2 Taateenaꞌo 2:19 - Kafa Linguistics Project

¹⁹ Ikke areddoon Yaariki asheenaꞌo Elisayich, “Ebiyoche, ne beeggaa beetoommon, hini katemee beemo gaawetone. Tunebaani bi aaco gondoone; showoo maayoon shakkiyaanoone” iyeete.

2 Taateenaꞌo 2:19 ပူးပေါင်းရင်းမြစ်များ

1 Taateenaꞌo 16:34

Bi yemeenooba, Beeteeli asho Hiꞌeeli Yaarikin shuunehe. Doono Yeeri Nuuni bushoo Yaasina bi gettitoommon, katemoon shuunoyich dechi hecoon bi heccaahaa, bi gutenee bushoo Abiraami qitiye; katemee kellee shaaqqoon bi xogiyeenoo, guuche ciire bi bushoo Seguubi qitiye.

1 Taateenaꞌo 18:13

Ta doonocho, Elizabeeli Doono Yeerichi keemechinaꞌon bi wuxiihooba, amoon ta tuniito gaata waayeyaano neene? Doono Yeerichi keemechi balle asheenaꞌon daammaꞌa, aachi aachoon gutte xaqqee gofooch aachaachaa, koshonaa aaconon boonoshich immehoye.

1 Taateenaꞌo 18:7

Abidiyi hammii bi beetaa, gommoochaa Eliyaasi biinna danehe. Abidiyiyoo biin ariihe; baroona guufeechii, “Ta doono Eliyaaso, iberoon ebi halla neene?” iye.

2 Taateenaꞌo 2:18

Yaarika koteꞌi bi beetaa, bi waan wotteꞌi waaheete. Biyoo boonoshich, “Hammaahote iyaꞌa ittoshich getaano taane?” iye.

2 Taateenaꞌo 2:20

Biyoo, “Andire shaatoon taach deebote; aroochoo kiihon gedote” iye. Boonoshiyoo shaatooch kiihon geddiꞌi, biich deebiyeete.

Keyo 15:23

Maara shaggiyeete; areexi aaco caamo bi tunetoyich, aacon uyon hakkaaneenaꞌone. Ebi xaaꞌoo Maari bi getteeto, ebichiye.

Keyo 23:26

ne showee daggooch borihiyaabeeti maachee woyee xaafee tuneti maachee daneyaachemmine; kashee genjoonoo neech immemmo taane.

Keyo 7:19

Doono Yeeri daakkiꞌi Muusich ishichiye: “Haroonin ‘Ne gumboon daamiree, Gibitsee showeexi aaco bulli toommooch, ebiyoo woce aachi toommooch, bobbeeti aachi toommooch, kote aachi toommooch, aachi gejjee toommoochoo ne kishoon yaggibe’ gete. Aacoo damoon tunemmone. Xaqqoonaa mixonoochee shuuneeti aachi kicee qiiceenaꞌooch beeti aaco bulliyona echeyaanoon, Gibitsee showeexi aaco bulli damoon tunemmone” iye.

Hosee'i 9:14

Doono Yeero, boonoshich imbe! Boonoshich ne immemmo amooniye? Yiiqqo gaakkiibeeti xifoonaa shuuꞌi xanonon boonoshich imbe!

Haddoo 12:11

Biyoo Muusich “Ta doonocho, xumme mooyon tuniyoona axaaxoon shuuneto noone. Doogena ebich noon naxeyaahine.

Yibbaatoo 28:11

Doono Yeeri neech imma ne qaabbechinaꞌoyich wogeꞌi bi gibenikkiti showoochaa meeti bushiishoon, meeti gijjeenaꞌonaa meeti maayoonon imiree neen gaanniyemmone.

1 Ximootiyoosi 5:17

Kittinnee guuphi asheenaꞌon gaawichiꞌi yaabii qeejjiibeeti geeneenaꞌon gutte kishoon oogiyoo bede mooyone; beshoonoo Yeerichi qaaroon getonaa dojjoona yullee beetinaꞌon oogiyoo qaawiihe.

Yaasi 6:17

Katemoonaa bi daggooch beeto bullina Doono Yeerich yaafeeto bi tunetoyich, ciroona aalliibote; no wochetaa hammiti qiiddechinaꞌon bi aachitoyich, yahechi Rahaabinaa biinna tookkii bi kexooch beetinaꞌona baach echebeete.

Yaasi 6:26

Arooba Yaasi ishichiꞌi callehe: “Hini Yaariki katemoon wochinnoon shuunemmo koniyoona Doono Yeeri aafooch uppeton tunebe. Katemoon shuuneya bi baashihooba, bi gutenee bushoo qitemmone; katemee kellooch shaaqqoon bi xogihooba, guuche ciire bi bushoo qitemmone” iye.