2 Taateenaꞌo 13:4 - Kafa Linguistics Project

⁴ Ebich Yoꞌakaazi Doono Yeerin qollehe. Doono Yeeriyoo Sooriyee taatoo Israꞌeeleenaꞌon neexxii hajjoon bi beeggitoyich, bi qolloon waayehe.

2 Taateenaꞌo 13:4 ပူးပေါင်းရင်းမြစ်များ

Halloo 21:17

Yeeri bushoochi eefon waayehe. Yeerichi maraakoo shimaayoochaa Haggaarin ceeggiꞌi ishichiye: “Haggaare, akkitine? Yeeriyoo ne bushoo eeppiti eefon waayetone. Ebich shattaahine.

Halloo 31:42

Ta nihinihoo Abrahaminaa ta nihoo Yisaaqina goyinneti Nuggishoo taanna tookkii toono bi gaata, shokke kishooniye taan ne deejjesho. Tunebaani Yeeri ta iriteyoonaa ta aayonon ciinniꞌi, yiichi xum neen kaarehe” iye.

2 Taateenaꞌo 13:22

Sooriyee taatoo Hazaheeli Yoꞌakaazi taatee yemeeno bulliich Israꞌeeleenaꞌon xuuxiihe.

2 Taateenaꞌo 13:23

Tunebaani Doono Yeeri gaawe aafoona boonoshin ciinniye; boonoshichoo ariqqehe; Abrahamina, Yisaaqinaa Yaaqobina tookkii bi giyiti wogoyicha iꞌi boonoshich deehe; boonoshin aalliyoon qaawaanoone; and beddaahaa bi aafoochee boonoshin yoohaanoone.

2 Taateenaꞌo 14:26

Guuno tuneba doono, Israꞌeelee showooch beeto bulli oogichii bi caammeyoon Doono Yeeri beeggiye. Boonoshinoo gaachemmo aalloone.

2 Kiinoo 33:19

Wotta bi corooto, Doono Yeeri bi qolloon waayo, bi axaaxoo bullinaa gibeneyee bi qayona, bi qelloon bi giishiyoyee aaf bi shuuniiti geppee toommeexi goyinnee xaaꞌeenaꞌo, Asheeri misileenaꞌon bi neechiti xaaꞌoonaa shahalleenaꞌon bi neechiti xaaꞌoona yaaꞌechinaꞌochi kiinee macaafooch kooreetone.

Iziri 8:23

Ebi mooyoyich coomaꞌa no Nuggishoon qollehon; biyoo no qolloon waayehe.

Iyoobi 22:27

Bi waan corootemmo neene; biyoo ne qolloon waayemmone; ebich ne mookketon ceechemmo neene.

Shoddo 50:15

Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.

Shoddo 78:34

Boonoshi daggooch qitoon bi geddimmona, bi waan wotteheete; mulloochee tiijjiꞌi bi waan wotteheete.

Keyo 3:7

Aroochee Doono Yeeri ishichiye: “Gibits beeti ta asheenaꞌochi xuuxoon beeggeto taane; boonoshin shuuniibeeti ukkireenaꞌo maacee manjoochee tiyitona, boonoshi cookiibeeti cookoon waayeto taane. Boonoshi xuuxoonoo digeneto taane.

Keyo 3:9

Andoo Israꞌeeleenaꞌo cookiibeeti cookoo ta waan waayeetone; Gibitseenaꞌo boonoshi toommooch tuniibeeti xuꞌoon beeggeto taane.

Isiyaasi 26:16

Doono Yeero, ne asheenaꞌo boonoshi xuuxehooba neen qaawiyeete; boonoshin ne sheeriyooboo shaashikkoona ne waan corootiyeete.

Isiyaasi 63:9

Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Erimiyaasi 2:27

Mixon ‘Ne, ta nihoo neene’ xaqqoonoo ‘Taan shiyeto neene’ iyeete. Boonoshi aafoon tuneyaanoon boonoshi gubboon ta waan wochiyeete. Tunebaani boonoshi iritee aabooba ‘Tiyiree noon wodiibe’ iyeete.

Erimiyaasi 33:3

“Ta waan cookibe; neech wochemmo taane; beggaa ne ariyaani giidechi mooyon neech bekkiyemmo taane.

Haddoo 21:7

Asheenaꞌo Muus waan waaꞌi ishichiyeete: “Neennaa Doono Yeerinochi toommooch gonde mooyon yibbaatoona xuqqeto noone. Dingeroon no waanee bi wokkiyemmoyich Doono Yeer waan nooch corootibe” iyeete. Muusiyoo asheenaꞌoyich corootiye.

Woraaferasheenaꞌo 10:10

Aroochee Israꞌeeleenaꞌo “No Nuggishoo neen qajjaꞌa, Baꞌaaleenaꞌoyich goyinnaa maddaꞌa, axaaxoon shuunoona neen xuqqeto noone” iꞌi Doono Yeer waan cookiyeete.