Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Taateenaꞌo 23:3 - Kafa Linguistics Project

3 Taatoo giimbee gaꞌooch neexeechii, ceeni bi mulloonaa ceeni bi kashoona Doono Yeerin dabboyich, bi getoon, bi qociyoonaa bi sheeroonon quyoyich, ebi macaafooch kooreeti wogoon ceechoyich, Doono Yeeri aafooch wogoon giyiye. Asheenaꞌo bulliyoo wogoon giyiyeete.

အခန်းကိုကြည့်ပါ။ ကော်ပီ




2 Taateenaꞌo 23:3
36 ပူးပေါင်းရင်းမြစ်များ  

Biyoo doyeetoommon taatoo giimbee gaꞌooch neexeꞌi beemon, bi gaꞌoochoo iraasheenaꞌonaa tiree huggechinaꞌona neexeꞌi beemon beeggahan; asheenaꞌo bulliyoo emirii, tiroonoo huggii beeheete. Ataaliyi bi tahoon keexxaꞌa, “Hukkoone, hukkoone!” iyaꞌa cookiyan.


Aroochee Yoyaadi, taatoonaa asheenaꞌona Doono Yeerichi asheenaꞌo boonoshi tunee wogoon boonoshi giyemmon tuniihe. Ebiyoommon wotta taatoonaa asheenaꞌonoo wogoon giyemmoyich tuniihe.


Yihudee asheenaꞌo bulli ceeni boonoshi mulloona boonoshi wogetoyich, ceeni boonoshi gaboonoo bi waan boonoshi wottetoyich, biyoo boonoshina bi emiritoyich, ebi boonoshi wogeti wogoona emiriyeete. Doono Yeeriyoo boonoshi guudoona beetinaꞌo bulli waanee boonoshin kashiihe.


Biyoo taatoo kelleexi giimbee gaꞌooch neexeꞌi beemon, bi gaꞌoochoo iraasheenaꞌonaa tiree huggechinaꞌona neexeꞌi beemon beeggahan; asheenaꞌo bulliyoo emirii, tiroonoo huggii beeheete. Shoddechinaꞌoo shoddee qiicoon yechiꞌi, shoddoon yaggii beeheete. Ataaliyi bi tahoon keexxaꞌa, “Hukkoone, hukkoone!” iyaꞌa cookiyan.


Aroochee Yoyaadi bi qelloona, taatoonaa asheenaꞌo bullina Doono Yeerichi asheenaꞌo boonoshi tunee wogoon boonoshi giyemmoyich tuniihe.


Andoo bi kaaree shiixxoo no waanee bi wottemmoyich, Israꞌeelee Nuggishoo Doono Yeerina tookki wogoon gimoyich ta mulloona gabito taane.


Ebich no Nuggishoochi getoon shattiibeeti asheenaꞌonaa ta doono neennochi ciicoommon, ebi maacheenaꞌo bullinaa boonoshi bushiishoonon daachiyoyich, no Nuggishoo aafooch wogoon gibone; ebiyoo sheeroo gettii beetoommon tunebe.


Ebi aree toommooch dukketinaꞌoo: Hakaliyi bushoo, iraashoo Nehimi, Sedeqiyaasi,


Wotta ta tahee qodoon tebbaꞌa, “Ebi mooyon tuniyaani ashoon Yeeri bi kexonaa bi hajjitonoochee ebiyoommon biin tebbebe; ebiyoommon ooye; shokkoon echebe” iyo. Iitoo bulli, “Ameena” iye; Doono Yeerinoo galletehe. Asheenaꞌoo boonoshi giyiti wogoon ceechiyeete.


“Ebi mooyo bullich manjiti wogoon giyaꞌa koorichooch kooraabeeto noone. No ogoogeenaꞌo, Leweenaꞌonaa qeesheenaꞌona aree toommooch boonoshi maatemoona dukkee beetinaꞌone” iyeete.


Muusi asheenaꞌo waan hammiꞌi Doono Yeerichi qaaroonaa doyoo bullinon bi getaa, asheenaꞌo ikke qaaroona “Doono Yeeri gettito bullin tuniyemmo noone” iyeete.


Yeeri biich wogoon bi giyitoyich, taatoochi getoon ne ceechemmoyich neech gettehoye.


Ittoshiyoo gondoochee wotteꞌi asho bulli bi manoon bi gawukkemmoyich, awaajjoon getona ta aafooch tate mooyon tuniihote; taach goyinneebeeti yaafee kexoochaa, ta aafoochaa wogoon giyiyote.


Taatoo Sedeqiyaasi guuninaꞌon guuchittinoochee kichoyich Yerusaalemi katemee asho bullina tookkii wogoon bi giyitoyee gubb, Doono Yeeri bi qaaroona Erimiyaasich gettiye;


‘Beeyechi Doono Yeeri beege’ iyaꞌa iberoona, dayinnetoona, cadiqoonoo ne wogegaata, aageteenaꞌo taanna diireyemminaꞌone; taannoo yebenemminaꞌone” iye.


Boonoshi aafoon Tsiyoon waan wochiichi ‘Ittoshi waataa ciroona batteyaani bulli aabee wogoona Doono Yeerina tookki ikkottebone’ getiree Tsiyooni katemooch daammiibeeti gommon echemminaꞌone.


“Andoo Israꞌeelo, ne Nuggishoo Doono Yeeri ne waanee bi qaawiibeeto, amooniye? Ne Nuggishoo Doono Yeerin ne shattemmoyich, bi gommo bullina ne hammemmoyich, biin ne shunnemmoyich, ceeni ne mulloonaa ceeni ne kashoona biich ne goyinne maddemmoyich,


“Hanaach ittoshich ta gettaabeeti geteenaꞌon ceechi quyebote. Ittoshi Nuggishoo Doono Yeerin shunote. Ceeni ittoshi mulloona, ceeni ittoshi kashoonoo biich goyinne maddebote.


Ittoshi Nuggishoo Doono Yeerichi hillooch dabbibote. Biinoo shatote. Bi getoyichoo deꞌa getote. Bi qaaroonoo waayebote. Biich goyinne maddebote. Biinna tookki ikkottebote.


Kooreebi guudoochaa bi giyiti wogee toommooch daakkiree Moꞌabee showoochaa Israꞌeeleenaꞌona tookki bi giyemmoyich, Doono Yeeri Muusich gettiti wogeechi mooyo ebine:


Gibitsee kechiꞌi, Yoordaanoosi aacoochaa aabi-keyo waan, Beet Feꞌoori katemee ciinooch beeti bambooch boonoshi beetaa, ebi sheeroonaa arichiyoonon boonoshich immiye. Ebiyoo Heshibon beechii qeejjiti Amooreenaꞌo taatoo Sihoonichi showoochaaniye. Ebi taatoon Muusinaa Israꞌeeleenaꞌona Gibitsee kechiꞌi boonoshi waahooba, kochii wochitinaꞌone.


“Ittoshich ta dojjemmoyich ittoshi Nuggishoo Doono Yeeri taach immiti geto, qociyoonaa doyoona ebine. Arooch giyi ittoshi hajjemmi showoochaa eboshin quyebote.


Newoo ne Nuggishoo Doono Yeerin ceeni ne mulloona, ceeni ne kashoona, ceeni ne giidoona shune.


“Ittoshi Nuggishoo Doono Yeerin batteꞌi, goyinne maddeya bare nuggisheenaꞌo waan ittoshi wottegaata, ciroona aallemmo ittoshi tunoon ta hanaach ittoshich xiishaa gettaabeeto taane.


andire wogee shoobbecho tuneti Yesuus waan, Abeelichi damoyee beshiti mooyon gettiibeeti, wucaa xalliibeeti damooch shaggito ittoshine.


Ufeti bi damoona bulli yemeenee wogoon manjiiti, bi bageenaꞌochi ooge Qiddoo tuneti no Doono Yesuusin qitoochee tiijjiti Diggee Nuggishoo,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ