2 Taateenaꞌo 17:3 - Kafa Linguistics Project

³ Asooree taatoo Shalimaniseeri biin kocha waahe. Hosheehi biich hajjeehe; biichoo gibiroon qocciye.

2 Taateenaꞌo 17:3 ပူးပေါင်းရင်းမြစ်များ

2 Saameeli 8:2

Ebiyoommon wotta Moꞌabeenaꞌon kochii wochiye. Boonoshinoo showooch qeejjiichii, woderoona qellayiye. Ebi qellayeetinaꞌoochee gutte beeroon wuxiichii, ikke beeroon wuxaanoon echiihe. Ebina Moꞌabee asheenaꞌo Daawitich hajjeeꞌi biich gibiroon qocciyeete.

2 Saameeli 8:6

Aroochee Sooriyee showooch beeti Damaasiqa bi ginee kaamboon kotiihe. Ebina Sooriyeenaꞌo Daawitich hajjeeꞌi biich gibiroon qocciyeete. Doono Yeeriyoo Daawiti bi hammito aabiichaanona, wudoon bi danemmoyich tuniihe.

2 Taateenaꞌo 15:19

Asooree taatoo Fuuli Israꞌeelee showoon kocha waahe. Minahemi biin gaacheree bi taatittinoon bi manjiyemmoyich, shaashaa awudde hume kiilo giraamee birewoon Fuulich immiye.

2 Taateenaꞌo 15:20

Minahemi ebi gijjoo kechemmon bi tuniito, Israꞌeeleenaꞌo waaneeniye. Ebiyoo gaannechinaꞌo boonoshi ikkikkoona aachi aache sheqeelee birewoon boonoshi immemmoyich, tuniiꞌiniye. Ebina Asooree taatoo wottehe; are showoochoo yagaanoone.

2 Taateenaꞌo 15:29

Israꞌeelee taatoo Feqaahichi taatee yemeenooch Asooree taatoo Tigilaat Fileseeri waaꞌi, Iyooni, Abeel Beet Maꞌaki, Yanoohi, Qedeeshinaa Hatsoorina getteebeeti katemeenaꞌon, Gilaadee showoon, Galiilee showoonaa Nifitaalee showoo bullinon yechiye; asheenaꞌonoo kecciꞌi, Asooree showooch daammiye.

2 Taateenaꞌo 17:2

Biyoo Doono Yeeri aafooch gonde mooyon tuniihe. Tunebaani bi tuniito, biyee aafi Israꞌeelee taateenaꞌochoommon toonoone.

2 Taateenaꞌo 17:4

Tunebaani Asooree taatoo, Hosheehi waanee gondoon danehe. Ebiyoo Gibitsee taatoo Sooꞌi biin gaachemmoyich wocheyechinaꞌon bi daachiyoonaa nati natona bi qocciibeeti gibiroon Asooree taatoyich qoco bi qayonane. Ebichi naboona Asooree taatoo biin yechiꞌi cuyee kexooch giijjiye.

2 Taateenaꞌo 18:31

“Hiziqiyaasi gettii beeton waayeyaahote. Ebich Asooree taatoo ishichii beetone: ‘Taanna tookki shunebote; ta waanoo wobote; ittoshi ikkikkoona ittoshi woyinoonaa ittoshi balaasoonoochee mamote; oppeexi ittoshi aacoochee uyote.

2 Taateenaꞌo 18:7

Doono Yeeri biinna tookkii bi beetoyich, bi tuniibeeto bulli biich kaamehe. Asooree taatoo toommooch hukkoon tiijjiꞌi biich hajjeyoon qajjiye.

Nehimi 9:32

“Andoo no Nuggishoocho, ne giyeti wogoon quyaabeeti, ne shoodoonoo bekkiyaabeeti, ooge hakkechi, shattiiti Nuggishoocho, Asooree taateenaꞌochi yemeenoochee tiijjiꞌi hanaach beddaahaa, no toommooch, no taateenaꞌo toommooch, no ogoogeenaꞌo toommooch, nooch maddeebeeti ne qeesheenaꞌo toommooch, no keemechinaꞌo toommooch, no qaabbechinaꞌonaa ne asheenaꞌo bullinochi toommooch shaggiti iritoo, ne aafoochaa giishechoon shaahiree bekkaaye.

Isiyaasi 17:4

“Arooba Yaaqobichi oogo giishemmone; bi aangoo muujjemmone;

Isiyaasi 8:8

ufebee Yihudee showooch shaggemmone; qooxibeeshoo beshemmone; qettooch beddaahaa beddemmone. Amanuꞌeelo! Yaggeeti bi qosheenaꞌo ne showoon tuggoochee tuggooch beddaahaa qerii beetinaꞌone” iye.

Hiziqeeli 23:5

“Oholaahi taachi tunaabeenolla yahoochee wotteyaache iyan; bi shunimaayeenaꞌo tuneti Asooreenaꞌona tookkii yahiyan.

Hosee'i 10:14

Ebich koyo ittoshi showooch woyemmone. Ittoshi mishigeenaꞌoo happeyemminaꞌone. Shalimaani, Beet Aribeeli katemoon kochiꞌi bi happiyooba, indeenaꞌonoo boonoshi bushiisheenaꞌona tookkii ceqqee bi wuxiyooba tunetoommo tunemmone.

Hosee'i 10:4

Duube gibenoon gibenikkiyeete; kootoon wogoona wogoon giyiyeete. Ebich taggoo maayi daggooch colleebeeti xuppattechi shuyochoommon collemmone.

Hosee'i 8:10

Gijjoona aageteenaꞌona tookkii boonoshi ikkottetaanona and ta, boonoshin kicemmo taane. Taatoonaa ukkireenaꞌona boonoshi toommooch shakkiibeeti iritoochee tiyitona, muuyi muuyi hammemminaꞌone.

Leweenaꞌo 26:25

Ta wogoon ittoshi happitoyich, ginoon ittoshi toommooch deejjiree nichoon kichemmo taane. Ittoshi qelloon wodiyoyich ittoshi katemeenaꞌooch ittoshi kiceetaanona, kupphe biiyoon ittoshi daggooch giijjemmo taane; ittoshi etteenaꞌo kishooch beshiitaa ichemmo ittoshine.