo 13:33

Ebiyee gubboo tunetaa, Yeroboꞌami gonde bi gommoochee wotteyaanoone. Guudi toommeexi goyinnee xaaꞌeenaꞌooch boonoshi maddemmoyich, asheenaꞌo bulliichee qeesheenaꞌon ukkiriihe; qeeshoo tunoyich qaawito bullin guudi toommeexi goyinnee xaaꞌeenaꞌooch bi maddemmoyich ukkirii beehe.

1 Taateenaꞌo 14:16

Yeroboꞌami shuuneti axaaxoonaa Israꞌeeleenaꞌon bi shuuniiti axaaxoonoyich, Israꞌeeleenaꞌon qajjemmone” iye.

1 Taateenaꞌo 14:9

Neyee aafi taateenaꞌo bulliyee beshe gonde shuunoon shuunehine. Taan qajjehine; ne qellich bare shahalloonaa aachoon ukkaa shuuneeti misileenaꞌonon shuunehine; taanoo ippiihine.

1 Taateenaꞌo 15:26

Bi nihoo shuuneti axaaxoonaa Israꞌeeleenaꞌon bi shuuniiti axaaxoonon dabboona, Doono Yeeri aafooch gonde mooyon shuunehe.

1 Taateenaꞌo 15:34

Biyoo Yeroboꞌami shuuneti axaaxoonaa Israꞌeeleenaꞌon bi shuuniiti axaaxoonon dabboona, Doono Yeeri aafooch gonde mooyon shuunehe.

1 Taateenaꞌo 16:31

Nebaaxi bushoo Yeroboꞌamichi axaaxoon dabboo kette mooyo shaahiꞌi biich bekkehe. Biyoo Sidoonee taatoo Etibaꞌaali bushee Elizabeelin shaaggiye; Baꞌaaloyich maddehe; goyinneenoo iye.

2 Taateenaꞌo 13:11

Aroo wotta Doono Yeeri aafooch gonde mooyon tuniihe. Israꞌeeleenaꞌon axaaxoo shuuniiti, Nebaaxi bushoo Yeroboꞌami shuuneti axaaxoo bullin dabbiyalli, ebin tuniyoochee wohaanoone.

2 Taateenaꞌo 13:2

Biyoo Israꞌeeleenaꞌon axaaxoo shuuniiti, Nebaaxi bushoo Yeroboꞌami shuuneti axaaxoon dabboona Doono Yeeri aafooch gondoon shuunehe; ebi axaaxoochee wohaanoone.

2 Taateenaꞌo 13:6

Tunebaani Israꞌeeleenaꞌon axaaxoo shuuniiti, Yeroboꞌami shuuneti axaaxoon dabbiyeetani, aroochee wohaaneenaꞌone. Wotta nuggishee Asheeri misiloo bi neexeti Shamaara beehe.

2 Taateenaꞌo 14:24

Biyoo Doono Yeeri aafooch gonde mooyon tuniihe. Israꞌeeleenaꞌon axaaxoo shuuniiti, Nebaaxi bushoo Yeroboꞌami shuuneti axaaxoochee wohaanoone.

2 Taateenaꞌo 15:18

Doono Yeeri aafooch gonde mooyon tuniihe. Israꞌeeleenaꞌon axaaxoo shuuniiti, Nebaaxi bushoo Yeroboꞌami shuuneti axaaxoochee bi yemeeno bulliich wohaanoone.

2 Taateenaꞌo 15:9

Bi qaabbechinaꞌo tuniitoommon, Doono Yeeri aafooch gonde mooyon tuniihe. Israꞌeeleenaꞌon axaaxoo shuuniiti, Nebaaxi bushoo Yeroboꞌami shuuneti axaaxoochee wohaanoone.

2 Taateenaꞌo 17:21

Israꞌeeleenaꞌon Daawitichi yareenaꞌoyee bi bariitoyee gubb, boonoshi Nebaaxi bushoo Yeroboꞌamin taatiiheete. Yeroboꞌamiyoo Israꞌeeleenaꞌo Doono Yeerin boonoshi dabbaachemmoyich tuniyoona ooge axaaxoon boonoshi shuunemmoyich tuniihe.

2 Taateenaꞌo 17:22

Israꞌeeleenaꞌo Yeroboꞌami tuniiti axaaxoo bullin dabbiyeete. Doono Yeeri bi guuninaꞌo tuneti bi keemechinaꞌo bullina bi gettitoommon, Israꞌeeleenaꞌon bi aafoochee bi wokkiimmi wottoon, are axaaxoochee wohaaneenaꞌone. Ebich Israꞌeeleenaꞌo boonoshi hajjee showoochee kecaa hammiꞌi hanaach beddaahaa Asooree showooch beetinaꞌone.

2 Taateenaꞌo 21:16

Minaasi Yihudee asheenaꞌon axaaxoo bi shuuniitaa Doono Yeeri aafooch gonde mooyon boonoshi shuunetoyee baroo wotta, dofee xalle ashi damoon ukkoona Yerusaalemin hachi gocoochee okki gocooch beddaahaa, tajjitone.

2 Taateenaꞌo 23:15

Ebiyee wotta Israꞌeeleenaꞌon axaaxoo shuuniiti, Nebaaxi bushoo Yeroboꞌami Beeteel shuuniiti, guudi toommeexi goyinnee xaaꞌoon Yosiyaasi happiye; deejjee gudoonoo waaxxiꞌi bi shuuneeti xaqqoon tiichiye; buttee qaddochii qacichiye; Asheeri misileenaꞌonoo qaaqqoona michiye.