2 Taateenaꞌo 19:4 - Kafa Linguistics Project

⁴ Beeyechi Doono Yeerin bi naaggemmoyich bi doono tuneti, Asooree taatoo deejjiti Rabishaqichi naago bullin ne Nuggishoo Doono Yeeri diqqich waayo qayaanoone. Ebich ne Nuggishoo Doono Yeeri bi waayeti naagoyich biin bi naxemmoyich, echeti cureenaꞌoyich ne corootemmoyich neen qollehoye’ itone” iyeete.

2 Taateenaꞌo 19:4 ပူးပေါင်းရင်းမြစ်များ

Halloo 22:14

Ebich Abrahami ebi xaaꞌoon “Doono Yeeri qanniyemmone” ii shigiihe. Hanaach beddaahaa, “Doono Yeerichi guudi toommoochaa qannemmone” getteehe.

2 Saameeli 16:12

Diqqich Doono Yeeri ta xuuxoon beegiree, ebi ufon hanaach taach deꞌoona wochemmo tunemmone” iye.

2 Taateenaꞌo 18:13

Taatoo Hiziqiyaasi taateti aaraa awuddinnee natooba, Asooree taatoo Senakireebi Yihudee showee xaqqee uxerechi katemeenaꞌo bullin kochii yechiye.

2 Taateenaꞌo 19:16

Doono Yeero, ne waamon no waan gaꞌiiree waayebe. Doono Yeero, ne aafoon gaxxiree ciine. Senakireebi beeyechi Yeeri neen naagoyich bi deejjiti miichee qaaroon waayebe.

2 Taateenaꞌo 19:22

Koniniye ne hoxaa naaggeto? Koni toommoochiye, ne goohito? Koni toommoochiye, geecoona aafoon ne ciixxeto? Israꞌeelee Yaafoo Yeeri ta toommoochiye.

2 Taateenaꞌo 19:23

Ne wocheyechinaꞌona Doono taan cooneto neene. Newoo, “Wodde ta gaarinaꞌona genje guudinaꞌooch, Libanoosichi cullullooch kecheto taane; genji genje ciideenaꞌon, macecikkiti yigeenaꞌon dichito taane; are showee daareenaꞌooch, gaawe shaareenaꞌooch giyeto taane;

2 Taateenaꞌo 19:3

Boonoshiyoo hammiꞌi, Isiyaasich, “Hiziqiyaasi ishichiye: ‘Hanaachi aabo xuuxeecho, kaareechonaa ceeqeechonane. Bushoo shiijjeya bedaa agaatoyich hakkoo guuteeti maacheen shaahito noone.

2 Taateenaꞌo 19:30

Yihudi yaroochee muriccii echeti curo wochinnoon cammon dech awuremmone; aafoonoo aafemmone.

2 Taateenaꞌo 19:31

Yerusaalemee echetinaꞌo, Tsiyooni guudoochee muriccitinaꞌo kechemminaꞌone. Doono Yeeri bi qanaatoona ebin tuniyoyich maaccitone.

2 Taateenaꞌo 19:5

Hiziqiyaasichi wocheyechinaꞌo ebin Isiyaasich boonoshi gettitoyee gubb,

2 Kiinoo 32:20

Taatoo Hiziqiyaasinaa Amootsi bushoo keemechi Isiyaasina ebi mooyoyich shimaayooch cookiꞌi Yeer waan corootiyeete.

Shoddo 50:15

Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.

Shoddo 50:21

Ebi bullin ne tuniitaa cikkaa ta qajjetoyich, taan neenna shaahiyaꞌa gabihine. And illa neen kaaremmo taane; ne aafoochaa neen ittibatemmo taane.

Shoddo 74:18

Doono Yeero, aabichii etto cooqqiriibeeto gaata, mullaalli asheenaꞌo ne shigoon hoxeebeeto gaatoo, ciine.

Isiyaasi 1:9

Beshe Mawe Doono Yeeri curoon nooch bi echiyaan gaata, Sodoomin tunesho noone; Gomoorinoo shaahesho noone.

Isiyaasi 10:6

Boonoshi gaannoon bi boggemmoyich, kecoon hohi bi daammemmoyich, gommeexi dengoochoommon boonoshin bi neexxemmoyich, Yeerich qeyaani asheenaꞌo toommooch biin daachiito taane; ta kaaremmoyich tuniiti asheenaꞌo toommooch biin wocheto taane.

Erimiyaasi 23:36

Tunebaani asho bullich shaago tuneto bi hajjee qaaro bi tunetoyich ‘Doono Yeerichi shaago’ gettaahote; Beshe Mawe Doono Yeerichi, beeyechi Nuggishoo no Nuggishoochi qaaroon wuuqqiyote.

Erimiyaasi 33:3

“Ta waan cookibe; neech wochemmo taane; beggaa ne ariyaani giidechi mooyon neech bekkiyemmo taane.

Erimiyaasi 42:9

boonoshich ishichiye: “Bi aafooch ittoshi qolloon ta giddiyemmoyich taan ittoshi wocheti Israꞌeelee Nuggishoo Doono Yeeri ishichiye:

Hiziqeeli 36:37

“Nuggishoo Doono Yeeri ishichiye: Israꞌeelee macceenaꞌo ashoon gaddeexi bagoochoommon ta woddiyemmoyich qollemminaꞌone; tawoo ebin tuniyemmo taane.

Roomi 11:5

Ebiyoommon and hini yemeenooch wotta Yeerichi wojjoona kaacheti giishecheenaꞌo beetinaꞌone.

Roomi 9:27

Keemechi Isiyaasi bi macaafoochaa “Israꞌeeleenaꞌo baharee gasheexi qacoommon boonoshi woddeteenona, giishecheenaꞌo baach wodemminaꞌone.

Yibbaatoo 32:36

“Boonoshi giidoo qayon, guuno tuneba doono, koniyoona echee qayon bi beegiyooba, Doono Yeeri bi asheenaꞌoyich nallemmone; bi guuninaꞌoyichoo ariqqemmone.

Yaasi 14:12

Ebich arooba Doono Yeeri bi gettitoommon, hini geppe showoon and taach imbe. Arooba Anaaqeenaꞌo arooch beetinaꞌo boonoshi tunoonaa boonoshi katemeenaꞌo xaqqoona uxereeti ogooge katemeenaꞌo boonoshi tunoonon waayeto neene. Doono Yeeri bi gettitoommon, diqqich taanna tookki tune taan bi gaachetaa, boonoshin yoohi kichemmo taane” iye.

Yaasi 3:10

boonoshich ishichiye: “Beeyechi Nuggishoo Yeeri ittoshi daggooch bi beemonaa aroo iberoon Kanaaneenaꞌon, Hiteenaꞌon, Hiweenaꞌon, Ferizeenaꞌon, Girigaasheenaꞌon, Amooreenaꞌonaa Yebuseenaꞌonon ittoshi aafoochee yookkemmo bi tunoonon ittoshi ariyemmo, ebinane.

1 Saameeli 14:6

Yonaataani bi ginee qiicoon shaaggiibeeti bi naayon, “Ne waataa okk ebi dokireyaani asheenaꞌochi kaambooch hambone. Diqqich Doono Yeeri noon gaachemmone. Meetonoo tuneba giishechoona wodiyoyich, Doono Yeerin mawemmi mooyo aalloone” iye.

1 Saameeli 17:10

Are Filsixeemo daakkiꞌi, “Hanaach Israꞌeelee ginee naayinaꞌon miichoye. Eke ikke ashoon ittoshi imaa koyebone” iye.

1 Saameeli 17:26

Daawitiyoo bi gaꞌooch neexeebeeti asheenaꞌon “Ebi Filsixeemoon wuxiꞌi ebi shaahe yeelloon Israꞌeeleenaꞌo toommoochee wokkiimmoyich, amoone ichemmo? Wotta Beeyechi Nuggishoo Yeerichi ginee naayinaꞌon bi miichemmoyich, ebi dokireyaani Filsixeemo, halla konine?” iꞌi echehe.

1 Saameeli 17:45

Daawitiyoo biich ishichiye: “Ne, goraadoon, giishi ginoonaa ooge ginoonon yechaꞌa ta waan waabeeto neene. Tunebaani ta, ne miicheti, Israꞌeelee ginee naayinaꞌo Nuggishoo tuneti, Beshe Mawe Doono Yeeri shigoona ne waan waabeeto taane.