2 Taateenaꞌo 21:9 - Kafa Linguistics Project

⁹ Asheenaꞌoo Doono Yeerichi getoon waayeyaaneenaꞌone. Doono Yeeri Israꞌeeleenaꞌo aafoochee yookkii bi aalliiti aageteenaꞌo shuunetoyee beshe wodde gonde mooyon boonoshi shuunemmoyich, Minaasi boonoshin muriciihe.

2 Taateenaꞌo 21:9 ပူးပေါင်းရင်းမြစ်များ

1 Taateenaꞌo 14:16

Yeroboꞌami shuuneti axaaxoonaa Israꞌeeleenaꞌon bi shuuniiti axaaxoonoyich, Israꞌeeleenaꞌon qajjemmone” iye.

2 Taateenaꞌo 16:3

Israꞌeelee taateenaꞌochi gommon dabbiye; Doono Yeeri Israꞌeeleenaꞌo aafoochee yookkii kichiti aageteenaꞌochi, ciigiiti doyoon dabboona bi bushoon qaaqqooch goggiꞌi deejjiye.

2 Taateenaꞌo 21:10

Doono Yeeriyoo bi guuninaꞌo tuneti keemechinaꞌona ishichiye:

2 Kiinoo 33:9

Doono Yeeri Israꞌeeleenaꞌo aafoochee yookkii aalliiti aageteenaꞌo shuunetoyee beshe wodde gonde mooyon boonoshi shuunemmoyich, Minaasi Yihudee asheenaꞌonaa Yerusaalemi asheenaꞌonon muriciihe.

2 Kiinoo 36:16

Tunebaani boonoshi, Doono Yeerichi wocheyechinaꞌon cooneheete; bi qaaroonoo hoxeheete; bi keemechinaꞌonoo qallayiyeete. Ebich Doono Yeeri kaaro bi maccee toommooch kindiye; ebi shaahe kaaroochee muricon hakkaaneenaꞌone.

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Shoddo 12:8

Gonde mooyo ashi daggoochaa galletee gaata, gondeenaꞌo geecoona yindillemminaꞌone.

Shoddo 81:10

Gibitsee showoochee neen kichiti, ne Nuggishoo Doono Yeeri taane; taan qollebe; neech qaawii beeton immemmo taane.

Shaahiyoo 29:12

Iraashoo koote mooyon elleebeeto bi tunegaata, bi naayinaꞌo bulli gondeenaꞌo tunemminaꞌone.

Hiziqeeli 11:12

Ittoshi guudoona beeti aageteenaꞌo sheeroon quyehotalli ta qociyoona hamaano ittoshi tunetoyich, ta getoon quyo ittoshi qajjitoyich, ebiyooba Doono Yeeri ta tunoon ariyemmo ittoshine” iye.

Hiziqeeli 16:47

Ne, boonoshi gommon dabboo woyee ciigiiti boonoshi mooyon tuniyoo baach tuneyaanoon, giisheche aabee daggooch ne gommo bullina boonoshiyee beshe gonde mooyon tuniihine.

Hiziqeeli 22:3

Ishichiree gete: ‘Nuggishoo Doono Yeeri ishichiye: Ne aabo shaggemmoyich ne daggoochaa damoo ufeebeeti, shahalloon shuunoona ne qelloon eeꞌiiti katemeene!

Hiziqeeli 5:6

Yerusaalemi aageteenaꞌoyee beshoon ta geteenaꞌo toommooch hukkoon tiijjiyan; bi guudoona beetinaꞌoyee beshoon ta qociyoon shaaddahane. Ebiyoo ta geteenaꞌon waayeyaache getonaa ta qociyoona hammi qayonane” iye.

Hiziqeeli 5:7

Ebich Nuggishoo Doono Yeeri ishichiye: “Ittoshi guudoona beeti aageteenaꞌoyee beshe hukkecho tuneto ittoshine; ta qociyoon dabbaano ittoshine; ta getoyichoo deꞌa getaano ittoshine; ittoshi guudoona beeti aageteenaꞌochoommonolla quyeyaano ittoshine” iye.

Daaneeli 9:6

No taateenaꞌoyich, no iraasheenaꞌoyich, no qaabbechinaꞌonaa no showee asheenaꞌo bullinoyich ne guuninaꞌo tuneti keemechinaꞌo ne shigoona boonoshi gettiton waayeyaano noone.

Hosee'i 5:11

Duube mooyon dabboon bi shunnitoyich, Efreemi neexaa hajjeetonaa nalloo bi toommooch kinditona tunemmone.

Luqaasi 13:34

“Keemechinaꞌon wuxiibeeti hini Yerusaalemi asheenaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin kicoyich ambiche wottoon shunnetote! Tunetaa ittoshi qaawaano ittoshine.

Yowannisi 15:22

Ta waaꞌa boonoshich getaan gaata, boonoshich axaaxoo tuneyaacheshone; tunetaa and boonoshi shuuneti axaaxee naboyich boonoshi wochemmi noonoo aalloone.

Yaaqobi 4:17

Illa koniyoona bi tunegaata, deꞌoon shuunoon ariibee shuuno bi qayigaata, are ashoyich axaaxoone.

Yaaꞌoo 2:20

“Tunebaani neen ta ittibatemmi mooyo beetone: Ebiyoo ta guuninaꞌoyich shunee mamonaa shahalloyich deejjeya basheeti meenon mamonon dojjaa beetinaa muriccii beetina, ‘Keemechi taane’ ii beeti ure Elizabeelin cikkii qajjeto neene.

1 Saameeli 8:19

Tunebaani asheenaꞌo Saameelichi yibbaatoon waayemmon qajjiichii, ishichiyeete: “Ebi tuneyaache; no qaawaabeeto, no toommooch taatemmi taatooniye.