2 Taateenaꞌo 2:2 - Kafa Linguistics Project

² Aroochee Eliyaasi Elisayich, “Hiniich beebe; Doono Yeeri Beeteel taan wochetone” iye. Tunebaani Elisayi, “Beeyechi Doono Yeeri beege. Beeyechi ne kashoonoo wogehoye; neyee baraache” iye. Ebina tookkiꞌi Beeteel hammiyeete.

2 Taateenaꞌo 2:2 ပူးပေါင်းရင်းမြစ်များ

Halloo 28:19

Ebi xaaꞌoon, Beeteeli ii shigiihe. Shiichiꞌi ebi katemoo, Luuzi gettee beehe.

1 Taateenaꞌo 12:28

Taatoo ebin asheenaꞌona tookkii bi boyeetoyee gubb, gutte maanji misiloon aachoochee shuuneꞌi asheenaꞌoyich, “Israꞌeeleenaꞌote, damba Yerusaalem ebichi wottoon ittoshi hammito beddiye. Gibitsee ittoshin kichiti nuggisheenaꞌo hinoshine” iye.

1 Taateenaꞌo 12:29

Ikkoon Beeteel, wotta ohe ikkoon Daan neechiye.

1 Taateenaꞌo 12:33

Baaree aabo bi tunemmoyich bi gettiti aabooba, ebiyoo shimittinnee agenee aaraa uuchinnee qemooba, deejjoon deejjoyich, Beeteel bi shuuneti deejjee gudooch hammiye; Israꞌeeleenaꞌoyich baaree aaboon tuniiꞌi bi maacciti ebi aabooba deejjee gudooch deejjoon deejjiye.

2 Taateenaꞌo 2:23

Elisayiyoo aroochee tiyii, Beeteel hammiye. Gommo hammii bi beetaa, bushiisheenaꞌo katemoochee kechiꞌi, “Hini xoroocho, hiniichee hambe; hini xoroocho, hiniichee hambe” iibee cooqqiriyeete.

2 Taateenaꞌo 2:4

Aroochee Eliyaasi, “Elisayo, hiniich beebe; Doono Yeeri taan Yaarika wochetone” iye. Tunebaani bi, “Beeyechi Doono Yeeri beege! Beeyechi ne kashoonoo wogehoye; neyee baraache” iye. Ebina tookkiꞌi Yaarika hammiyeete.

2 Taateenaꞌo 2:6

Aroochee Eliyaasi biich, “Hiniich beebe; Yoordaanoosi ta hammemmoyich Doono Yeeri taan wochetone” iye. Tunebaani Elisayi, “Beeyechi Doono Yeeri beege! Beeyechi ne kashoonoo wogehoye; neyee baraache” iye. Ebina tookkiꞌi hammiyeete.

2 Taateenaꞌo 4:30

Tunebaani bushoochi indee, “Beeyechi Doono Yeeri beege! Beeyechi ne kashoonoo wogehoye. Ciroona neen dufi hamaache” iyan. Ebich tiyiꞌi biin dabbiye.

Erimiyaasi 4:2

‘Beeyechi Doono Yeeri beege’ iyaꞌa iberoona, dayinnetoona, cadiqoonoo ne wogegaata, aageteenaꞌo taanna diireyemminaꞌone; taannoo yebenemminaꞌone” iye.

1 Yowannisi 2:19

Boonoshiyoo no daggeexinaꞌo tuno boonoshi qajjitoyich, no daggoochee kechiyeete. No magechinaꞌo boonoshi tuneto gaata, noonna tookki manjiree beeyeshinaꞌone. Ebina boonoshi bulli no magechinaꞌo boonoshi tunee qayo arichemmoyich, no waanee bariꞌi kechitinaꞌone.

1 Saameeli 1:26

Haanniyoo Eelich ishichiyan: “Ta doonocho, hini xaaꞌooch ne aafooch neexaꞌa Doono Yeer waan corootiti ure ta tunoyich, ne kashoona wogehoye.

1 Saameeli 17:55

Daawiti Gooliyaadina koyeya bi hammii beetaa Saaꞌooli beeggiꞌi, bi ginee iraashoo Abeneerin “Abeneero, ebi bushoo koni bushoone?” iꞌi echehe. Abeneeriyoo “Taatoocho, ne kashoona wogehoye. Ta ariyaano taane” iye.

1 Saameeli 25:26

“Ta doonocho, beeyechi Doono Yeeri beege! Wotta ne kashoona wogehoye. Damoon ne ukkaachemmoyich, wotta ne hajjee kishoona nichoon ne gaacaachemmoyich neen quyeto Doono Yeerine. Andoo ne etteenaꞌonaa ta doono ne toommooch gondoon gabii beetinaꞌona Naabaaliyoommon tunebeete.