2 Taateenaꞌo 2:23 - Kafa Linguistics Project

²³ Elisayiyoo aroochee tiyii, Beeteel hammiye. Gommo hammii bi beetaa, bushiisheenaꞌo katemoochee kechiꞌi, “Hini xoroocho, hiniichee hambe; hini xoroocho, hiniichee hambe” iibee cooqqiriyeete.

2 Taateenaꞌo 2:23 ပူးပေါင်းရင်းမြစ်များ

Halloo 21:9

Ikke areddoon Gibitsee ashe Haggaari Abrahamich shiyeti bushoo Ishmaꞌeeli bi bushoo Yisaaqina tookkii miiccii kaachii bi beetaa, Saari ciinnahan.

2 Taateenaꞌo 2:11

Yibbaateebee, qaxirii boonoshi beetaa, diqqoona qaaqqee haresheenaꞌona geecheebeeti qaaqqee gaari boonoshi daggooch giyiꞌi, boonoshin gutta qoodiye. Eliyaasi yuboona shimaajj hammiye.

2 Taateenaꞌo 2:2

Aroochee Eliyaasi Elisayich, “Hiniich beebe; Doono Yeeri Beeteel taan wochetone” iye. Tunebaani Elisayi, “Beeyechi Doono Yeeri beege. Beeyechi ne kashoonoo wogehoye; neyee baraache” iye. Ebina tookkiꞌi Beeteel hammiyeete.

2 Taateenaꞌo 2:22

Elisayi gettitoommon, aaco hanaach beddaahaa xalletone.

2 Kiinoo 36:16

Tunebaani boonoshi, Doono Yeerichi wocheyechinaꞌon cooneheete; bi qaaroonoo hoxeheete; bi keemechinaꞌonoo qallayiyeete. Ebich Doono Yeeri kaaro bi maccee toommooch kindiye; ebi shaahe kaaroochee muricon hakkaaneenaꞌone.

Iyoobi 19:18

Bushiisheenaꞌolla taan qallayiyeete; ta tiyaa neexemmona taan cooneheete.

Iyoobi 30:1

“Tunebaani and, tayee guucheenaꞌo, boonoshi niheenaꞌon ta kunaaneenaꞌona tookki, ta bagoonaa emmishoonon ta quyiiya bedaaneenaꞌo, taan miicciyeete.

Shoddo 31:17

Doono Yeero, neen ta ceeggetoyich yeellayone. Gondeenaꞌo yeellebeete; minnakanna getaanoon maash hambeete.

Shoddo 31:18

Cadiqo toommooch aafee kupphoona yibbaateebeeti, geecoonaa hoxoona ceenniti, koottiibeeti heciyeenaꞌo tippebeete.

Shoddo 35:15

Ta tepheehooba emiroona kiceeheete; ta ariyaani, gonde asheenaꞌo ta toommooch kiceeheete; kuxaanoon taan yangixxiyeete.

Shaahiyoo 20:11

Gaggere busholla xalloonaa kaamoona bi tuno, bi tuniibeeti mooyona arichehe.

Shaahiyoo 22:15

Bushiishoochi mullooch tuushoo caaceetone; tunebaani sheeree gumbo ebin boonoshi waanee wokkiihe.

Shaahiyoo 22:6

Bushoyich bi hammemmi boochoon dojjibe; bi geenehooboo aroochee ikaachemmone.

Dojjecho 11:10

Bushittinee giidoonaa gurimaashittinoona kaate beshemmo bi tunetoyich, ayinoon ne mulloochee, gonde mooyonoo ne waanee wokkiibe!

Isiyaasi 1:4

Hini axaaxoona ceenniti aageteenaꞌote, xuꞌoon miꞌeti asheenaꞌote, gonde asheenaꞌochi shiijjereenaꞌote, xummoo tuneti bushiisheenaꞌote, ittoshich woowo! Doono Yeerin qajjito ittoshine; Israꞌeelee Yaafoon qallayito ittoshine; biich gubboon wochito ittoshine.

Isiyaasi 3:5

Asho biinnaa biinna ikkoo baroon neexi hajjemmone; asho bulli bi nuuchoo toommooch, asho bulli biinoommi bi manoo toommooch tiyemmone; bushoo oogoon hoxemmone; gaacaalli asho moogeeti ashi toommooch tiyemmone.

Erimiyaasi 20:7

Doono Yeero, taan dawushihine; tawoo dawusheeto taane; ne tayee kuppho neene; ta toommoochoo giidehine; heeyo bullin cooneehoye; bulliyona taan coonehe.

Erimiyaasi 20:8

Ta gettemmi haddoona cookiyoye; “Hukkoonaa aalloona!” iyaꞌa cookiyoye; Doono Yeerichi qaaro heeyo bulliich ta naaggeyemmonaa ta cooneyemmonoyich tunetone.

Erimiyaasi 7:18

Shimaajji taateyich koshon kachiyoyich, boonoshi bushiisheenaꞌo mixon mittiyeete; niheenaꞌo qaaqqoon shookkiyeete; maacheenaꞌo buddinoon xiriqqiyeete. Taan ippiyoyich bare nuggisheenaꞌoyich uyee buuroon ukkiyeete.

Hosee'i 10:15

Beeteeli katemee asheenaꞌote, ittoshi axaaxee naboona ittoshi toommooch tunemmo ebine. Koyo tiyiree harooch Israꞌeelee taatoo qitemmone” iye.

Hosee'i 10:5

Shamaari katemee asheenaꞌo Beet Aween beeti maanji shahalloon shati qewemminaꞌone. Bi oogo shoottetoyich asheenaꞌo ebi maanji shahalloyich eeppemminaꞌone. Shahalloochi qeesheenaꞌo shooshemminaꞌone.

Hosee'i 4:15

“Israꞌeeleenaꞌote, ittoshi shaddi gaatoona Yihudee asheenaꞌo ebiyoommi mooyon tuniyoona boonoshi xuqqemmoyich tuniyaahote; Galigala hammaahote; Beet Aweenoo kechaahote; ‘Beeyechi Doono Yeeri beege’ getishoo wogeyaahote.

Leweenaꞌo 13:40

Ikke asho bi qello shimboochaa woyee baroochaa bi shodedegaata, ebi uro xalloone.

Amootsi 3:14

“Israꞌeeleenaꞌon boonoshi axaaxoyich ta naxehooba, Beeteeli beeti deejjee gudoon happi aalliyemmo taane; deejjee gudee qareenaꞌo tiisheree showooch hollemminaꞌone.

Amootsi 4:4

Doono Yeeri ishichiye: “Israꞌeeleenaꞌote, akehe, cikki Beeteel beeti goyinnee xaaꞌooch hamiree axaaxoon shuune beebote! Galigal hamiree ittoshi hakkimmi wottoon axaaxoon shuune beebote! Maaddi maaddoona deejjee gijjoon, keejj keejje qemona asraatoon giddii beebote!

Amootsi 5:5

Taan qaawiree Beeteel hammaahote; Galigaloo giyaahote; Beershaaboo beshe hammaahote. Galigali asheenaꞌo iberoon kecaa hammemminaꞌone; Beeteeliyoo tiishemmone” iye.

Amootsi 7:13

Tunebaani Beeteeli, taatee goyinnee xaaꞌoonaa taatee showee yaafee kexona bi tunetoyich, guttinnoon hiniichaa keemoon keemmaahine” iye.

Galaati 4:29

Tunetaa arooba meechi doyoommon shiijjeto Yeerichi Ayaanoona shiijjeton duꞌiitone; andoo tuneebeeto ebiyoommone.

Hibireena'o 11:36

Bareenaꞌo cooneetinaꞌo tunoonaa yexxeyoona, ebiyee beshiton wotta qoqqaannoona cucheyoonaa cuyee kexooch xuuxoonon beeggiyeete;