2 Taateenaꞌo 18:4 - Kafa Linguistics Project

⁴ Guudi toommeexi goyinnee xaaꞌeenaꞌon happii aalliihe; goyinnee xaqqee giimbeenaꞌonoo tiichiye; nuggishee Asheeri misiloon kuxxii duppiye. Arooba beddaahaa Israꞌeeleenaꞌo ixaanoon aroyich shookkii boonoshi beetoyich, Muusi gooshoochee shuuneti, Nehushitaani getteebeeti dingeree misiloonoo tiichiye.

2 Taateenaꞌo 18:4 ပူးပေါင်းရင်းမြစ်များ

1 Taateenaꞌo 22:43

Yoshafaaxi bulli mooyona bi nihoo Aasichi gommon dabbiye; aroochee okk hach getaanoone. Doono Yeeri aafooch kaame mooyon tuniihe. Tunebaani guudi toommeexi goyinnee xaaꞌeenaꞌon aalliyaanoone. Asheenaꞌo andoo guudinaꞌo toommooch beeti goyinnee xaaꞌeenaꞌooch deejjoon deejjii, ixaanoonoo shookkii beeheete.

2 Taateenaꞌo 10:26

Goyinnee xaqqee giimboon aroochee kichiꞌi michiyeete.

2 Taateenaꞌo 11:18

Aroochee asheenaꞌo bulli Baꞌaalee yaafee kexooch hammiꞌi, Baꞌaalee kexon happiyeete. Bi deejjee gudeenaꞌonaa shahalleenaꞌonon tiichii aalliiheete. Baꞌaalee qeeshoo Mataaninoo deejjee gudee aafoochaa wuxiyeete. Qeeshoo Yoyaadi Doono Yeerichi yaafee kexooch quyechinaꞌon ukkiriihe.

2 Taateenaꞌo 12:3

Tunebaani guudi toommeexi goyinnee xaaꞌeenaꞌo aalleyaaneenaꞌone. Asheenaꞌo kuxaanoon ebi xaaꞌeenaꞌoochaa deejjoon giddii, ixaanoonoo shookkii beeheete.

2 Taateenaꞌo 14:4

Guudi toommeexi goyinnee xaaꞌeenaꞌo happeyaaneenaꞌone. Asheenaꞌoo guudi toommeexi goyinnee xaaꞌeenaꞌoochaa deejjoon giddiyoonaa ixaanoon shoohonon neechaaneenaꞌone.

2 Taateenaꞌo 15:35

Tunebaani guudi toommeexi goyinnee xaaꞌeenaꞌo aalleyaaneenaꞌone. Asheenaꞌoo are xaaꞌeenaꞌoochaa andoo deejjoon giddii, ixaanoonoo shookkii beeheete. Biyoo Doono Yeerichi yaafee kechi xaqqee uxeree dambee kelloon shuunehe.

2 Taateenaꞌo 15:4

Tunebaani guudi toommeexi goyinnee xaaꞌeenaꞌo aalleyaaneenaꞌone. Asheenaꞌoo are xaaꞌeenaꞌoochaa andoo deejjoon giddii, ixaanoonoo shookkii beeheete.

2 Taateenaꞌo 16:15

Aroochee taatoo Akaazi qeeshoo Uuriyich ishichiꞌi gettiye: “Maaddoona giddeebeeti, micciibeeti deejjoon, womikka giddeebeeti maayi buuroon, taatoochi qoodooch giddeebeeti, micciibeeti deejjoonaa maayi buuroonon, showee asheenaꞌo bullichi qoodoochoo giddeebeeti, micciibeeti deejjoon, maayi buuroonaa uyee deejjoonon ooge deejjee gudee toommoochaa deejjibe; micciibeeti deejjee damoo bullinaa bare deejjee damoo bullinon aree toommooch tibibe; tunebaani gooshoochee shuuneeti deejjee gudo ta qaawaabeeti mooyon aroona ta echemmoyich tunebe” iye.

2 Taateenaꞌo 18:22

Ittoshiyoo taach, “No Nuggishoo Doono Yeerin gibenemmo noone” ittoshi getaachemmoyich, Hiziqiyaasi Yihudee asheenaꞌonaa Yerusaalemi asheenaꞌonoyich, “Ittoshi goyinnemmo, Yerusaalem beeti deejjee gudee aafoochiye” getona, guudi toommeexi, Doono Yeerichi goyinnee xaaꞌeenaꞌonaa deejjee gudeenaꞌonon aalliitone.

2 Taateenaꞌo 21:3

Bi nihoo Hiziqiyaasi happii aalliiti, guudi toommeexi goyinnee xaaꞌeenaꞌon wochinnoon shuunehe. Israꞌeelee taatoo Akaabi tuniitoommon, Baꞌaaloyich deejjee gudoon shuunehe; nuggishee Asheeri misiloonoo neechiye; shimaajji xojjeno bullichoo goyinnee maddehe.

2 Taateenaꞌo 23:14

Aroochee taatoo Yosiyaasi goyinnee xaqqee giimboo bullin tiichiye; wotta Asheeri misileenaꞌon kuxxiꞌi duppiye. Ebi misileenaꞌo neexeti xaaꞌoochoo ashi shaawushoon ceechiye.

2 Taateenaꞌo 23:4

Aroochee Yosiyaasi qeeshee guudo Hiliqiyin, biyee desheenaꞌo tuneti qeesheenaꞌonaa yaafee kechi kelloon quyeebeeti kellechinaꞌonon ceeggiꞌi, Baꞌaaloyich, nuggishee Asheerinaa shimaajji xojjeno bullinochi maddooch heechiibeeti qiico bullin yaafee kexoochee boonoshi kichemmoyich gettiye. Aroochee taatoo ebi qiiceenaꞌo bullin Yerusaalemiyee maach beeti Qedirooni bambee gaddoochaa qaaqqoona michiꞌi bi tulloon Beeteel daammiye.

2 Kiinoo 19:3

Tunebaani gaawe mooyo ne waanee danetone. Ebiyoo nuggishee Asheeri misileenaꞌon showoochee ne aalliyoonaa Yeerich gibeneeto ne tunoonane” iye.

2 Kiinoo 31:1

Ebi bulli tunetoyee gubb, arooch beeti Israꞌeeleenaꞌo Yihudee showooch beeti katemeenaꞌooch hammiꞌi, bullinolla boonoshi aalliimmi wottoon goyinnee xaqqee giimbeenaꞌon tiichiyeete; Asheeri misiloon kuxxiyeete. Yihudichi, Biiniyaamichi, Efreeminaa Minaasinochi showooch beeti guudi toommeexi goyinnee xaaꞌeenaꞌonaa deejjee gudeenaꞌonon happiyeete. Ebiyee gubb, Israꞌeeleenaꞌo boonoshi katemeenaꞌooch, boonoshi kexi kexooch wotteheete.

2 Kiinoo 33:3

Bi nihoo Hiziqiyaasi happii aalliiti, guudi toommeexi goyinnee xaaꞌeenaꞌon wochinnoon shuunehe; Baꞌaaloyich deejjee gudeenaꞌon shuunehe; nuggishee Asheeri misileenaꞌon neechiye; shimaajji xojjeno bullichoo goyinnee maddehe.

Shoddo 78:58

Geppeexi boonoshi goyinnee xaaꞌoona biin ippiiheete; boonoshi shahalleenaꞌona bi qanaatemmoyich tuniiheete.

Keyo 23:24

Boonoshi nuggisheenaꞌoyich goyinne maddeyaahine. Boonoshi tuniibeeti doyoon dabbiyaahine. Boonoshi nuggisheenaꞌochi misiloon happi aalliibe. Boonoshi goyinneebeeti xaqqee giimboon tiishi burice.

Keyo 34:13

Boonoshi deejjee gudoon happibote. Boonoshi goyinneebeeti xaqqee giimbeenaꞌon tiishi buricote. Boonoshi nuggishee Asheeri misileenaꞌon kuxi dichibote.

Isiyaasi 36:7

Ittoshiyoo taach “No Nuggishoo Doono Yeerin gibenemmo noone” ittoshi getaachemmoyich, Hiziqiyaasi Yihudee asheenaꞌonaa Yerusaalemi asheenaꞌonoyich, “Ittoshi goyinnemmo, hini deejjee gudee aafoochiye” getona, guudi toommeexi, Doono Yeerichi goyinnee xaaꞌeenaꞌonaa deejjee gudeenaꞌonon aalliitone.

Leweenaꞌo 26:30

Guudi toommeexi ittoshi goyinnee xaaꞌoon happemmo taane; ixaanoon ittoshi giddiibeeti deejjee gudoon happi bajjemmo taane; ittoshi dubenoonoo dubenoochoommon dihiti ittoshi shahalleenaꞌo toommooch duppemmo taane; tawoo ittoshin tiyaaremmo taane.

Yibbaatoo 5:5

Qaaqqoon shattiꞌi guudi toommooch ittoshi keyo qajjitoyich, arooba ta, Doono Yeerichi qaaroon ittoshich getoyich ittoshinaa Doono Yeerinochi gutte daggooch neexehoye. “Doono Yeeriyoo ishichiye:

Yibbaatoo 7:5

Tunebaani boonoshi toommooch ebin tuniibote. Boonoshi deejjee gudoon happi aalliibote. Boonoshi goyinnee xaqqee giimboon tiishi buricote. Boonoshi nuggishee Asheeri misiloon kuxote. Boonoshi shahalloon qaaqqoona michibote.

Woraaferasheenaꞌo 6:25

Aroobee xum Doono Yeeri Geediyoonich ishichiye: “Ne nihoochi gattoochee shabaatte nato tuneti guttinnee wuron daambe; ne nihoocho tuneti, Baꞌaaloochi deejjee gudoon happibe; bi gaꞌooch beeti, nuggishee Asheeri misiloon kuxi baye.

Woraaferasheenaꞌo 6:28

Are katemeexi asheenaꞌo haree maaddoona boonoshi tiyaahaa, Baꞌaaloochi deejjee gudo happeeton, bi gaꞌooch beeti Asheeri misilo kucheton, wotta arooch shuuneeti deejjee gudee toommoochoo guttinnee wuro deejjeeton daneheete.