2 Taateenaꞌo 11:9 - Kafa Linguistics Project

⁹ Ballee iraasheenaꞌoo qeeshoo Yoyaadi gettito bullin tuniiheete. Boonoshi ikkikkoona shambetee aaboon kellee quyooch giyii beetinaꞌonaa kellee quyoochee kechii beetinaꞌona tuneti boonoshi ginee naayinaꞌon yechiꞌi, qeeshoo Yoyaad waan waaheete.

2 Taateenaꞌo 11:9 ပူးပေါင်းရင်းမြစ်များ

2 Saameeli 8:18

Yoyaadi bushoo Beenayi taatoochi quyee naayinaꞌo tuneti Kereeteenaꞌonaa Feleeteenaꞌonochi toommooch ukkiroone. Daawitichi anaami bushiisheenaꞌo wotta mikkirechinaꞌone.

2 Taateenaꞌo 11:4

Tunebaani shabaattinnee natooba, Yoyaadi Kaareenaꞌonaa kellechinaꞌonochi ballee iraasheenaꞌon wochiiꞌi, bi beeti Doono Yeerichi yaafee kexooch boonoshi woyemmoyich tuniihe. Boonoshina tookkii wogoon giyiꞌi, Doono Yeerichi yaafee kexoochaa boonoshin wogiihe. Aroochee taatoochi bushoon boonoshich bekkiihe.

1 Kiinoo 26:26

Shelomotinaa bi maneenaꞌona, taatoo Daawiti, yaree ukkireenaꞌo, humee iraasheenaꞌo, ballee iraasheenaꞌonaa bi ginee iraasheenaꞌona kichiꞌi giddiiti yaafeeti qiiceenaꞌochi ukkireenaꞌone.

2 Kiinoo 23:8

Leweenaꞌonaa Yihudee asheenaꞌo bullina qeeshoo Yoyaadi gettito bullin tuniiheete. Qeeshoo Yoyaadi shambetooba boonoshi kaalloochee kechitinaꞌon batt gawukkaano bi tunetoyich, ginee iraasheenaꞌo boonoshi ikkikkoona kellee quyooch giyii beetinaꞌonaa kellee quyoochee kechii beetinaꞌona tuneti boonoshi ginee naayinaꞌon daammiyeete.