2 Taateenaꞌo 17:7 - Kafa Linguistics Project

⁷ Ebi bulli Israꞌeeleenaꞌo toommooch bi tuneto, Gibitsee showoochee, Gibitsee taatoo Faroonichi kishoochee boonoshin kichiti boonoshi Nuggishoo Doono Yeerin boonoshi xuqqitoyichiye; bare nuggisheenaꞌoyichoo boonoshi goyinnee maddetoyichiye;

2 Taateenaꞌo 17:7 ပူးပေါင်းရင်းမြစ်များ

1 Taateenaꞌo 11:4

Solomooni geenehooba, bi mecheenaꞌo bi mulloon, bare nuggisheenaꞌo waan wochiyeete. Solomooni, bi nihoo Daawitichoommon, bi mullo bi Nuggishoo Doono Yeerich gibeneeto tuneyaanoone.

1 Taateenaꞌo 15:3

Biyoo bi nihoo shuuneti axaaxoo bullin shuunehe. Bi qaabbechi Daawitichoommon, bi mullo bi Nuggishoo Doono Yeerich gibeneeto tuneyaanoone.

2 Taateenaꞌo 16:2

Bi taatehooba, bi eeno hiye natone. Yerusaalem beechii aaraa shiritte naton qeejjiye. Biyoo bi qaabbechi Daawiti tuniitoommon, bi Nuggishoo Doono Yeeri aafooch kaame mooyon tuniyaanoone.

2 Taateenaꞌo 17:35

Doono Yeeri boonoshina tookkii wogoon giyiꞌi boonoshich ishichii gettitone: “Bare nuggisheenaꞌoyich goyinneyaahote; boonoshich maddeyaahote; boonoshich deejjiyaahote.

1 Kiinoo 5:25

Tunebaani asheenaꞌo boonoshi qaabbechinaꞌochi Nuggishoo Doono Yeerin xuqqiyeete. Boonoshi aafoochee Yeeri aalliiti, are showeexi asheenaꞌochi nuggisheenaꞌoyich goyinnee maddeheete.

2 Kiinoo 36:5

Yoyaqiimi bi taatehooba, bi eeno hiyaa uuche natone. Yerusaalem beechii aaraa ikke naton qeejjiye. Bi Nuggishoo Doono Yeeri aafooch gonde mooyon tuniihe.

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Shoddo 78:12

Boonoshi qaabbechinaꞌo aafoochaa, Gibitsee showoochaa, Tsoꞌaani gaddoochaa, gaakkechi mooyon tuniihe.

Keyo 20:2

“Gibitsee showee guuchittinoochee neen kichiti, ne Nuggishoo Doono Yeeri taane.

Isiyaasi 57:5

Meellee mixinaꞌo daggoochaa, waajjechi michi baatoo bullinoochaa shunee mami qaatoona shallaaneebeeto ittoshine. Bamboochaa, xaqqee goggini daggoochaa ittoshi bushiishoon deejjiibeeto ittoshine.

Erimiyaasi 10:5

Boonoshi shahalleenaꞌo buqqee budooch beeti, kafoon keqqichiibeeti mooyoomminaꞌone; yibbaatoon hakkaaneenaꞌone; shaꞌoon hakkaaneenaꞌo boonoshi tunetoyich shaaggeeheete; gondoon tuneba deꞌoon tuniyoon hakkaaneenaꞌo boonoshi tunetoyich, boonoshin shattaahote” iye.

Hiziqeeli 39:24

Boonoshi eeꞌooyich, boonoshi xuꞌoyichoo bede mooyon boonoshi toommooch tuniihoye; ta aafoonoo boonoshiyee badd wochiyoye.

Hosee'i 12:14

Tunebaani Efreemi caamii biin ippiihe. Ebich bi Doono damee ukkee xuꞌoon bi toommooch tuniyemmone. Bi shigoon bi giishiitoyich, bi gatiyoon biich qoccemmone.

Hosee'i 4:12

Mixoochee shuuneeti shahalloon keemiiheete. Boonoshi gumboo boonoshich wochii gettiye. Yahee ayaanoo boonoshin muriciihe. Boonoshi Nuggishoo tayee wokkiꞌi yahitinaꞌone.

Hosee'i 4:13

Guudinaꞌo toommoochaa deejjiyeete; geppeenaꞌo toommoochaa, boonoshi yiiroo gaaweto bi tunetoyich, wodde waajjechi ogooge mixinaꞌochi baatoochaanoo deejjii cufiiheete. Ebich boonoshi maache bushiisheenaꞌo yahechinaꞌo, boonoshi naamecheenaꞌo shunimaayeenaꞌo tunemminaꞌone.

Yibbaatoo 31:29

Ta qititoyee gubb ciroona duubemmo, ittoshich ta getteti gommonoo qayi wottemmo ittoshi tunoon ariibeeto taane. Doono Yeeri aafooch gonde mooyon tuniyemmo ittoshi tunetoyich, ittoshi shuuneebeeti shuunoona biin ippiyemmo ittoshi tunetoyich, waabeeti yemeenooch gonde mooyo ittoshi toommooch shaggemmone” iye.

Yaasi 23:16

Ittoshi Nuggishoo Doono Yeeri gettiti wogoon ittoshi shaaddegaata, hammiꞌi bare nuggisheenaꞌoyich ittoshi goyinnee maddegaata, Doono Yeeri kaaro ittoshi toommooch cufemmone; ittoshich bi immiti gaawe showoochee kaateree aallemmo ittoshine” iye.

Woraaferasheenaꞌo 6:10

Ittoshichoo “Ta, ittoshi Nuggishoo Doono Yeeri taane. Boonoshi showooch ittoshi beeti Amooreenaꞌochi nuggisheenaꞌoyich goyinne maddeyaahote” iyoye. Tunebaani ta qaaroon waayemmon qajjiyote’ itone” iye.