2 Taateenaꞌo 13:5 - Kafa Linguistics Project

⁵ Israꞌeeleenaꞌon wodiyemmi ashoon boonoshich immiye. Ebina boonoshiyoo Sooriyeenaꞌo kishoochee wodiyeete. Israꞌeeleenaꞌoo aafichoommon diggoona boonoshi kexi kexooch koteheete.

2 Taateenaꞌo 13:5 ပူးပေါင်းရင်းမြစ်များ

2 Taateenaꞌo 13:25

Aroochee Yoꞌakaazi bushoo Yehoꞌashi bi nihoo Yoꞌakaaz waanee Hazaheeli koyeꞌi deqqiti katemeenaꞌon Hazaheeli bushoo Been Hadaad waanee wochinnoon kochii yechiye. Yehoꞌashi keejje wottoon biin kochiꞌi Israꞌeelee katemeenaꞌon wochiye.

2 Taateenaꞌo 14:25

Israꞌeelee Nuggishoo Doono Yeeri Amitaayi bushoo, Gaat Hefeeri katemee asho, keemechi Yoonaasina bi gettitoommon, Hamaati katemooch beshe kaattoochee Kiikki baharooch beddaahaa beeti Israꞌeelee showoon wochiihe.

2 Taateenaꞌo 14:27

Tunebaani Doono Yeeri, Israꞌeeleenaꞌochi shigoon showee toommoochee aalliyemmo bi tunoon getaanoone. Ebich Yehoꞌashi bushoo Yeroboꞌamichi kishoona boonoshin wodiihe.

1 Kiinoo 11:2

Besheti yemeenooch, Saaꞌooli taateꞌi beehooba, Israꞌeeleenaꞌon ginee koyee xaaꞌoochaa yaabito neene. Ne Nuggishoo Doono Yeeriyoo neech, ‘Ta asheenaꞌo tuneti Israꞌeeleenaꞌon qiddemmo neene; boonoshichoo iraashoo tunemmo neene’ itone” iyeete.

Nehimi 9:27

Ebich boonoshi etteenaꞌo kishooch boonoshin beshiyaꞌa immehine; boonoshi etteenaꞌo boonoshin iritiiheete. Boonoshi iritee aabooba, ne waan cookiyeete. Shimaayoochaa boonoshi cookoon waayehine; ne ariqqee woddoommona boonoshi etteenaꞌo kishoochee boonoshin wodiyemmi wodiyechinaꞌon tiijjihine.

Asteeri 4:14

Ebiyoommi aabooba ne cikkii qayigaata, Ayihudeenaꞌoyich gaachoonaa wodoona bare xaaꞌoochee woyemmone; tunebaani neennaa ne nihoochi kechi asheenaꞌona aallemmo ittoshine. Ne, gennee abeeti tunoyich ne beddeto, diqqich ebiyoobee aaboyich gaata, koni ariihe?” iye.

Keyo 4:10

Muusiyoo Doono Yeerich ishichiye: “Ta Doonocho, aaf tuneba ne guuno taanna tookkaa ne yibbaatetoyee gubb, andoo yibbaatoon hakkechi asho toono taane. Eciya tippo, yibbaatoonoo hakkaani asho taane” iye.

Isiyaasi 19:20

Ebiyoo Gibitsee showooch Beshe Mawe Doono Yeerich malletoonaa miixoona tunemmone; asheenaꞌo boonoshin xuuxii beetinaꞌochi naboona Doono Yeer waan boonoshi cookaa, wodiyechonaa gaachoonon boonoshich deejjemmone; biyoo boonoshin wodiyemmone.

Abidiyi 1:21

Esayichi guudon hajjoyich, kochii wochechinaꞌo tuneti asheenaꞌo Tsiyooni guudi toommooch kechemminaꞌone; taatittinoo Doono Yeericho tunemmone.

Luqaasi 2:11

Hanaach Daawiti Katemooch Wodiyecho ittoshich shiijjetone; biyoo Kiristoosi getteeti Doonone.

Yibbaatoo 19:4

“Ashoon wuxiti ashich tunemmi doyoo ebine. Aroyee aaf kaaro boonoshi daggooch aalloon ariyaanoon diqqoona ashoon wuxiti asho ebi katemeenaꞌoochee ikkooch muriciree hami wodibe.

1 Saameeli 12:11

Doono Yeeriyoo Geediyoonin, Baraaqin, Yofitaahin, wotta taanoo deejjiꞌi ittoshi etteenaꞌo kishoochee ittoshin wodiihe. Ittoshiyoo keqqaalloon kotehote.

1 Saameeli 19:7

Ebina Yonaataani Daawitin ceeggiꞌi bulli mooyon biich gettiye. Aroochee Saaꞌool waan daammiye. Daawitiyoo aafichoommon Saaꞌoolich maddee beehe.