2 Taateenaꞌo 17:16 - Kafa Linguistics Project

¹⁶ Boonoshi Nuggishoo Doono Yeerichi geto bullin qajjiyeete; boonoshi qellich aachoon ukkii, gutte maanji misiloon shuuneheete. Nuggishee Asheeri misiloon shuuneheete; shimaajji xojjenoyich goyinneheete; Baꞌaaloyichoo maddeheete.

2 Taateenaꞌo 17:16 ပူးပေါင်းရင်းမြစ်များ

1 Taateenaꞌo 12:28

Taatoo ebin asheenaꞌona tookkii bi boyeetoyee gubb, gutte maanji misiloon aachoochee shuuneꞌi asheenaꞌoyich, “Israꞌeeleenaꞌote, damba Yerusaalem ebichi wottoon ittoshi hammito beddiye. Gibitsee ittoshin kichiti nuggisheenaꞌo hinoshine” iye.

1 Taateenaꞌo 14:15

Doono Yeeri, shombeqoo aachi daggoochaa qewoommon, boonoshi qewemmoyich tuniiree, Israꞌeeleenaꞌon yexxemmone. Nuggishee Asheeri misiloon neechoona Doono Yeerin boonoshi ippiitoyich, boonoshi qaabbechinaꞌoyich bi immiti, hini gaawe showoochee boonoshin waaxxemmone; Efiraaxisi aacoyee beqach boonoshin shaccemmone.

1 Taateenaꞌo 14:23

Boonoshiyoo guudi toommo bullinaa waajjechi michi baatoo bullinooch goyinnee xaaꞌeenaꞌon, goyinnee xaqqee giimbeenaꞌonaa Asheeri misileenaꞌonon shuuneheete.

1 Taateenaꞌo 15:13

Bi nihoo indee Maꞌakin, ciigiiti nuggishee Asheeri misiloon bi neechitoyich, gennee abeeti tunoochee kindiihe. Biyoo ebi are Asheeri misiloon tiichiye; Qedirooni bamboochaanoo michiye.

1 Taateenaꞌo 16:31

Nebaaxi bushoo Yeroboꞌamichi axaaxoon dabboo kette mooyo shaahiꞌi biich bekkehe. Biyoo Sidoonee taatoo Etibaꞌaali bushee Elizabeelin shaaggiye; Baꞌaaloyich maddehe; goyinneenoo iye.

1 Taateenaꞌo 16:33

Akaabi nuggishee Asheeri misilee giimboon neechiye; ebi mooyinaꞌon shuunoona biyee aafi Israꞌeelee taateenaꞌo bulliyee beshoon, Israꞌeelee Nuggishoo Doono Yeeri ippemmoyich tuniihe.

1 Taateenaꞌo 22:53

Baꞌaaloyich goyinnee maddehe; bi nihoochoommon, Israꞌeelee Nuggishoo Doono Yeerin ippiihe.

2 Taateenaꞌo 1:2

Akaziyaasi Shamaara beeti kechi toommeexi, bi taatee kexooch beechii, mallee kelloochee holliꞌi biiyehe. Ebich, “Hini biiyoochee wodemmo ta tunoon Eqirooni katemee nuggishoo Baꞌaal Zebuubin echii waayebote” iꞌi wocheyechinaꞌon daachiihe.

2 Taateenaꞌo 11:18

Aroochee asheenaꞌo bulli Baꞌaalee yaafee kexooch hammiꞌi, Baꞌaalee kexon happiyeete. Bi deejjee gudeenaꞌonaa shahalleenaꞌonon tiichii aalliiheete. Baꞌaalee qeeshoo Mataaninoo deejjee gudee aafoochaa wuxiyeete. Qeeshoo Yoyaadi Doono Yeerichi yaafee kexooch quyechinaꞌon ukkiriihe.

2 Taateenaꞌo 16:3

Israꞌeelee taateenaꞌochi gommon dabbiye; Doono Yeeri Israꞌeeleenaꞌo aafoochee yookkii kichiti aageteenaꞌochi, ciigiiti doyoon dabboona bi bushoon qaaqqooch goggiꞌi deejjiye.

2 Taateenaꞌo 17:10

Geppoo bulli toommonaa waajjechi michi baatoo bullinooch, boonoshi qellich goyinnee xaqqee giimbeenaꞌonaa Asheeri misileenaꞌonon neechiyeete.

2 Taateenaꞌo 18:6

Doono Yeerich gibeneeton tunehe. Biin dabboochee gubb wotteyaanoone. Doono Yeeri Muusich gettiti geteenaꞌon quyehe.

2 Taateenaꞌo 21:3

Bi nihoo Hiziqiyaasi happii aalliiti, guudi toommeexi goyinnee xaaꞌeenaꞌon wochinnoon shuunehe. Israꞌeelee taatoo Akaabi tuniitoommon, Baꞌaaloyich deejjee gudoon shuunehe; nuggishee Asheeri misiloonoo neechiye; shimaajji xojjeno bullichoo goyinnee maddehe.

Keyo 32:4

Biyoo boonoshi immiton kicii daammii ukkiꞌi, shahalloon maamochi shaahoona shuunehe. Aroochee asheenaꞌo “Israꞌeelee ashoocho, Gibitsee neen kichiti nuggishoo hinine” iyeete.

Keyo 32:8

Boonoshich ta getteti getoochee kaatee shokiyeete; aachoon ukkiꞌi, shahalloon maamochi shaahoona boonoshi qellich shuuneheete; aroyichoo goyinnee, deejjoonoo biich deejjiꞌi, ‘Israꞌeelee ashoocho, Gibitsee neen kichiti nuggishoo hinine’ iyeete” iye.

Isiyaasi 2:8

Boonoshi showooch shahalleenaꞌo ceennitinaꞌone; boonoshi hajjee kishoona boonoshi shuuneti mooyinaꞌoyich goyinneheete.

Erimiyaasi 19:13

Yerusaalemi katemeexi kexinaꞌonaa Yihudee taateenaꞌo kexinaꞌona, boonoshi kechi toommeexi kexinaꞌoochaa shimaajji xojjeneenaꞌo bullich boonoshi deejjiti, bare nuggisheenaꞌoyich uyee buuroon boonoshi ukkiti kexinaꞌo bulliyoo Tofeeti xaaꞌoochoommon eeꞌeenaꞌo tunemminaꞌone’ itone gete” iye.

Erimiyaasi 44:17

Tunebaani noonnaa no qaabbechinaꞌona, no taateenaꞌonaa no ukkireenaꞌona, Yihudee katemeenaꞌonaa Yerusaaleminoochaa tuniyaabee no echetoommon, shimaajji taateyich, ixaanoon shoohonaa uyee buuroon ukkoonoyich, no noonoochee kechiti qaaro bullin tuniyemmo noone; ebin no tunii beehooba koshon michaa beemmo noone; noochoo gaawee beehe; gonde mooyon beegaano noone.

Erimiyaasi 8:2

Boonoshi shunnii maddeti, boonoshi qaawii dabbiti, goyinneenoo iti aabeenaa ageneenochi, wotta shimaajji xojjeneenaꞌo aafooch boonoshin yachemminaꞌone; boonoshi shaawusho ikkooch kicaa duukkeyaachemmone; showee toommooch guudoochoommon qixeyemminaꞌone.

Hiziqeeli 23:8

Gibitsee showooch bi beehooba bi doyiti yahoon qayaaneene; aroochaa bi bushittinoona anaaminaꞌo biinna tookkii qeyiyeete; gidiidittinee bi xanonoo huushiyeete; biin qeyiyeete; boonoshi yahoonoo bi toommooch woniiheete.

Leweenaꞌo 26:1

“ ‘Ta, ittoshi Nuggishoo Doono Yeeri ta tunetoyich, shahalloon ittoshich shuuneyaahote. Xareeti xaqqoon woyee goyinnee xaqqee giimboon ittoshi showooch xogiree, ebi aroyich goyinneyaahote.

Yibbaatoo 16:21

“Ne Nuggishoo Doono Yeerich deejjee gudoon ne shuunaa beegaata, bi gaꞌooch mixoochee shuuneeti, nuggishee Asheeri misiloon neechiyaahine.

Yibbaatoo 4:19

Damba shimaayooch ciiniree, aabeen, ageneenaa xojjenoonoyich ne goyinne maddemmoyich ne mullo neen bi geechaachemmoyich, ne qelloon ariibe! Ne Nuggishoo Doono Yeeri eboshich boonoshi goyinne maddemmoyich showee toommo bulliich beeti asheenaꞌon beshiiꞌi immitone.