2 Taateenaꞌo 17:6 - Kafa Linguistics Project

⁶ Hosheehi taateti yiixiyinnee natooba, Asooree taatoo Shamaarin yechiye. Israꞌeeleenaꞌonoo kecciꞌi, Asooree showooch daammiye. Boonoshinoo Halaahi katemooch, Gozaani woraafee daggooch beeti Haboori aachi gaꞌooch, wotta Meedee showeexi katemeenaꞌooch boonoshi kotemmoyich tuniihe.

2 Taateenaꞌo 17:6 ပူးပေါင်းရင်းမြစ်များ

Halloo 10:2

Yafeeti bushiishoo: Gomeeri, Magoogi, Madaayi, Yawaani, Tubaali, Mesheekinaa Tiraasinane.

1 Taateenaꞌo 8:46

“Axaaxoon shuuneyaani asho aallo bi tunetoyich, ne asheenaꞌo axaaxoon shuunoona neen boonoshi xuꞌaa, newoo boonoshin kaaraꞌa etteenaꞌoyich beshiyaa ne imaa, boonoshiyoo wohi woyee katini showooch keccii daamaa,

2 Taateenaꞌo 15:29

Israꞌeelee taatoo Feqaahichi taatee yemeenooch Asooree taatoo Tigilaat Fileseeri waaꞌi, Iyooni, Abeel Beet Maꞌaki, Yanoohi, Qedeeshinaa Hatsoorina getteebeeti katemeenaꞌon, Gilaadee showoon, Galiilee showoonaa Nifitaalee showoo bullinon yechiye; asheenaꞌonoo kecciꞌi, Asooree showooch daammiye.

2 Taateenaꞌo 18:34

Hamaatinaa Arifaadinochi nuggisheenaꞌo, aayeete? Sefariwayimi, Heeninaa Iwaahinochi nuggisheenaꞌo, aayeete? Shamaarin ta kishoochee wodiiteete?

2 Taateenaꞌo 19:12

Ta qaabbechinaꞌo aalliiti Gozaan, Haraaninaa Retsefinooch beeti aageteenaꞌochi nuggisheenaꞌo, Telasaar beeti Edenee asheenaꞌonochi nuggisheenaꞌoo boonoshin wodiiteete?

2 Taateenaꞌo 21:13

Shamaarin, Israꞌeelee taatoo Akaabi kechi asheenaꞌonoo ta naxoommon, Yerusaalemin naxemmo taane. Asho shaatoon hidiichii, bi guufoommon, Yerusaalemin hidemmo taane;

1 Kiinoo 5:22

Ebi koyo Yeerichi daaggoona koyeeto bi tunetoyich, meeti asheenaꞌon wuxiyeete. Boonoshiyoo kecaa boonoshi hammimmi wottoon are showooch koteheete.

1 Kiinoo 5:26

Ebich Israꞌeelee Nuggishoo Asooree taatoo Fuulichi (Biyoo wotta Tigilaat Fileseeri getteehe.) mulloon shuurikkiye. Biyoo waaꞌi Roobeelinaa Gaadinoch yoodeenaꞌonaa Minaasi yoodoochee qatinaꞌonon keccii daammiꞌi, and beddaahaa Halaahee showooch, Habooree showooch, Haraahee showoonaa Gozaani aachi gaꞌoonooch boonoshi kotemmoyich tuniihe.

Iziri 6:2

Meedee woraafooch beeti, Ekibataani getteebeeti inde katemoochee ishichiibeeti mooyo arooch kooreeꞌi qoddeti ikke macaafo danehe: “Shalligichoo:

Nehimi 9:32

“Andoo no Nuggishoocho, ne giyeti wogoon quyaabeeti, ne shoodoonoo bekkiyaabeeti, ooge hakkechi, shattiiti Nuggishoocho, Asooree taateenaꞌochi yemeenoochee tiijjiꞌi hanaach beddaahaa, no toommooch, no taateenaꞌo toommooch, no ogoogeenaꞌo toommooch, nooch maddeebeeti ne qeesheenaꞌo toommooch, no keemechinaꞌo toommooch, no qaabbechinaꞌonaa ne asheenaꞌo bullinochi toommooch shaggiti iritoo, ne aafoochaa giishechoon shaahiree bekkaaye.

Isiyaasi 10:9

Karikemishin no aalliyoommon Kalinoonin aalliito noone; Arifaadin no aalliyoommon Hamaatin aalliito noone; Damaasiqin no aalliyoommon Shamaarin aalliito noone.

Isiyaasi 13:17

“Ebiyoche, birewoon aaxxiyaani, aachoonoo emiraani Meedeenaꞌo boonoshi toommooch tiyemmoyich tuniyemmo taane.

Isiyaasi 17:4

“Arooba Yaaqobichi oogo giishemmone; bi aangoo muujjemmone;

Isiyaasi 21:2

Shattiibeeti yaaꞌoo taach bekkehe; ebiyoo beshii imonaa aalloonane. Elaamee ginee naayinaꞌote, tibote. Meedoonee ginee naayinaꞌote, katemoon giishote. Baabloonichi naboona shaggiti xuuxo bullin Yeeri aalliyemmone.

Isiyaasi 36:17

Ebiyoo waaꞌa ittoshi showoon shaahiibeeti showooch, maayoonaa woyinee uyoona, koshonaa woyinee qomboona beeti showooch ittoshin ta daammemmi wottooniye.

Isiyaasi 36:19

Hamaatinaa Arifaadinochi nuggisheenaꞌo aayeete? Sefariwayimi nuggisheenaꞌo aayeete? Shamaarin ta kishoochee wodiiteete?

Isiyaasi 37:18

“Doono Yeero, iberoone; Asooree taateenaꞌo aageteenaꞌonaa boonoshi showoonon aalliitinaꞌone;

Isiyaasi 8:4

Bushoo ‘Taabbo, taande!’ geton bi hakkoyee shiichi, Damaasiqee gaannoonaa Shamaaree kecoonon Asooree taatoo keci daammemmone” iye.

Erimiyaasi 50:17

“Israꞌeelee asheenaꞌo daaheroo yookkiti bageenaꞌone. Batti batt Asooree taatoo boonoshin maahe; ciiroochaanoo Baabloonee taatoo Nabukadinatsori boonoshi shaawushoon billbillayiye” iye.

Daaneeli 5:28

‘FARISINI’ geto, ‘Ne taatittino qoodeete; Meedee asheenaꞌonaa Faariisee asheenaꞌonoyich ichete’ getone” iye.

Hosee'i 1:4

Aroochee Doono Yeeri Hoseeꞌich ishichiye: “Giisheche aaboyee gubb, Yezireeli katemoochaa Yehi ukkiti damee nichoon bi yareenaꞌo toommooch gaaccemmo taane; Israꞌeelee taatittinoonoo kuxxemmo taane. Ebich bushoochi shigoon Yezireeli geti shigiibe!

Hosee'i 1:6

Gomeeri wochinnoon xifaꞌa maache busheen shiyahan. Doono Yeeriyoo Hoseeꞌich ishichiye: “Ebiyee bekk Israꞌeeleenaꞌon ariqqeyaachemmo, ciroonoo maaraachemmo ta tunetoyich bi shigoon Lo Ruhaami geti shigiibe!

Hosee'i 1:9

Aroochee Doono Yeeri “Ta asheenaꞌo tuno ittoshi qajjitoyich, tawoo ittoshi Nuggishoo tuno ta qajjetoyich, bushoon Lo Ami geti shigiibe!

Hosee'i 13:16

Shamaaree asheenaꞌo boonoshi xuqqiti xuꞌoyich echeyemminaꞌone. Boonoshi Nuggishoo toommooch boonoshi tiyitoyich goraadoona dihemminaꞌone. Boonoshi nallefeenaꞌo ceqqetaa qitemminaꞌone. Boonoshi maacheenaꞌochi yeqqefoo goheyemmone” iye.

Hosee'i 8:8

Israꞌeeleenaꞌo aageteenaꞌo daggooch qoochetinaꞌone; gaacaalli qiicoommonoo tunetinaꞌone.

Hosee'i 9:3

Israꞌeeleenaꞌo Doono Yeerichi showooch beetaachemminaꞌone; Gibits wottemminaꞌone; Asooree showoochaanoo eeꞌe maayoon maayemminaꞌone.

Leweenaꞌo 26:38

Aageteenaꞌo showoochaa qiti ciiremmo ittoshine. Ittoshi etteenaꞌo showoo ittoshin qooxxemmone.

Amootsi 5:27

Ebich, Damaasiqi katemoyee beqach beeti showooch kecee ittoshi hammemmoyich tuniyemmo taane” iye bi shigo Beshe Mawe Doono Yeeri getteeti, Doono Yeeri.

Amootsi 7:17

Illa ebich Doono Yeeri ishichiye: ‘Ne mechee katemee daggooch yahechi tunemmine. Ne anaami bushiishoonaa maache bushiishoona ginoochaa qitemminaꞌone. Ne showoo woderoona qoodaa ashich ichemmone. Newoo yaafeyaani showoochaa qitemmo neene. Iberoon, Israꞌeeleenaꞌoo boonoshi showoochee kecaa hammemminaꞌone’ itone” iye.

Yibbaatoo 28:36

“Doono Yeeri ne woyee ne qaabbechinaꞌo ariyaani aagetooch, neennaa ne toommooch ne taatiiti taatoona hammemmoyich tuniyemmone. Aroochaa mixonaa xaqqoonoochee shuuneeti nuggisheenaꞌoyich goyinne maddemmo neene.

Yibbaatoo 28:64

“Doono Yeeri showee tuggoochee tuggooch beddaahaa beeti aageteenaꞌo daggooch neen shaccemmone. Ebi aroochaa ne woyee ne qaabbechinaꞌo ariyaani, mixonaa xaqqoonoochee shuuneeti bare shahalleenaꞌoyich goyinne maddemmo neene.

Yibbaatoo 30:18

ciroona aallemmo ne tunoon ta hanaach neech gettaabeeto taane. Yoordaanoosin kimiree ne hajjemmi showooch meeti yemeenoon koteyaachemmo neene.