2 Taateenaꞌo 18:6 - Kafa Linguistics Project

⁶ Doono Yeerich gibeneeton tunehe. Biin dabboochee gubb wotteyaanoone. Doono Yeeri Muusich gettiti geteenaꞌon quyehe.

2 Taateenaꞌo 18:6 ပူးပေါင်းရင်းမြစ်များ

Yaasi 23:8

Hanaach beddaahaa ittoshi tuniitoommon, ittoshi Nuggishoo Doono Yeerin manjiiree yeshote.

Yibbaatoo 10:20

Ne Nuggishoo Doono Yeerin shate. Biich baach goyinne maddebe. Biinna tookki ikkottebe. Bi shigoonoo wogebe.

Yowannisi 14:15

“Taan shunniibeeto ittoshi tunegaata, ‘Tuniibote’ iyaꞌa ta getteton ceechemmo ittoshine.

Mishiraachechinaꞌo 11:23

Biyoo hammii Yeeri bi wojjoon hini asheenaꞌoyich bi imon beeggiꞌi emiriye; boonoshi bullin, ceeni mulloona manjiree, Doono Yesuusichoo gibeneeree boonoshi beeyemmoyich ciicciye.

1 Yowannisi 5:3

Yeerin no shunnaa beetoyich, bi getoon ceechaabeeto noone; Yeer waanee shiijjeto bulli hini alemoon kochii wochii bi beetoyich, bi geto maggoo toonoone. Hini alemoon kochaa no wochaabeeto bi toommooch no mullee tooꞌiyoonane.

Yowannisi 15:14

‘Tuniibote’ iyaꞌa ittoshich ta getteto bullin ittoshi tuniigaata, ta shunecho ittoshine.

2 Taateenaꞌo 17:13

Doono Yeeri, “Gonde ittoshi gommoochee wottebote. Ittoshi qaabbechinaꞌoyich ta getteti sheeroo bulliyoommon, keemechi ta guuninaꞌona ittoshich ta deejjiti ta getoonaa ta qociyoonon quyebote” iꞌi bi wocheyechinaꞌo bullinaa bi keemechinaꞌo bullina Israꞌeeleenaꞌonaa Yihudee asheenaꞌonoyich kupphiiꞌi gettitone.

Yowannisi 14:21

‘Tuniibe’ iyaꞌa ta getteton deꞌa iꞌi tuniibeeto, taan shunniibeeto aroone; taan shunnii beeton ta Nihoo shunnemmone; tawoo shunnemmo taane; biichoo bekkemmo taane” iye.

Erimiyaasi 11:4

ebiyoo boonoshi qaabbechinaꞌon Gibitsee, xuuroo wocciibeeti gemmoochee ta kichiyooba, “Ta qaaroon waayebote; ittoshich ta getteto bullin tuniibote; ebi tunegaata, ittoshi ta ashoon tunemmo ittoshine; tawoo ittoshi Nuggishoo tunemmo taane” iyaꞌa ta gettetone.

2 Taateenaꞌo 17:16

Boonoshi Nuggishoo Doono Yeerichi geto bullin qajjiyeete; boonoshi qellich aachoon ukkii, gutte maanji misiloon shuuneheete. Nuggishee Asheeri misiloon shuuneheete; shimaajji xojjenoyich goyinneheete; Baꞌaaloyichoo maddeheete.

Yowannisi 15:10

Ta Nihoo ‘Tuniibe’ iꞌi bi gettiton ta ceechoommon, bi shunoonoo ta beemoommon, ‘Tuniibote’ iyaꞌa ta getteton ittoshi ceechigaata, ta shunoona beeyemmo ittoshine.

2 Taateenaꞌo 17:19

Yihudee asheenaꞌoo wotta Israꞌeeleenaꞌo boonoshin dojjiti doyeenaꞌon dabbiyeetani, boonoshi Nuggishoo Doono Yeerichi getoon quyeyaaneenaꞌone.

Isiyaasi 38:3

Ishichiinoo iye: “Doono Yeero, gibeneeto ta tunoon, ceeni ta mulloona neech ta maddoon, ne aafooch gaawe mooyon ta tuniyoonoo and ne shalligemmoyich neen qollehoye” iye; girgittiinoo eeppiye.

Yibbaatoo 10:12

“Andoo Israꞌeelo, ne Nuggishoo Doono Yeeri ne waanee bi qaawiibeeto, amooniye? Ne Nuggishoo Doono Yeerin ne shattemmoyich, bi gommo bullina ne hammemmoyich, biin ne shunnemmoyich, ceeni ne mulloonaa ceeni ne kashoona biich ne goyinne maddemmoyich,

2 Taateenaꞌo 20:3

“Doono Yeero, gibeneeto ta tunoon, ceeni ta mulloona neech ta maddoon, ne aafooch gaawe mooyon ta tuniyoonoo and ne shalligemmoyich neen qollehoye” iye; girgittiinoo eeppiye.