2 Taateenaꞌo 20:3 - Kafa Linguistics Project

³ “Doono Yeero, gibeneeto ta tunoon, ceeni ta mulloona neech ta maddoon, ne aafooch gaawe mooyon ta tuniyoonoo and ne shalligemmoyich neen qollehoye” iye; girgittiinoo eeppiye.

2 Taateenaꞌo 20:3 ပူးပေါင်းရင်းမြစ်များ

Halloo 17:1

Abraami yixenaa yiixiye nati asho bi tunehooba, Doono Yeeri biich bekkeꞌi ishichiye: “Beshe Hakkechi Nuggishoo taane. Bulli aaboon ta getoyich deꞌa getibee beebe. Muricaallo tunebe.

Halloo 5:22

Matusaalin bi shiyitoyee gubb, keejje balle naton Yeerina tookkii ikkotteꞌi beehe; bare anaami bushiishoonaa maache bushiishoonon shiyihe.

Halloo 5:24

Henooki Yeerina tookkii ikkotteꞌi beehe. Ikke areddoon Yeeri biin daammiye; ebich asheenaꞌo biin guttinnoon beegaaneenaꞌone.

Halloo 8:1

Yeeri Noohin, biinna tookkii markabooch beeti cooxinaꞌon, gijjeenaꞌo bulloshinoo gabiye. Yeeriyoo showooch taheeꞌi beeti aachi toommooch yongoon yongiihe. Aacoo shappii shappii hammiye.

1 Taateenaꞌo 11:4

Solomooni geenehooba, bi mecheenaꞌo bi mulloon, bare nuggisheenaꞌo waan wochiyeete. Solomooni, bi nihoo Daawitichoommon, bi mullo bi Nuggishoo Doono Yeerich gibeneeto tuneyaanoone.

1 Taateenaꞌo 15:14

Aasi guudi toommeexi goyinnee xaaꞌeenaꞌon ciroona aalliyoo bi qajjitaanona, kashoona bi beeti yemeeno bulliich ceeni bi mulloona Doono Yeerich gibeneetone.

1 Taateenaꞌo 2:4

Ebin ne tuniigaata, Doono Yeeri taach ‘Ne yareenaꞌo ta getoon boonoshi waayegaata, ta aafooch ceeni boonoshi mulloonaa ceeni boonoshi kashoona gibeneeto tuneꞌi boonoshi giyii keyigaata, Israꞌeelee taatee qeenooch kotemmi asho ne yaroochee mucceyaachemmone’ bi iti qaaro ceennemmone.

1 Taateenaꞌo 3:6

Solomooniyoo ishichiye: “Ne guuno ta nihoo Daawiti, ne aafooch gibeneeto, cadiqoonaa kaame mullechona bi tunetoyich, ooge ne shoodoon bekkiito neene. Ebi ooge ne shoodo bi kuxeyaachemmoyich tuniyaꞌa, bi taatee qeenooch kotemmi bushoon biich hanaach immeto neene.

1 Taateenaꞌo 8:23

ishichiye: “Israꞌeelee Nuggishoo Doono Yeero, damba shimaayooch tuneba desh showooch neenoommi Nuggishoo aalloone. Boonoshi ceeni mulloona neen dabbiibeeti ne guuninaꞌoyich ne giyeti wogoon ceechaabeeti, shoodechi Nuggishoo neene.

1 Taateenaꞌo 8:61

Hanaachichoommon bi qociyoona ittoshi hammemmonaa bi getoon ittoshi quyemmonoyich, ceeni ittoshi mulloona no Nuggishoo Doono Yeerich gibeneeto tunebote” iye.

1 Taateenaꞌo 9:4

“Newoo, ne nihoo Daawitichoommon, ta getoon ne waayegaata, xalle mulloonaa kaamittinoona taach ne maddegaata, neech ta getteto bullin ceechaa ne tuniigaata, ta qociyoonaa ta doyoonon ne quyegaatoo,

2 Taateenaꞌo 20:2

Hiziqiyaasiyoo bi aafoon daabbo waan wochiichii, Doono Yeer waan ishichiꞌi corootiye:

2 Taateenaꞌo 20:4

Isiyaasi taatoo aafoochee kechii hammiye; hammiꞌi taatee kechi daggi addibaaboon bi beshoyee shiichiꞌi, Doono Yeeri biich ishichiye:

2 Kiinoo 16:9

Doono Yeeri boonoshi ceeni mulloona biin gibenee beetinaꞌon kupphiyoyich, bi aafoo showee toommo bulliich ciinnii beetone. Tun bedaani mooyon ne tuniitoyich, ebiyee bekk koyo ne waanee kuxeyaachemmone” iye.

Nehimi 13:14

Ta Nuggishoocho, ebich taan gabibe. Ta Nuggishoo ne kexonaa arooch shuuneebeeti maddoonoyich ta shuuneti deꞌe shuunoon ne macaafoochee hidi aalliyaahine.

Nehimi 13:22

Leweenaꞌo shambetee aaboon yaafeeton tuniiree boonoshi quyiyemmoyich, boonoshi qelloon boonoshi xalliyemmonaa kelleenaꞌon waaree boonoshi quyemmonoyich getteho. Ta Nuggishoocho, ebich wotta taan gabibe; ne maaree woddoommon taach ariqqebe.

Nehimi 13:31

taajji taajjee aabooba waabeeti shookkeyemmi michichonaa maayi cilloochonon qociiho. Ta Nuggishoocho, deꞌoon taach gabibe.

Nehimi 5:19

Ta Nuggishoocho, hini asheenaꞌoyich ta tuniito bullich deꞌoon taach gabibe.

Iyoobi 1:1

Uutsee showooch Iyoobi getteebeeti ikke uro beehe. Biyoo ikke oonaalli kaamoo, Doono Yeerin shattiibeeto, gonde mooyoocheenoo wokkiti uroone.

Iyoobi 1:8

Doono Yeeriyoo Sheexaanoon, “Ta guuno Iyoobin xiishaa beeggetine? Showee toommooch biinoommi oonaalli kaamoo, Doono Yeeri taan shattiibeeto, gonde mooyoocheenoo wokkiti asho aalloone” iye.

Iyoobi 16:20

Ta nuucheenaꞌo taan cooneheete; ta aafo acimoon ukkiibee Yeer waan ciinniye.

Iyoobi 4:6

Yeerin ne shato, ne mulloon kashiiya shappiye? Deꞌittinoona ne beemo, neech gibeno toone?

Shoddo 102:9

Tulloon maayoochoommon maahoye; ta acimoonoo ta uyoona bacciyoye.

Shoddo 119:26

Ta mooyo bullin neech gettehoye; newoo waayehine; ne sheeroon taach dojjibe.

Shoddo 119:49

Ne guuno taach ne gibenikkiti qaaroon gabibe; gibenoona ta quyaabeeto arooniye.

Shoddo 145:18

Doono Yeeri, biin ceeggiibeeto bullich, iberoona biin ceeggii beetoyich, katinoone.

Shoddo 25:7

Doono Yeero, ta bushittinee axaaxoonaa xuꞌoonon shalligiyaahine; ne shoodoona, ne deꞌittinoyicha getiree taan gabibe.

Shoddo 26:1

Doono Yeero, ta shaaddo kaamoo bi tunetoyich, taach nallibe. Okk hach getaanoon Doono Yeeri neen gibeneto taane.

Shoddo 26:3

Ebiyoo ne shoodo ta aafooch bi tunetoyichiye; neen gibenoona shaaddehoye.

Shoddo 32:2

Doono Yeeri bi axaaxoon haddaani, bi kashooch dawushoo aalli, asho diireetone.

Shoddo 39:13

Wotteyaanooch ta hamoyee shiichi, wochinnoon ta emiremmoyich, ne aafoon ta toommoochee badd wochibe” iyo.

Shoddo 6:6

Gaashillaabee maraateto taane; xumi xumoon ta qeenooch acimoon dudiihoye; ta qoyoonoo acimoona wooriihoye.

Shoddo 6:7

Oogichaa ta ayinitoyich ta aafo doojjiye; ta etto bullichi naboonoo ciinon mawiihe.

Shoddo 89:47

Doono Yeero, ta eeno am shaahoon qamino gaata gabibe! Ashi bushiishoo bullin ne hallito duubooniye?

Shoddo 89:50

Ta Doonocho, ne guuno ta, am shaahoon ta cooqqireeto gaata, macceenaꞌochi naagoon haaꞌiyoona am shaahoon ta xuuxeto gaata, gabibe.

Isiyaasi 38:14

Gaashikafeechoommon, yageccechoommonoo cookiyoye; uggechoommon qaaddoye; damba wottee ciinoochee tiyitona ta aafeenaꞌo taahiyeete; ta Doonocho, duꞌeto taane, taan wodiibe” iyo.

Isiyaasi 63:11

Aroochee asheenaꞌo Muusichi wonnee yemeenoon, gabiyeete; boonoshiyoo “Bi bageenaꞌochi qiddeenaꞌona tookkii boonoshin baharoochee kichito aaye? Bi Yaafe Ayaanoon boonoshi daggooch kotiito aaye?

Erimiyaasi 4:2

‘Beeyechi Doono Yeeri beege’ iyaꞌa iberoona, dayinnetoona, cadiqoonoo ne wogegaata, aageteenaꞌo taanna diireyemminaꞌone; taannoo yebenemminaꞌone” iye.

Amootsi 5:4

Doono Yeeri Israꞌeeleenaꞌoyich ishichiye: “Ta waan wottebote; kashoona beeyemmo ittoshine.

Luqaasi 1:6

Gutteenaꞌoo Doonochi getoonaa qociyonoochee ikkoonolla shappayaanoon ceechii beetinaꞌone; Yeeri aafoochoo cadiqeenaꞌone.

Yowannisi 1:47

Naatinaꞌeeli bi waan womon Yesuusi beeggiꞌi ishichiye: “Dawushoon ariyaani ibere Israꞌeelee asho hinine” iye.

2 Qorontoosi 1:12

No geecaabeeti mooyo ebine: Hini showeexi asheenaꞌo daggooch, beshoonoo ittoshi daggooch no beemo, Yeeri nooch immiti yaafittinoonaa xalle mulloona bi tunoon no mullo miixee beetone. Ebin no tuniito, Yeer waanee no danaabeeti wojjoonalli, meechi ariyoona toonoone.

Hibireena'o 5:7

Yesuusiyoo hini showee toommooch bi beehooba, qitoochee biin wodiyoon hakkemmi Yeer waan oogeti cookoonaa acimoona corootoonaa qolloonon giddiihe; bi qelloon giishiiꞌi Yeerich bi hajjeetoyich, Yeeriyoo waayehe.